نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - :¦|¦: مجلـة عشـّاق الريـاضـة :¦|¦: العـدد العـاشـر :¦|¦:

توتيCOM · #12 13/08/2008, 09:02 PM

جـهـد خورافي لأبعـد حـدود جزيرة الخـرافـة لانـد

..
عساكـم عالقـوة
ورده

إقتباس

الرسالة الأصلية كتبت بواسطة رابطة عشاق تشيلسي


	☼☼ لقـاء العـــدد ☼☼ (( أسئلة تعريفية )) 1- .. البطاقة الشخصية لو تكرمت .. هذي صعبه جدا مرة ماني قادر استطيع الاسم : عبدالرحمن كويس القوي مواليد : 29-03-1987 الموافق 29-07-1407 خلصت بكالوريوس محاسبه ... واشتغل حاليا بالادارة المالية لاحد الشركات في مجال التأمين .. اعزب وناوب اتزوج بس مأجل الموضوع لين يجيني عيال واستقر على فكره اهلي فنانين انا واخواني الاربعه كلنا مواليد شهر 3 ترى ما قلت هالجمله الا عشان اقولكم اخواني كثير لا احد يحاول ينفخ علي يكفي خلاص 2- .. ماهي هواياتك ؟؟ غير الكتابة على الجدران اخ جيت على الجرح بس دام تبي غيرها اوكي انا الكل يعرف هواياتي الصدقيه اللي هي تنسيق الزهور وجمع الطوابع ... وقت خراب الاخلاق احول جمع حطب بس خلاص طفشو منها بغيرها بصراحه هواياتي الرياضه بانواعها هي الاهم لكن هناك طموحاتي ... سبحان الله من وانا صغير مع اني ما احلم الا مرة بالشهر يمكن بس اغلب احلامي كانت يا اما اني ربحت فلوس او اني صرت مشهور وفعلا هذولي الشيين الى الحين يلعبون داخلي بالمشاعر والاحاسيس واطمح اني احققها 3- .. مرحلتك المهنيـة .. حديث موجز عنها .. يا طويل العمر انا لي تقريبا اشتغل سنه خلصت بكالوريوس في صيف 2007 وبديت بالشغل ذيك الايام اشتغلت مع احد الشركات المعروفه بدون ذكر اسماء ... قعدت 3 شهور وما عجبني الوضع لاني بصراحه ما كنت مرتاح بمجال عمل القسم اللي حطوني فيه حاولت ينقلوني لقسم الحسابات ما رضو .. قدمت على شركات ثانيه ... صارت مقابلات ومن هالكلام لين اخر شي استقريت هنا ... زي ما ذكرت لك شركه تعمل في مجال التامين لي معهم قريب الـ 9 شهور طبعا يمكن البعض يقول كذاب ذا شلون كذا عمره ويشتغل لكن هي قصه طويله صعب اشرحها لكم هنا + وقت البرنامج ما يكفي (( أسئلة نتـّية )) 1- .. هل تستعمل ديسكتوب أم لاب توب ؟ ديسكتوب بصراحه ما ارتاح كثير بالتعامل مع الاب توب ماني وجه نعمه لا جد حتى بالدوام بدايتي معهم جابولي لاب توب اشتغلت عليه فتره وقلت لهم ما ابغاه جيبولي ديسك توب 2- .. كيف تعرفت على شبكـة الزعيـم ؟ والله صدقا بالضبط ماني متذكر انا سجلت في 2002 وقتها كنت بالثانوي اعتقد ... يمكن احد اقاربي او اخوياي عرفني على الموقع وسجلت .. كنت متحمس كعادة الجميع متضايق من كلمة زعيم جديد وما غير باليمين فتح باطار جديد واسدح من هالردود لين عقلت وحاليا عدد ردودي مع تاريخ تسجيلي لا يعتبر شي لاني قطعت الشبكه 3 سنوات اللي هي فترة دراستي بالجامعه ... ورجعت بعدها للمشاركه معكم ويا حظكم فيني يعني خطوه ممتازه للشبكه اني رجعت لكم 3- .. متى اقتنيت أول جهاز حاسوب ؟ ومالمناسبة ؟ اول جهاز حاسوب يا زين ذيك الايام اول جهاز حاسوب جبناه ايام كنت بالابتدائي يا اني كنت مستانس اكثر شي على الكيبورد كنت اقعد على الجهاز وهو طافي بس اكتب خرابيط واضغط على الازرار وناااااااااسه كنت متحمس لاني اشوف بالتلفزيون وناس يكتبون بسرعه وابي احس بهالشعور شوي شوي تعلمت عليه سبب شراءه ان ابوي الله يخليه ويطول بعمره كان يحب اننا نكون على اطلاع وتثقيف بالاشياء اللي بتفيدنا وجابه لنا 4- .. بصراحة .. هل مشرفي العالمية أدّوا ماعليهم ؟ أم هناك تقصير ؟ اكيد مقصرين والا ما كان جابو مشرفين اثنين جدد احسب اربع مشرفين من اول كل واحد انذار+ عندي اثنين من اول .. يعني توقفنا سنه سلام عليكم لا والله كلهم رجال وما شفنا منهم الا الخير وخصوصا الفتره الاخيره العالميه صار لها اسم بين منتديات الشبكه 5- .. لو عطيناك جائزة وقلنالك سلمها لأحد مشرفي العالمية .. من راح تعطيها ؟ (لازم تحدد واحد ولا الانذار في الطريق) يقلع ام الاحراااااااااااج اللي يكمن بهالسؤال يا رجال ماني مجاوب ما رح يفرق انذار ضامن اربعه من السؤال اللي قبله من جد احراج ... لكن شف ... عبدالله اسير الزعيم ما فيه امل لانه تشيلساوي سليمان برشلوني اغسل يدك وما يبين بعد نستلروي ابو خليل ربنا منعم عليه ودايم ياخذ جوائز الاثنين الجدد ماجد روما فور ايفر + خالد تورام ... ما اختلطت فيهم كثير وما ودي يفهمون معناها غلط بقى احمد هلالي موت انا ما ودي اعطيه اياها بس لاني صرفت كل اللي قبله ما بقى غيره لا جد ... اعطيها لهلالي موت ... مانشستراوي + بيننا علاقه بالرابطه وبعض الامور يعني قريب شوي اكثر من غيره 6- .. مامعدل دخولك اليومي للنـت ؟ حاليا ادخل كثير لان بالدوام نص الموظفين والادارة مسافرين وبالبيت اهلي مسافرين عزابي لكن بالوضع الطبيعي تقريبا 4 ساعات وبعض الايام ما اخش ابدا ما احب المسن كثير مدري كذا اخلاقي اغلب وقتي على الايميل والزعيم 7- .. مارأيك في منتدى الرياضة (العربية) والعالمية ؟ واللي بين قوسين ماموقعه من الإعراب .. ؟ هل ترى أنه مهضوم حقه ؟ العربيه : مسحوب عليه مجرور وعلامة سحبه وقوعه بين الرياضة والعالميه وهو مضاف القوسين مضاف اليه مجرور وشبه الجملة في محل سحب يستحقونه شف يا غالي هي اوكي ساحبين عليها لان هذا الطبيعي .. اول شي بصراحه الى الان مستوى الكرة العربيه ما يساعد انك تفكر انك ما تسحب عليها ... فوق هذا الاعضاء هنا اطلاقا مو مفكرين يتفاعلون مع اخبار الكرة العربيه عشان كذا اي موضوع بهالخصوص نادر ان اللي ينزله يرجع يعيدها (( أسئلـة في الكـورة )) 1- .. ماهو ميـولك في الدوري الإسباني والإيطالي والسوداني ان حصل ؟ اول شي اهانه انك تقدم الاسباني والايطالي على السوداني بس بمشيها لانك عارف اني مانشستراوي وما سالتني عن الانجليزي في اسبانيا : ريال مدريد <== القلب لمانشستر في ايطاليا : احب الميلان واحترم صمود روما رغم الامكانيات ... السوداني قلوب الى بكره : تعرف فريق اسمه ( داير عليك الله تناول ) هو بزاتو والله ما اعرف الا الهلال والمريخ ... واحس الهلال هو اقوى شي هناك وبعدين زي اسم فريقنا فرع له بالسودان يعني 2- .. رتب الكلاسيكات حسب المتعة والإثارة في الدوريات الثلاث الكبرى .. بقولك اقوى مباراة بكل دوري بالنسبة لي وبرتبها على حسب اللي انا شايفه 1- ريال مدريد Vs برشلونه برأيي اقوى اللقاءات دائما مثير وفيه اهداف 2- مانشستر Vs تشيلسي ما يحتاج كلام ملحمة ناريه 3- انتر ميلان Vs روما دائما مبارياتهم غير متوقعه نتائجها - .. هل ترى أن المان بالفعل بحاجة إلى راس حربة ؟ حدد لاعب .. بالوضع الحالي للفريق ... طبعا يحتاج قناص ... ولو بيدي لاخترت الروسي بافلشنكو باليورو تابعته يا اني خقيت معه اقسم بالله انه كويس ومزيون 4- .. صفقة تعتبرها صفقة الموسم في الدوريات الثلاث الكبرى .. الجميع سيتفق ان ديكو الى تشيلسي ... رونالدينهو للميلان ... فارت للريال هي الاقوى شخصيا اعتقد شعبية رونالدينهو ستجعله صفقة الموسم 5- .. 35 مليون جنيه استرليني ! هي قيمة التعاقد مع تيفيـز .. برأيك .. هل يستحق تيفيز هذا المبلغ ؟ يستحق + يستحق + يستحق لو طلب اكثر ويستحق بعد تحطون له صور رمزيه ما فيه الا وحده بس لوجهه وهو مبسبس حطيتها غصبن عني لاني بديت اخق معه لاعب فنان مقاتل كل شي بالحياه ... انقذنا من خساير كثير باهدافه القاتله 6- .. عطنا خلطة المان في تسديد البلنتيات .. لأن تيري ملزم علي أسأل هالسؤال .. اذا تيري اللي ملزم قوله ابد بس يبيله شوية مويه واذا غيره قوله ركز وخلك واثق زي لاعبين المان ... حط شوية تراب على الكوره خله يطير بوجه الحارس وشوت 7- .. من ترشح لـ أن يكون بطلاً لدوري الأبطال الموسم القـادم ؟ ومن الفريقين الذان سيصلان إلى النهائي ؟ امنيتي مانشستر للمرة الثانية على التوازي توقعاتي ... بين ريال مدريد والانتر وتشيلسي 8- .. كاسياس .. فان دير سار .. تشيك .. بوفـون .. رتبهم حسب الأفضلية للموسم الماضي .. سؤال محرج بصراحه لكن دامه عن الموسم الماضي فقط برتبه حسب البطولات والانجازات 1- سوبر سار 2- كاسياس 3- تشيك ( قلب يدق غصبن عليه ) 4- بوفون بصراحه كلهم حراس اساطير وابداع وثقه ... لكن شخصيا ما ادري اقدر كاسياس من بينهم كلهم 9- .. لاعب تتمنـى قدومـه للمـان ؟ ( حتى لو كان حلماً ) ليونيل دييغو ارجنتينا كويس جدا ميسي او خلني اقولك اسم لحاله بدون العيله وكذا والقلق ... ليونيل ميسي بصراحه اتمنى قدوم ميسي تخيل فريقنا وش بيكون هالاعب كنت اكرهه لكنه اجبرني على احترامه فيه برضو لامبارد وجيرارد بس لا خلهم بفرقهم عشان يصير فيه منافسة بيننا 10- .. جائزة أفضل لاعب بالعالم .. برأيك من يستحقها ؟ رونالدو .. كاسياس .. آخرين (انا ارشح الأخير) المنطق والواقع وكل شي يقول رونالدو وهو راعيها فعلا 11- .. جيـجز .. سكولـز .. سـار .. نيفيـل .. قاربوا على الإنتهاء أقصد على الإعتـزال .. رشـح لكل لاعب خليفـة له .. (قصمن مااقصد شي بهالسؤال) والله انت جبت اسماء صعبه اعتقد اندرسون قادر يغطي مكان سكولز ... نيفيل فيه البرازيلي الشاب رافائيل قدم اداء حلو جيجز ما ادري والله من بياخذ مكانه لكن الوسط فيه عدد مواهب ولاعبين كثير بيبدعون سار اسمحلي ما احد ... سار جا يغطي خنبقة من قبله من بعد شمايكل بعد اعتزال سار اعتقد المان يجب ان شتري حارس بقيمته ليكون خليفته مع احترامي حاليا فوستر وكوزتشاك مش حالك 12- .. ويلهلمسون .. ضجة إعلامية دارت حوله .. هل تتوقع نجاحه مع الزعيـم ؟ وهل يستحق المبلغ الذي دُفع له ؟ قبل ما اجاوب اسمحلي اقول هالشي يخوك ليش منتدى الجمهور الهلالي عقلياته اغلبها صارت يا الله لك الحمد الله يعين مشرفينه نرجع لموضوعنا بالنسبة لشهرته كلاعب اوروبي 8 مليون يورو وشوي مو كثير عليه الاعب كان له اسمه ببلده وباوروبا ... ونجاحه اتوقع مضمون باذن الله نصيحه تبغى تعرف بينجح او لا لا تسال احد بمنتدى الجمهور لان بعد كل مباراة يغيرون رايهم باللعيبه 13- .. ماذا يلزم الهلال لتحقيق الآسيوية ؟ وهل اكتمل الفريق من نصاب الصفقات ؟ يلزمه الروح + اكتمال العدد بدون غيابات + بدون استهبالات الهلال والله قادر مستوى اسيا مو ذاك الزود ... ما اعتقد انه اكتمل ... الفريق يحتاج ظهير ايمن + مهاجم صريح (( أسئلـة أخـرى )) 1- .. موقف مُـحرج وآخر طريف حصل لك خلال النت .. وآخر خارج النت يعني وانت غير متصل .. (أهم سؤال .. لوتجاوب عليه وتترك الباقي نوبروبلم أهم شي تجاوب عليه) اجل كذا تبغى اربع مواقف ... الله يعينك يله ريح وجب شي ضيفني خلني ابدا طبعا يا كثر المواقف بحياة الواحد لكن سبحان الله اذا انسال عن موقف يقعد يتذكر ما يلقى شي مواقف النت ... اول شي الموقف الطريف قبل فتره قريبه جتني اضافه بالمسن من احد اعضاء الزعيم ما ودي اقول اسمه الله يستر على الجميع المهم من يوم جتني الاضافه انا حاس انه ايميل ولد يعني ما توقعت بنت المهم يوم خش اخينا بالله بديت اسولف معه واسوي اني رسمي وكذا ... قالي انا بنت طبعا استغربت ... لا والمنحرف يقولي انا زعلانه من المنتدى كل ما قلت شي يقولون لي روحي للمطبخ المهم يوم قالي اني بنت ما صدقت بس عطاني يوزره بالشبكه ... دخلت للشبكه سويت بحث باسم اليوزر طلعلي فعلا انها بنت وشفت بعض مشاركاتها فعلا بنت وواضح انها دايما تتهزئ بديت اقتنع وصرت رسمي وقمت كشخت وتعطرت وسويت تسريحه جديده عشان يطلع خطي حلو واحنا نشتشت المهم انا اسولف اسولف وبديت بالسوالف زي اللي اذب عليها ... شوي والا الرجال يضحك ويقولي خلاص تكفى ما ني قادر اكمل وعلمني من هو طبعا وقتها قلت له كلام مشفر ما رح اقوله لان لقاءنا هذا منقول على السعوديه ما ابي اتعبهم بالتقطيع الله يستر عليه بس