من باب الايفاء بالوعد اخوي lover هذاني عودت لك
<=-=- ناقصه ذيك النظارة الي عدساتها كنها فناجيل و هو يقول من باب الايفاء

والله يا اخوي العزيز ترا الوضع سايب لا من بنات ولا من شباب الا من رحم ربي

خل نبدا بالشباب بنحتسي عن الغالبية بس ما يمنع ان فيهم ناس كويسين
زيي انا و lover وكم واحد معنا <=-=- مداح نفسه ......
هالواحد منهم ما يمديه يطلع من هالديرة الا ويبدا خرابه من المطار
من ينزل من الطياره يدرعم لك على السوق الحره
تقول كنك هاد لك سلوقي على ارنب و يضف لك من هالبطول
لا احد يقولي يمكن دخل الحره عشان يشتري دخااان ولا طيب
ثمن يقعد لك يلتح ف هالشراب لين يفحط ف محله
ثمن ناهيته يا نايمن بالحمام يا وجهه الله يكرمكم بالافرنجي وانواع ال واععععععععععع
ثمن يديور على البنات و كن كل هالبنات موب متربيات
و يبدا يتكلم ف فلانة و علانة و ياذي شليخة و يا ذي قطعه والاخرى مووووت
طبعن اول ما يوصل اذا ما كان متعود على السفريات ولا قد شاف خير
من تكلمه بنت يوجعه بطنه ويديور على الحمام الله يكرمكم و لا يطلع الا بعد ربع ساعه
ثمن لين تعود شوي ما يبقى بنت تدرس معه و لا ف نفس جامعته الا وانواع العزايم
يعزم ذي على ديسكو ويعزم ذيك على غدا و ينادي الثالثة للشقة
و كل همه الشراب و البنات و النهاية كلكم عارفينها الله يكفينا الشر
الا على طاري الخرفان بقول لكم سالفة خروفن درس معي اول سنة 2008
هذا يا طويلين الاعمار كانت ساكنة قدام غرفته بنت من اهل الديره ولا قد كلمها
بس الولد حبها و هي مهيب حوله وزود على كذا البنت مخطوبه
المهم قبل عيد الحب و يجي اخونا فالله و يشتري له ذاك العقد ب حول 300 دولار
يقاله بيهديه للبنية يوم عيد الحب عشان تحبه وكوذيت يعني
المهم و ينادي له و احد من الشباب يترجم له لانه داجن مهوب حول الانقليزي
و قال للبنت ابي نسهر سوا يوم عيد الحب !!
قالت له البنت طيب
الا و تصقعه بذيك الركبة الي زرق منها جنبه 3 شهور
ونقع العقد و شرب مويته

بس الشهادة لله عشان ما اظلم الشباب ترا الي كل كلامي الي فوق عن عينة من الشعب
والا والله ان فيه ناس يحطون على الجرح و يبرا لكن دايمن الشر يعم

نرجع هالحين لسالفة البنات و الصبايا و القوارير

انا ما يقهرني ف البنت السعودية الا شي واحد
تلقاها اذا هي طالعتن برا السعودية و شافت سعودي تقلب و جهها عشرطعش لووون

ولا في امل تكلمه و لا تحاتسيه لو انه معها بالكلاس

لكن تلقاها الله يجزاها خير مغير دق حنتس و ضحك و قهقهه مع الاجانب

كن هالاجانب موب رجال وصدق من قال العنز ما تبي تيس الحاره

المهم ان بعض بناتنا الله يستر عليهم فاهمين التطور غلط
و فاهمين ان الحجاب تخلف فتلقاها من تقلع الطياره الا و هي مقرشعتن العباية و الطرحه
وتسفهن بشنطتها و تتفل عليهن من زود الحقد بعد

ثمن تعال شفها لين جت لك وشافت لك واحد من هالمزايين قسمن بالله
تقول ان ذي ما انولدت و لا ربت بالسعودية ثم ما غير تلزق ف الزيون ف الرايحة و الجاية
ثمن عاد لا جتك تسوق الله من زود الزين
مثل ما قال اخوي lover قصته و الله ان شفت لي عينتين زي الاخت راعية ال 460
مغير تنكس ف الموتر و ضحكن يسمعه الي باخر الشارع

طبعن هذي مجرد عينات طايشة الله يصلحهن و يستر عليهن و على جميع المسلمات

وطبعن بتشوف البنات الي تفتخر انهم من السعودية
الي تجيك متحجبة و محترمة وما تاخذ ولا تعطي زيادة عن اللازم
وسناعتن و ذرابتن الله يحميهن من كل شر

والعلاج لها المسألة ان البنات ما يعتبون باب المطار من غير محرم
و يستحسن ان البنت ما تسافر للدراسة الا وهي مع بعلها <=-= زوجها

ومن ناحية الشباب ما نقول الا هي ترجع للتربية وللنضج
و بصراحة الي يخلي له ولد توه ما كمل 18 سنة و لا يدري وين ربي حاطه فيه
يروح يدرس بالخارج و هو عارفن ان ولده درج يتحمل الي يجيه

و العذر و السموحه على الاطالة واقول هذي و جهة نظري ف ارجو ان تحترم