نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

الفيروسه الزرقاء · #10 23/08/2008, 03:41 PM

هلا بـ عمدتنا ورده

وعليكم السلام ورحمة الله وبركاته .

شوتوا متي

إقتباس


	18/08/2008, 09:31 AM

يـ إلهي ماهذا إن العميد يختار الأيام المميزة

! أجل 18/08/2008 ماشاء الله تاريخ بيانك حلو

ولو انك منزله
20/08/2008 تطلع روووعه

تدري ليه روعه ! خلك ذهين وفصلها مو تقول لا مو مميزه ! لما نشيل الفواصل وطبعا بيكون التاريخ من اليسار ! بتتلاقى 20 مع 08 وتطلع 2008

---> صه بس جد فاضيه !

إقتباس


	قبل كل شي احب اشكر كل من سأل عني وفقدني بغيابي طول المدة اللي راحت ..!!

لا داعي لا داعي لـ الشكر

، فـ أنت عميدنا وسيدنا يجب علينا مراسلتك وتفقد أوضاعك

!

إذا ما أرسلت لـ العميد ياناس لمنو راح أرسل

! إذا مافقدت المدقق من راح أفقد

!
صدق أن فراقك صعب علينا

لكن الحمدلله الحمدلله ان ربي صبرني ع بعدك وقدرت أنساك اقصد أعيش من دونك

..يـ عميدنا بليز لا تغيب عنا ! يعني أنت تعرف أن الفراق صعب ليه تخلينا وتروح

.

أما ارسلك لا و أفقدك كثر منها

عسى مـ أقول فراقك عيد

.

إقتباس


	اجل شكراً لكل من سأل ومدري وش وهو رأس ماله 15 مشاركه وكلهن مشكور ويعطيك ربي ألف عافية ..!! تسان احد فقدك فهو حبر المنتدى والا غيره محد طق لك خبر ..!!

لوووووووووووووووووووووووو

ووووووووووووووووووووووووووول حلووووووووو

ووووووووه
يـ الشين هـ النوعيه اللي تبز بـ عمرها ! مسويه نفسها شي وهي ولا شي

إقتباس


	يقول اخاف باتسر اذا جيت بروح لغرفتي لازم اروح بالسيارة ..

لا وشوله يروح بـ السياره ! خل يركب سير كهربائي دار مدار ع بيته

ياي وناسه تركبه ماتدري الا دن وأنت بـ غرفتك

.

إقتباس


	المهم برجع لسالفة طلبات السيارة .. الحين هالقرار البعض يطبقه وما نقول شي والبعض ساحب عليه وبرضوه ياليت الكل يسحب مالها داعي كل شوي نازلين

يـ أخي أفرض أن اللي بـ السياراة عوائل شلون يطلبون

! ---> هذا همها

خصوصاً لما يكون المحل مافيه عوائل مثل صب واي

.. لازم نتعب سواقنا وينزل

--> معودينه ع الخمول

.

لا لازم يتراجعون عن هـ القرار الخاطىء وإلا يخلونا كلاً بـ الهواء سواء ، موظفين الدوريات يصيرون مثلنا

.. وإلا بس يخلون القرار شامل فقط لـ العزابيه يستثنون منه العوائل

تدري مو شينه

!
بعدين مدري هم مستثنينا وإلا لا

شرايك أجرب

..

إقتباس


	وشلون تبيني انفذ قرار صادر منك وانتم آخر من يطبقه .!! عندنا مليون قرار وقرار طلع وآخر من يطبقه اللي مصدرين القرار ؟؟!!

صدقت والله

.

إقتباس


	بأرد عليه وبأقوله انثبر الله يصلحك ولا يكثر لا اطردك من موضوعي ..

شكراً راح أنثبر

.

إقتباس


	اذا لغتنا ماضبطناها اجل وش نبي نضبط ؟؟!!

أنت شف وش جنسية هـ الخطاطين ثم أحتس

، لما يكون الخطاط سعودي ! لك الحق تعتب

.. أما لو أن الخطاط مو سعودي بيقولك أيش مشكله صديق !

..
هنُا يـ عميدنا لازم حتى نحافظ ع شكل اللوحات و قبل مانحافظ ع اللوحة نحافظ ع لغتنا ، لا بد من تعيين خطاطين سعوديين .. يعني يجب ع وزارة العمل توصي البلدية أنها ماتسمح بفتح أي محل خطاط إلا لما تتأكد من جنسيته

ومنها بعد يستفيدون من مواهب هـ الشباب المبدعين اللي ماخلوا جدار إلا ويكتبون عليه

لو يوظفونهم مو أحسن من هـ اللي يشوه ----> همها توظيف ! لا بد من مساندتي لـ هذه الفئه

إقتباس


	قبل كم يوم قريت بالجريدة ان فيه عروس حطت زفتها موسيقى سنوات الضياع (( علينا حركات )) ..!!

يب

ياكثر البنات اللي تزوجوا بهالصيف وحطوها قسماً بـ الله حوموا كبدي

.

إقتباس


	لكن من هالمنبر اقولها تبطين عظم خخخخخخخخخخ ..

اقول أها بس من زين لميس عاد

مدري وش عاجبكم فيها عندي رفيف أزين

.

إقتباس


	وبرضوه قبل فترة قريت بالجريدة ان واحد كويتي استأجر القصر اللي يمثلون فيه مسلسل نور .. لمدة ثلاث ايام ..

لا ماقريت الخبر اللي يقولون لك ان فيه 200 فتاة حولوا اساميهم إلى لميس !
عاد صراحه أحسها تخلف اني احول اسمي علشان فلانه ! ليه شنو راح أستفيد منها لما اخلي اسمي عليها !! يعني أنا الخسرانه بروح اعدل بطاقاتي و شهادتي علشان أسم !! وإلا مافكروا بالتعديلات !! جد عقول فاضيه الله لا يجعلني مثلهم

.