ما اقوله الا خذ خذ ورده وانا من القهر يوم سالني وش تعرف عن هاليوزر ... قلت له يوزر مسويته الادارة عشان الناس يلعبون علينا انهم بنت موقف محرج على النت ايام الجاهليه وانا بالثانوي اعتقد حبيت مرة اسوي موقف بايخ بواحد مصري على المسن لعبت عليه اني بنت بريطانيه متزوجه واحد عربي المهم شوي اسولف معه انقليش واذا طفشت ما عرفت اعبر عن مشاعري اقوله زوجي بيكلمك وابدا اسولف معه عربي كنت حاط صورة نانسي يقولي ليش قلت له ان كثير يقولولي انها تشبهني لا وقلت له سبحان الله خواتي كل وحده تشبه مغنيه ... هو يحب اصاله قلت له اختي اللي من عمرك تشبه اصاله المهم هو بدا يطمع ولاحظت عليه انه بدا يتلصق يبيني اشبك له اختي يتعرف عليها <== القلب لشيرين اصرفه اصرفه وهو ماش الا يبي صورتها ويبيني اعرفهم على بعض ... لان شافني فري اني عادي انا وزوجي قاطين نسولف معه المحرج بالموضوع .. بالبالتوك كنت مسجل بيوزر نفس يوزر ايميلي يوم وانا بروم الزعيم ... واحد ارسلي خاص وبدينا محادثه برايفت انا مشيت معه سوالف واستهبال اخر شي طلع الدب هو نفسه المصري ونزل فيني تقطيع انا يا اني قمطت العافيه ما دريت وش اصرفه ومنحرج مررررة وهو نازل يسب ويغلط ويهزئ انا خفت اغلط بالروم ... حاولت اسحبه للمسن نكمل هناك عرف وش ناوي عليه ما رضى ... ومن بعدها ما شفته اون لاين :: خارج النت ... بسم الله مدري وش اتذكر لك عاد موقف طريف مرة وانا بخامس كان شنبي طالع شوي يعني مبين المهم كنت اشوف ابوي واخواني يحلقون وحركات وكذا قلت بجرب يوم اخذت الشفرة ودخلت وسكرت الباب ... من دلاختي حلقت نص شنبي ونص لا يعني حلقت النص اللي فوق وخليت النص اللي تحت الظاهر كنت خايف اجرح شفتي العلويه ثاني يوم رحت للمدرسه ما احد من اهلي منتبهلي ... رحت وعادي كل اموري ماشيه لين جت حصة العلوم سبحان الله صدفة دخلتي لباب الفصل جت مع المدرس والعريف العريف كنت اكرهه لانه جلف وما كان دافور المهم مدرس العلوم ناظرني وقالي عبدالرحمن انت حالق شنبك طبعا انا ابيضاني شوي وشف مزيج الالوان اللي صار بوجهي + ريقي حاولت ابلعه ما قدرت قلت له لا لا من قالك باسلوب كان واضح اني قامط العافيه العريف الكلب قايلكم اكرهه ... قال الا واضح وصار يضحك انا حاولت اصرف مررررة انحطيت بموقف انه انقلع وسو نفسك ما تسمع شي يوم رجعت للبيت اخذت اخوي اللي اكبر مني وصارحته بالموضوع يا هو طاح ضحك علي وقالي تعال ... اخذني دخلنا وسكرنا الباب وكملي النص الثاني وقالي لا تعيدها لا عادي ومرة كنت متضايق من غرة شعري انها طويله مسكتها ووقفت عن الزباله وقصيتها :: الموقف المحرج برضو بالابتدائيه بسادس كان مدرسنا الرياضيات مررررة اكرهه ... كنت اقعد قدام ... بعز الصيف البس جاكيت من الامطار اللي تجيني من سعابيله فوق كذا ريحته مدري ريحة فمه مررررة خياس والله اذكرها ودايم يهاوش ويضرب وينفخ على وقتنا ما كانت طالعة موضة الضرب