نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - :¦|¦: مجلـة عشـّاق الريـاضـة :¦|¦: العـدد العـاشـر :¦|¦:

J o S e · #2 13/08/2008, 05:52 PM

فريـق العمـل ..

رفيـع الشـــان , فيلسـوف , يزيـد11 , مغـروم بالأزرق , دودي البلـوز , والله ذيب ياسامي

* * * * * * * * * * * *

ألف شكر لكم عمل خيالي رائع جهود جبارة تبذلونها في منتدى العالمية إبداع و ربي إبداع

واصلوا جهودكم مجلة تمتعنا و صدقوني لو طبعت و نشرت للناس بتكون من أنجح المجلات

إقتباس

الرسالة الأصلية كتبت بواسطة رابطة عشاق تشيلسي


	1- .. موقف مُـحرج وآخر طريف حصل لك خلال النت .. وآخر خارج النت يعني وانت غير متصل .. (أهم سؤال .. لوتجاوب عليه وتترك الباقي نوبروبلم أهم شي تجاوب عليه) [COLOR=#0000ff] اجل كذا تبغى اربع مواقف ... الله يعينك يله ريح وجب شي ضيفني خلني ابدا طبعا يا كثر المواقف بحياة الواحد لكن سبحان الله اذا انسال عن موقف يقعد يتذكر ما يلقى شي مواقف النت ... اول شي الموقف الطريف قبل فتره قريبه جتني اضافه بالمسن من احد اعضاء الزعيم ما ودي اقول اسمه الله يستر على الجميع المهم من يوم جتني الاضافه انا حاس انه ايميل ولد يعني ما توقعت بنت المهم يوم خش اخينا بالله بديت اسولف معه واسوي اني رسمي وكذا ... قالي انا بنت طبعا استغربت ... لا والمنحرف يقولي انا زعلانه من المنتدى كل ما قلت شي يقولون لي روحي للمطبخ المهم يوم قالي اني بنت ما صدقت بس عطاني يوزره بالشبكه ... دخلت للشبكه سويت بحث باسم اليوزر طلعلي فعلا انها بنت وشفت بعض مشاركاتها فعلا بنت وواضح انها دايما تتهزئ بديت اقتنع وصرت رسمي وقمت كشخت وتعطرت وسويت تسريحه جديده عشان يطلع خطي حلو واحنا نشتشت المهم انا اسولف اسولف وبديت بالسوالف زي اللي اذب عليها ... شوي والا الرجال يضحك ويقولي خلاص تكفى ما ني قادر اكمل وعلمني من هو طبعا وقتها قلت له كلام مشفر ما رح اقوله لان لقاءنا هذا منقول على السعوديه ما ابي اتعبهم بالتقطيع الله يستر عليه بس ما اقوله الا خذ خذ ورده وانا من القهر يوم سالني وش تعرف عن هاليوزر ... قلت له يوزر مسويته الادارة عشان الناس يلعبون علينا انهم بنت موقف محرج على النت ايام الجاهليه وانا بالثانوي اعتقد حبيت مرة اسوي موقف بايخ بواحد مصري على المسن لعبت عليه اني بنت بريطانيه متزوجه واحد عربي المهم شوي اسولف معه انقليش واذا طفشت ما عرفت اعبر عن مشاعري اقوله زوجي بيكلمك وابدا اسولف معه عربي كنت حاط صورة نانسي يقولي ليش قلت له ان كثير يقولولي انها تشبهني لا وقلت له سبحان الله خواتي كل وحده تشبه مغنيه ... هو يحب اصاله قلت له اختي اللي من عمرك تشبه اصاله المهم هو بدا يطمع ولاحظت عليه انه بدا يتلصق يبيني اشبك له اختي يتعرف عليها <== القلب لشيرين اصرفه اصرفه وهو ماش الا يبي صورتها ويبيني اعرفهم على بعض ... لان شافني فري اني عادي انا وزوجي قاطين نسولف معه المحرج بالموضوع .. بالبالتوك كنت مسجل بيوزر