بسم الله الرحمن الرحيم ...

انا والله لفت انتباهي ان الاخت الغالية jojoj ... وصلت لها الفكرة بشكل خاطئ !!

النقاش مطلوب ... والحوار بشكل هادئ ( ولا أحلى منه ) ... انتي طولي بالك ..

وانا يوم طرحت الموضوع كنت ادري ان في ناس بتختلط الارآء عندهم ... حبة حبة ... تجي المحبة ..

إقتباس اقوول كنكم حاقدين عالبنات وماصدقتو جى هالموضوع كلن قام يدلي بدلووه

>>> اما حاقدين !! ... كل واحد ياعزيزتي له وجهة نظر يجب ان نحترمها ..
خلني اثبت لك كيف ان هذا الكلام والتعليق ليس به اي نوع الحقد ... لكن هو نوع من الغيرة يا اخت jojoj



كيف تفسري لي ان بعض البنات السعوديات عند ركوبهن تنزع عنها العباءة ؟>>> في بنات رأي العين شالت العباية والطرحة ...

يمكن هذه النقطة قليلة !! ... طيب وش تفسيرك يا عزيزتي للسعوديات اللي اذا طلعت برا تمسكت بلبس العباية وانواع العطر والتميلح قدام خلق الله في المولات والتلكع في الكلام ... >>> ناظروا اتكلم جوال !!
واهم شي وهي تكلم جوال ( تبرم لك برمة ) على اساس انها تلتفت .. ومع ( البرمة ) توريك ان هي لابسة جينز !!

>>> طيب كلمة بعض هنا قليلة ... يعني انا شاب واشوف نسبة لا بأس بها من هالنوع اللي لابسة عباية ..
ومن التصرف والحركات ... كنها موب لابسة عباية !!

إقتباس بس لا تنسون الشباب بعد من اول مايسافرون برا دراسه او اي شي ثاني ونسوو كل شي ومسوين انه تمدن ان كل واحد ياخذ له صديقه وانه يروح اماكنهم الي فيها ممنوعات بين قوسين Club واستغلوو مقوله ان الرجال مايعيبه شي

كلام سليم 100 % ..
بعض الشباب ( بعض ) ... اول مايطلع برا يجيب العيد انا معك ...
بس اما مسوي يتمدن !! ... >>> امحق تمدن !!
طيب لو عكسنا هالآية على ( جنس حواء ) ... هل هالكلام مستثنون منه !!
يعني مافي سعوديات لهم ( بوي فريند ) ... انا ما ابي اتعمق اكثر ... لان لو تعمقت بزيد الطين بلة !!
>>> خلنا على مبدأ بعض ...
و ( Naight Club) ... مافي سعوديات !! ...
>>> اذا مافي فيه سعوديات ... اجل نوم العوافي !! ..


وبالنسبة لمبدأ " استغلوا مقولة ان الرجل مايعيبه شي " ..
الغالبية انتهجوا هالمبدأ ... ومن الناحية الاخرى في شي اسمه اخلاق !!
الرجل يعيبه مثلما تعيب الانثى ...
لكن لنكن واقعيين ... الشاب لو فعل مافعل ... ( قد تتشوه سمعته ... يعني كل اللي بيجيه كلام !!)
لكن بنت حواء لو فعلت مافعل الشاب ... لقتلت !!
لانها اولا تعكس تربية اهلها ( كما الشاب ) ... لكن يبقى للانثى ان سمعتها ان خدشت لم يبقى لها شيء ..
واصلا ياعزيتي مافي وجه للمقارنة بين افعال الشباب وبين افعال البنات ...

لاختلاف فوارق المقارنة بين الرجل والانثى ... >>> يعني الرجال غير والبنات غير !!
طبعا وحتى تصل الفكرة البنت لها افعالها وحركاتها ومشاغباتها ... والشاب له افعاله ومشاغباته ..

لكن تبقى الانثى الاكثر لفت للانتباه ... كونها بالدرجة الاولى انثى ..
يعني لو تشيل البنت العباية ... وش معناها ؟ ... يعني كانها تقول للشاب ها كيف ؟ حلوة !!
وجنس حواء حسب دراسات ( تموت ) على ان احد يتغزل ويجامل بها ... وكذلك جنس حواء يحب الحنان والتمسك بذكريات الطفولة ... فتحب تتدلع !!
ولا تنسي ان موضوعي بالدرجة الاولى يخاطب فئة البنات في الخارج ...