ممنوع بالمدارس اضرب وبس المهم انا كنت مضبط مدرس الرياضه ... اغلب حصص الرياضيات كنت اطلع اروح لمدرس الرياضه اقوله المدرس غايب ... او مثلا اقوله ما فيه شي مهم او اصرفه اي تصريفه يقولي اوكي روح العب مع ذاك الفصل ... او يعطيني احكم المهم يوم رجعت للبيت ابوي ناداني قالي عبدالرحمن ليش ما تحضر حصص الرياضيات كذا بدون مقدمات انا تحجرلي 180 درجه طولا و 360 درجه عرضا منصدم قلت له لا احضر من قالك قالي كذاب ما تحضر ... طلع مدرس الرياضيات يعرفه من البنك ويوم جا له وهم يسولفون قاله عني طبعا اعتذرت منه وبعدها انواع الدفره مسنتر اول واحد بالحصه فيه برضو نقطه ملازماتني بحياتي دايم انحرج بسبتها سبحان الله اغلب المرات اللي احش فيها باحد يا القاه فجاه يمشي جنبي او طلع لي من مكان طبعا الحين يوم خلصت تذكرت انواع المواقف برضو يا زين ايام الطفوله بس ما فيه امل اقعد امسح واعدل شي :: تصدق تذكرت موقف محرج ضروري بقوله ايام الجامعه كان واحد غثيييييييث يقلع ام نشبته كل مواقفه قلق ولزقه وترفع الضغط مرة واحد من اخوياي كلب يبغى يورطني معه ... دق علي وحط سبيكر والرجال الغثيث جنبه بدينا نسولف فجاه سالني عنه وش رايك فيه ووش المواقف اللي سواها ومن هالكلام انا نزلت تقطيع فيه ما خليت شي بديت اسب عليه بكل الاتجاهات وخويي الكلب يحمسني بزياده وانا بس ابي احد يكبر راسي يا حبي لي المهم بعد ما اخذت راحتي شوي والا اسمع صوته بالمايك يقول ايوه ايش كمان خويي صار يضحك وقالي تراه سمع كل شي انا بغيت ارمي نفسي من فوق عماره ثلاث مرات ورى بعض ما ادري شلون صرفتها وقلت له ... لا يكثر انت واياه انا عارف انه جنبك وقاصد كل هالكلام لاني ما احب هالحركات انا لو براسي شي اقوله بوجهك مو تحط سبيكر مسوي تختبرني انا استانست قلت بس الحين بتشتغل عنده عزة نفسي ويقولي انا مخاصمك وانسى العلاقة بيننا ثاني يوم جا ابو الشباب عندي مستانس قالي افا وش هالكلام اللي قلته عني ليش كذا ... قلت له انا عارف انك جنبه وقصدت كل شي عشان ما تسون هالحركات البايخه صار يضحك وقالي ... انا استغربت منك انا عارف انك تمزح وتحبني يلعن ام برود الوجه الله يقلعه :: مرة كنا باجازه وسافرنا انا واهلي واخذنا شقه ايجار وقتها كنا صغار لسه وقت انتشار البلونات الصغيره اللي كيس مليان من ابو ريالين بثلاثه ريال شرينا كيس وانا واخواني الاثنين بدينا نعبي مويه ... نوقف عند الشباك والناس اللي تروح وتجي نستلمها نرمي عليهم وطبعا يا جتنا مسبات ودعوات لو ربنا استجابها ما كان لقيتوني هنا وقت الصلاه الناس رايحه تعبد ربها واحنا استغفر الله مستلمينهم وهم رايحين للمسجد وهم راجعين للبيت الايام تمشي واحنا انه نتوب ماش مستمرين يوم من الايام مر شايب ورمينا عليه واحد وذاك استقعد لنا وقف الا يبغى يعرف منهو ... اخر شي التقى مع صاحب العماره وقاله جاني البالون من ذاك الشباك احنا نناظرهم