20/08/2008, 05:08 AM
|
| موقوف | | تاريخ التسجيل: 17/03/2008
مشاركات: 1,233
| |
حي الله الشباب ومشكورين على التفاعل  واعذروني على القطاعه والله اليوم كنت مشغول واشغلتنا قضية عبدالله وانا كنت من ضمنهم لكن ولله الحمد ما ظلمت زيه ولا جاني ايقاف وودي نسكر الموضوع ولا نفتحه مره ثانية والله العظيم لو كانت الرابطة ميب فيه وفيها رجال شرواكم  كان ما طبينا المنتدى لكن وش نسوي تعلقنا بالرابطة على العموم اببدأ بالتعليق على اهم الاخبار بس بدون اقتباس : ابرا : نقول ان شاء الله ما فيه شئ واتمنى ما يلعب مع المنتخب لأن الرجال ما ينضمن واذا جاه شئ عز الله رحنا في خرايطها بالنسبة لكواريزما : على ما اعتقد ان الصفقة منتهية ان شاء الله لكن باقس الاتفاق على المبلغ واستغرب ذا القعط من موراتي على غير العادة وبورتو معروفين بغلاء اللاعبين و آخرهم بيبي باعوه للريال بـ30 مليون يعني موب منطقي اننا نأخذه بـسوازو و15 مليون اللاعب بالنسبة لي اشوف ان سعره 30 مليون يورو واقل من كذا اعتقد صعبه يطلع وان شاء الله تحسم ولا نقعد بذا المالفاشل اما الخارجين : الظاهر ان سوازو و داكور بيطلعون وان شاء الله تتم ونفتك كريسبو اتوقع بقاءه لأن الفريق ما يطمئن من ناحية الاصابات وبالتوفيق للفريق ان شاء الله في السوبر كبداية . ورده |