إقتباس وكثير من الاجنبيات من تشووف سعودي او خليجي بشكل عام وهي تقوول ياسلام لقيت صيده ,ماقد شاف خير وتجي هالشقراا وتلعب عليه عشان تكسب من وراه هدايا وعزاييم و ... الخ موب عشان سواد عيونه ولا معجبه بخشته بس عشان تحسب وراه بير بتروول

لقيت صيده !! ... >>> سلامات !! ... طلعوا اللي عندكم يالبنات
" وتجي هالشقرا " ... لاتكوني غايرة على الشقرا ...
" عشان تحسب وراه بير بترول " ..... >>> وش هالحقد علينا ... يعني كل الدعوة فلوس برأيك !!
يعني اذا واحد حب له بنت شقرا ... خروف !! هي يعني بتلعب عليه ...

اختي jojoj لاتخلي تفكيرك ضيق ... ولا تحسبي كل الدنيا فلوس ... " للمعلومية الفلوس ... وسخ دنيا "
يعني على كذا اذا حبيت لي وحدة ... فلازم افكر ان البنت ما حبتني الا عشان عندي بترول ( على قولتك ) ..

وين الاحساس والمشاعر !!! ... كل التفكير صار في الفلوس !! ...
اجل كل واحد متزوج شقرا ... لازم ينتبه على ( بيره ) لا يخلص ..

إقتباس ماغير تمشي هنا وتلاقي سعودين معم امريكيات حتى بعض الرجل الي متزوجين يتركون حريمهم بالبيت ويطلعون مع امريكيات على بالهم تمدن

اما سعوديين ومتزوجين ومعهم صديقات امريكيات ...
والله اذا اصل الرجال ( رخمة ) ... فما في شرهة عليه ..

>>> انا ما ادري ليه انتي ماسكة على كلمة " تمدن" ... !!
ترى حنا في عام 2008 ... صح اعتز بعروبيتي وبداوتي ... لكن موب معناه لا اواكب التطور !!
وكلمة تطور اقصد بها ان نواكب الحياة ... (دون الخروج عن العادات والتقاليد) " ...

ترى يا أخت jojoj ترى من اشكال التمدن ... ان تركب سيارة / ان تتكلم بالجوال / ان تلبس جينز ...
ترى كلمة تمدن لها ابعاد كبيرة ...

إقتباس انتم تتكلمون عن اقليه وفئه صغيره من البنات بس الاغلبيه من الشباب يسون كذاا الا من رحم ربك

نعم .. ترى موضوعي عن هالفئة ( القليلة ) من البنات وكذلك الشباب ...
وانا قلت في بداية الموضوع ان الهدف منه هو كيف نعالج هذه الفئة ونحاول ان نقلل من ظواهرها السلبية ...

إقتباس مع ان المفرووض الواحد يكون عنده رقابه ذاتيه ويعرف ان ربه يراقبه بكل تصرفاته سواء بالمملكه او برا ومايترك الاخرين يقومون بدور الرقيب والحسيب لان الاعظم وهو ربك يراقبك بالسر والعلانيه ولازم الواحد يحط هذا في باله ويعرف ان اي شي راح يعمله بيحاسب عليه

ومثل ماقلتي ان لم تنبع مخافة الله من نفس الانسان ... فكأن شيئا لم يكن !!

وفي نهاية المطاف يا اخت jojoj ... اتمنى ان تكون فكرتي قد وصلت ..
ونحن في حوار هادئ ولطيف ... وليس في حرب كلامية ...

ارجو الا يفهم من كلامي خلاف ما انوي ... فانا اطرح قضية تهمنا ... نجمع حولها الآراء ( موجبها / سالبها ) ..
لنكون فكرة عن هذه المعضلة ... ندرس اسبابها ... نعالجها ... نحلها ... نرتقي باسلوبنا ونحقق هدفنا ... فقط !!

ارجو الا يكون ايضا لديك "شايلة " على احد ... فو الله ما نقول هذا الكلام الا لاننا نحبكم ونغار عليكم ولا نرضى لاحداكن ان تجرح بكلمة ...

اللهم استر عوراتنا وآمن روعاتنا ... آمين ..

lover_zidane