وخايفين يوم اشر علينا صاحب العماره زي اللي قاله تعال انا اعرف اي بيت انواع الخوف كلنا المهم انا انحشت اول واحد ودخلت الحمام الله يكرمكم سويت نفسي بتروش الرجال جا وطق الباب وعلم ابوي السالفه كلها انا بالحمام خااااايف وانتظر مصيري شوي واسمع صوت ابوي يجلد اخواني الثنين وانواع التهزيئ قلت الله يستر عز الله تورطنا المهم جا وقت صلاه وانا بالحمام يوم عرفت ان ابوي راح للمسجد طلعت يوم جا بعد الصلاه الحمد لله كان مروق شوي ... اول ما شافني جاني وانواع الجلد بس اهون شوي طبعا بعدها لو تشوف اشكالنا الثلاثه قاعدين جنب بعض زعلانين وساكتين وكل واحد يناظر بالارض واخواني حاقدين علي انه ليش انا تخبيت وجلدتي اقل من جلدتهم وخلاص بس 2- .. رأيك في مجلـة ( عشاق الرياضة ) وماذا ينقصها ؟؟ بصراحه ما شاء الله من اجمل المواضيع ماذا ينقصها ليس انا من يحدد هناك من هو افضل مني بهالامور لان ما شاء الله فيه ناس بالمنتدى تقف احتراما لافكارهم وابداعاتهم لكن انا عندي قناعة شخصيه ... ان اي موضوع يحتاج لادخال بعض المتعه فيه يعني مواضيع المعلومات والاشياء اللي فيها ابداع احيانا يمل الاعضاء من كثرتها وطولها وبكذا بيصير بعض البرود لذلك ارى ان اي موضوع شي حلو يدخل فيه شوية متعه باي طريقه عشان الواحد ما يمل وهو يقرا الموضوع شفنا رابطة تشيلسي سوت هالفكرة قبل فتره ... وشفنا مؤخرا تقديم اخوي هلالي مانشستراوي لمباراة الدرع الخيريه كيف كان اسلوبه وحقيقة رابطة تشيلسي من اكثر الروابط التي تقدم مواضيع احراج وفيها ابداع وافكار حلوه مجرد وجهة نظر تخص صاحبها - كلمـة أخيـرة .. اوف وانت بقيت فيها كلمه اسئله واجد وانا كثير كلام وما صدقت القى شي اسولف فيه خلاص خلصت كل الحروف والكلمات انتظر لين تنزل حروف جديده واقولك كلمه اخيره اول شي رب يعطيكم الف عافيه على مجهوداتكم شكرا لكم انكم استضفتوني تشرفت ان يكون اسمي بموضوع يحمل ابداع مثل موضوعكم شكر خاص جدا لمن اقترح اسم الهلالي 11 ان يكون ضيف للمجله اشكر جميع من يذكرني بالخير بالمنتدى انا والله ما ابي احد يكون زعلان مني واعتذر من الكل اذا زعلت احد شكرا للجميع ... فعلا يخونني التعبير ان انسق كلام رائع بحق اعضاء رائعين صراحه ... جو اخوي لابعد الحدود حقيقة كل الاعضاء سواء اللي قابلتهم او صار بيننا علاقه كلهم رجال اسف على الاطاله ... اعلم ان مقابلتي من طولها يبيلها موضوع مستقل والبعض قال والله لو تطير ما قريتها كلها والبعض قسطها على ثلاث ايام والبعض منتظرني بالطلعه عشان يجلدني لكن باذن الله اتمنى للجميع التوفيق والتقدم والاستمتاع بهالعدد تحياتي لكم جميعا

مجلـة بلحـالهـا ما شاء الله..
ثاني مرة اسألوهـ سؤال واحـد بس

يعني نصـيحة ..
لأي واحد بيستضيفه يقوله بس : كيف الحال ؟؟
ويخـلي الباقي في عدد ثاني

الدحـمي

..
عسـاكـ عالقـوة و وفـر للـغد ما بقيت شئ

..

سـلاآآآآآآآآم للـكـل
ورده