نفس يوزر ايميلي يوم وانا بروم الزعيم ... واحد ارسلي خاص وبدينا محادثه برايفت انا مشيت معه سوالف واستهبال اخر شي طلع الدب هو نفسه المصري ونزل فيني تقطيع انا يا اني قمطت العافيه ما دريت وش اصرفه ومنحرج مررررة وهو نازل يسب ويغلط ويهزئ انا خفت اغلط بالروم ... حاولت اسحبه للمسن نكمل هناك عرف وش ناوي عليه ما رضى ... ومن بعدها ما شفته اون لاين :: خارج النت ... بسم الله مدري وش اتذكر لك عاد موقف طريف مرة وانا بخامس كان شنبي طالع شوي يعني مبين المهم كنت اشوف ابوي واخواني يحلقون وحركات وكذا قلت بجرب يوم اخذت الشفرة ودخلت وسكرت الباب ... من دلاختي حلقت نص شنبي ونص لا يعني حلقت النص اللي فوق وخليت النص اللي تحت الظاهر كنت خايف اجرح شفتي العلويه ثاني يوم رحت للمدرسه ما احد من اهلي منتبهلي ... رحت وعادي كل اموري ماشيه لين جت حصة العلوم سبحان الله صدفة دخلتي لباب الفصل جت مع المدرس والعريف العريف كنت اكرهه لانه جلف وما كان دافور المهم مدرس العلوم ناظرني وقالي عبدالرحمن انت حالق شنبك طبعا انا ابيضاني شوي وشف مزيج الالوان اللي صار بوجهي + ريقي حاولت ابلعه ما قدرت قلت له لا لا من قالك باسلوب كان واضح اني قامط العافيه العريف الكلب قايلكم اكرهه ... قال الا واضح وصار يضحك انا حاولت اصرف مررررة انحطيت بموقف انه انقلع وسو نفسك ما تسمع شي يوم رجعت للبيت اخذت اخوي اللي اكبر مني وصارحته بالموضوع يا هو طاح ضحك علي وقالي تعال ... اخذني دخلنا وسكرنا الباب وكملي النص الثاني وقالي لا تعيدها لا عادي ومرة كنت متضايق من غرة شعري انها طويله مسكتها ووقفت عن الزباله وقصيتها :: الموقف المحرج برضو بالابتدائيه بسادس كان مدرسنا الرياضيات مررررة اكرهه ... كنت اقعد قدام ... بعز الصيف البس جاكيت من الامطار اللي تجيني من سعابيله فوق كذا ريحته مدري ريحة فمه مررررة خياس والله اذكرها ودايم يهاوش ويضرب وينفخ على وقتنا ما كانت طالعة موضة الضرب ممنوع بالمدارس اضرب وبس المهم انا كنت مضبط مدرس الرياضه ... اغلب حصص الرياضيات كنت اطلع اروح لمدرس الرياضه اقوله المدرس غايب ... او مثلا اقوله ما فيه شي مهم او اصرفه اي تصريفه يقولي اوكي روح العب مع ذاك الفصل ... او يعطيني احكم المهم يوم رجعت للبيت ابوي ناداني قالي عبدالرحمن ليش ما تحضر حصص الرياضيات كذا بدون مقدمات انا تحجرلي 180 درجه طولا و 360 درجه عرضا منصدم قلت له لا احضر من قالك قالي كذاب ما تحضر ... طلع مدرس الرياضيات يعرفه من البنك ويوم جا له وهم يسولفون قاله عني طبعا اعتذرت منه وبعدها انواع الدفره مسنتر اول واحد بالحصه فيه برضو نقطه ملازماتني بحياتي دايم انحرج بسبتها سبحان الله اغلب المرات اللي احش فيها باحد يا القاه فجاه يمشي جنبي او طلع لي من مكان طبعا الحين يوم خلصت تذكرت انواع المواقف برضو يا زين ايام الطفوله بس ما فيه امل اقعد امسح واعدل شي :: تصدق تذكرت موقف محرج ضروري بقوله ايام الجامعه كان واحد غثيييييييث