شاعر كمبيوترجي .... يصف هجر محبوبته ....!!
فيروس "هجرك عطل القلب "تعطيـل"
ودمر "ملفـات" الفـرح فـي حياتـي
ياللي سكنت القلب مـن دون"تحميـل"
متى"لموقعنـا"تـشـرف وتـاتــي
"عنوانكم"ماهوب"ياهو"و"هـتـمـيـل"
"عنوانكـم" روحـي وقلبـي وذاتـي
كم مرةٍ أرسلـت لـك عبر"الإيميـل"
وأدورك فـي "منتـداي" و"شـاتـي"
وأرسلت لك يازين"فيـلٍ "ورى"فيـل"
فيها الغـلا والحـب يأغـلا أمنياتـي
وأرسلت لك قصة عذابي مع "الريـل"
ياللي غيابـك هـو سبايـب شقاتـي
دايم عليك "أبحث" "بياهـو" و"قوقيـل"
وأنـت ولا تسـال عليـنـا بتـاتـي
خابرك" بنتم فور" أصلـي و"أنتيـل"
لكـن خسـارة غيـروك الوشـاتـي
وكان الهكر غـروك بالقـال والقيـل
بأدعي عليهم في سجـودي وصلاتـي
ياجعلهـم بقعـاء وطـيـرٍ أبابـيـل
ترمي عليهم بأمـر ربـي حصاتـي
يرضيك من حبك غدى منهك الحيـل
ريقي غدى ناشـف ويبسـت شفاتـي
أقضي الليالـي دمـع عينـي هماليـ
للامـن طريتيـلـي تـبـدد مبـاتـي
صحـراي جفـت مالفانـا مخايـيـل
وأنت المـزون اللـي تـروّي نباتـي
وياشين حالي لا قريـت "المراسيـل"
في"الأوت لك" أذكر قصص ماضياتي
منك"حزيـن الحرف"شـاف البهاذيـل
وقلبك مثل "قرصٍ صلب" في القساتي
"موقعك" فـي وجهـي مقفـل بتقفيـل
حتى"البركسـي" مانفـع وش سواتـي
"بمفضلة" قلبـي عطينـاك "تفضيـل"
أنـت المفضـل عنـدنـا ياغنـاتـي
ويازين هجرك عطل القلـب تعطيـل
ومن غير شوفك وش تساوي حياتـي
كني بدونك "قرص فارغ "ولا" فيـل"
فاسـد ومرمـي "بسلـة المهملاتـي"
ماعدت أفرق بين"اكسـس" و"أكسيـل"
وماعدت أفرق بين" بلتـك" و"شاتـي"
وباشكي على "الكيبورد" كثر الغرابيـل
وأكتب على "الوورد" المطور" وصاتي"
وهذي النهاية حطها وسـط "تظليـل"
لا مـت فغيابـك سبايـب ممـاتـي