إقتباس


	مثل ما شفنا باب الحارة .. طفوا العالم بالشي وادهروا به ..!! والله يا حنا شعب طفافي يطف بالشي لين تندبل تسبدك منه ..!!

بتشوف محلات وش كثر ومنتجات أشكال وألوان بـ اسماء المسلسلات ، التسويق عامل عمايله

.

إقتباس


	عرس كويتي في فيلا نور ومهند زفة على أنغام "سنوات الضياع"

200 سعودية غيّرن أسماءهن إلى "لميس" و500 مولود باسم "يحيى"

إقتباس


	وتقولون لي تزوج يا صدى ؟؟!!

تزوج ماعليك منهم ، أنت أعقل منهم

مو راح تتزوج حتى تتباهى بـ نفسك وتبز بـ عمرك ويافلان تراني سويت مثل ذاك المسلسل ! انت بتتزوج حتى تستر نفسك

.
يـ الله أهجد بس وأتزوج ، جعل إن شاء الله مايجي الصيف الجاي إلا وزوجتك معك جد نبي نفرح فيك أنت وقائدك وأفراد العصابه

أقصد العزابيه

.

إقتباس


	بإختلاف الاسباب سواء كان السبب انها مخالفة او ان الموظف ما جازت له خشتك ..

آخ بس ياكرهي لـ الحريم وغيرتهم حتى هم مختلفين عنك جنسيه يغارون

، والله يـ صدى فلبينيه بس وش فلبينيه داهيه راعية شبكات و خبصات بـ الكمبيوتر المهم أول ماشافتني كشرت

مدري وراه يمكن لان فيسي أزين من فيسها

.. صارت تكلمني من طرف خشم وكل ماسالتني سؤال جاوبت عليها إجابه منمقه ، قومي يابنت اللذين أرفضيني

----> أنتِ متأكده هذا سبب الرفض مافي شي ثاني

.

بصراحه الغيره تعمل عمايلها فـ المجتمع النسوي

.. سامحهم الله سامحهم الله

إقتباس


	من يوم اني صغير وانا حاط في بالي ان الدنيا اخذ وعطاء .. وعشان تأخذ لازم تعطي ..!!

ما أنت عاقل يـ الذهين ، من يومه صغير وهو مـ ـ ـصـ لـ ـحـ ـجـي

إقتباس


	كلنا نسمع عن سالفة غداء والا عشاء عمل .. واقول وش هالعمل اللي ما يجي الا بغداء والا عشاء وشلون يشتغلون هالناس .. يعني ما يعرفون يجتمعون ويتناقشون الا وهم يحركون ضروسهم ؟؟ لكن اكتشفت ان هذي هي اسرع طريقة لتضبيط امورك ..

اها كذا السالفه ! اجل مصطلح غداء عمل ماخذين من اليابانيين دائما يعزمون ع الغدوات والعشيات

..
بس يـ أخي هم فلته

يسكبون بعض من اللي خبري خبرك فـ كويسات "تبي تصغرها

" ! عندهم تقدير إنك تصب له ، مالت علينا لا قال لنا أحد صب لي عصير تفاح

عطيته القاروره يصب لـ عمره

---> ماتعرف تخدم أحد

:: تمريرات

::

إقتباس


	قبل كم ساعة كنت في مستشفى التخصصي مع والدتي، وبحكم إن الوالده الله يحفظها كبيره بالسن فهي ما تقوى تطلع الدرج وبالتالي لا عناة لها عن اللفت (المصعد)، والله يا جماعة إني جلست أنتظر معها وقتاً ليس بالقصير عشان نقدر نركب اللفت، كل ما انفتح الباب هجموا عليه رجال وشباب وعبوه بالكامل! وأجزم بأن صحة الواحد منهم تخليه يقدر يطلع عشر أدوار بالدرج وينزل من دون أي تعب، فما بالك بدورين أو ثلاثة!!، لكنها قلة حياء!.

جد قلة حياء

، يعني ماحترموا أمك اللي واقفه قدامهم !!
لو أنها بنت أم عشر طعشر سنه كان تكلم واحد منهم و قال لا لا تركبون أنتظروا لما تركب الآنسه ....!
لازم الواحد يكون عنده ذوق شفت أحد كبير بـ السن واقف عند باب اللفت أنتظره لما يركب ، واذا كنت مستعجل يمدحون الدرج

..!

للاسف قلوا اللي يحترمون ويقدرون الكبار بالسن

!

إقتباس


	قمت اتحسس على راسي بس مالقيت بطحا اكيد تقصد الفيروسه ام اربعه واربعين يوزر

ياعمري يا أنا

أنت بس عطني 4 يوزرات وإلا بلاش 4 وش ابي فيها أحسها كثيره

أبي بس واحد

و مواصفات هـ اليوزر :

1- تاريخ تسجيله قديم يكون عام 1999

.
2- عدد مشاركاته أكثر من 5000 ، حتى يكون بعيد عن الشبهات

.
3- يفضل يكون أسمه حلو .
4- خالياً من المدات والكسرات

اقصد الرموز

.

بس 4 شروط

عاد أنت خبير ماشاء الله عليك بـ اليوزرات

! تعرف شلون تدبرها

.

صن كيو يـ عميدنا ع هـ الموضوع ، وماوصيك كثر لنا منها

تعرف أخذ كورسات عندك في فن التعامل مع المسؤولين

.

سي يا

الفيروسه الزرقاء