نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - | رابطة عشاق الشياطين الحمر 2008 - 2009 | ( به وإلا بغيره .. المان مجد .. وحسن سيره ) | ( Kings of the Worlds )

Hilal Mu · #2164 17/08/2008, 09:14 AM

صباح الخير

.

.

.

وحيا الله كلن باسمه

اليوم بداية الموسم الحقيقي للمان

ونتمني التوفيق لفريقنا وتحقيق جميع بطولات الموسم

لكن يجب علينا إننا مانكون طماعين وحصولنا على ابطال اوربا والدوري العام راح يخفف الكثير من الضغوط علينا

مو شرط يكون الموسم حافل مثل الموسم الماضي

لكن المستوى الجيد وبطولة واحدة كبيرة بتكون إن شاء الله بترضي طموحنا

بالنسبة لي أبي الدوري وإمكن الكثر عارف ليه >> 17 باقي وحدة وتصير 18

اليوم يبدأ المان بنقص كبير في صفوفه

وتعدد الغيابات بأبرز نجومه مثل كريستيانو وناني وهاري وبارك وساها وشكوك حول مشاركة واين روني

أعتقد إن المباراة راح تكون سهلة وماراح تتعقد إلا إذا عقدناها بأنفسنا

نيوكاسل راح يدخل اللقاء وفي ذاكرته الخمسة والستة

وهذي راح تكون من صالحنا إنه بيكون خايف شوي

أتمنى إنه مايتكرر نفس المستوى في نهائي كاس الدرع الخيرية

كان المستوى تقريباً جيد مع عدم فعالية في الهجوم

كامبل لازم يبدأ من بداية المباراة سواء بوجود روني أو لا

لو كان روني موجود راح يكون خلف تيفيز وكامبل

وإذا ماراح يبدأ فيه فغيغز راح يحل مكانه << وش عنده السير

وسكولز وفليتشر وكاريك في الوسط << تكفي ياسير لا تلعب اوشيه

والدفاع ماعليه خلاف

<< ما شاء الله

بالنسبة لبراون ورافايل

انا من وجهة نظري إننا نعتمد على براون في الفترة الحالية

صح إنه يرفع الضغط بس هو قدم مستوى حلو الموسم الماضي ورافايل على شوي شوي لين يتعود على أجواء البريمير

أمس الارسنال والليفر فازوا بصعوبة على الصاعدين

وهذا يدل على إن كل الفرق تشتغل صح

فيعني إننا يجب أن لا نستهتر بالخصم خصوصاً وإذا كان نيوكاسل وإنه يسعى جاهداً لخطف نقطة على الأقل من المان

أما بربا

متى بس اشوفك لابس المان

توتنهام مسألة عناد بس بعدم بيعه للمان

وهم عارفين إن المان جايبه جايبه الله لا يعوق بشر

وقالوا خلنا نرفع سعره

مع إني أشوف 30 مليون جنيه استرليني على واحد عمره وصل لـ 28 كثيره

بس مادام ماراح أدفع شي من جيبي لو يجيبونه بـ 100 مليون ماعندي مشكلة

بس أمس تحطمت لما شفته في قائمة السبيرز

حتى لو احتياط

بس ماودكم نقلب ونجيب ميدو

بالتوفيق اليوم وكل يوم