يقلع ام نشبته كل مواقفه قلق ولزقه وترفع الضغط مرة واحد من اخوياي كلب يبغى يورطني معه ... دق علي وحط سبيكر والرجال الغثيث جنبه بدينا نسولف فجاه سالني عنه وش رايك فيه ووش المواقف اللي سواها ومن هالكلام انا نزلت تقطيع فيه ما خليت شي بديت اسب عليه بكل الاتجاهات وخويي الكلب يحمسني بزياده وانا بس ابي احد يكبر راسي يا حبي لي المهم بعد ما اخذت راحتي شوي والا اسمع صوته بالمايك يقول ايوه ايش كمان خويي صار يضحك وقالي تراه سمع كل شي انا بغيت ارمي نفسي من فوق عماره ثلاث مرات ورى بعض ما ادري شلون صرفتها وقلت له ... لا يكثر انت واياه انا عارف انه جنبك وقاصد كل هالكلام لاني ما احب هالحركات انا لو براسي شي اقوله بوجهك مو تحط سبيكر مسوي تختبرني انا استانست قلت بس الحين بتشتغل عنده عزة نفسي ويقولي انا مخاصمك وانسى العلاقة بيننا ثاني يوم جا ابو الشباب عندي مستانس قالي افا وش هالكلام اللي قلته عني ليش كذا ... قلت له انا عارف انك جنبه وقصدت كل شي عشان ما تسون هالحركات البايخه صار يضحك وقالي ... انا استغربت منك انا عارف انك تمزح وتحبني يلعن ام برود الوجه الله يقلعه :: مرة كنا باجازه وسافرنا انا واهلي واخذنا شقه ايجار وقتها كنا صغار لسه وقت انتشار البلونات الصغيره اللي كيس مليان من ابو ريالين بثلاثه ريال شرينا كيس وانا واخواني الاثنين بدينا نعبي مويه ... نوقف عند الشباك والناس اللي تروح وتجي نستلمها نرمي عليهم وطبعا يا جتنا مسبات ودعوات لو ربنا استجابها ما كان لقيتوني هنا وقت الصلاه الناس رايحه تعبد ربها واحنا استغفر الله مستلمينهم وهم رايحين للمسجد وهم راجعين للبيت الايام تمشي واحنا انه نتوب ماش مستمرين يوم من الايام مر شايب ورمينا عليه واحد وذاك استقعد لنا وقف الا يبغى يعرف منهو ... اخر شي التقى مع صاحب العماره وقاله جاني البالون من ذاك الشباك احنا نناظرهم وخايفين يوم اشر علينا صاحب العماره زي اللي قاله تعال انا اعرف اي بيت انواع الخوف كلنا المهم انا انحشت اول واحد ودخلت الحمام الله يكرمكم سويت نفسي بتروش الرجال جا وطق الباب وعلم ابوي السالفه كلها انا بالحمام خااااايف وانتظر مصيري شوي واسمع صوت ابوي يجلد اخواني الثنين وانواع التهزيئ قلت الله يستر عز الله تورطنا المهم جا وقت صلاه وانا بالحمام يوم عرفت ان ابوي راح للمسجد طلعت يوم جا بعد الصلاه الحمد لله كان مروق شوي ... اول ما شافني جاني وانواع الجلد بس اهون شوي طبعا بعدها لو تشوف اشكالنا الثلاثه قاعدين جنب بعض زعلانين وساكتين وكل واحد يناظر بالارض واخواني حاقدين علي انه ليش انا تخبيت وجلدتي اقل من جلدتهم وخلاص بس

فقرة ضحكت ضحك و أنا أقرأها وربي أن بطني الحين يوجع من كثر الضحك الدحمي

أنت أقوى واحد

بصراحة عليك مواقف ما تصير في العالم إلا لنفرين و إن كثر ثلاثة عليك مواقف بالذات حق الشنب هذا الله لا يبلانا

بخامس و تحلق شنبك طيب احلقه كله لهالدرجة أحول لا تعيدها لاني مت ضحك عليها و قصة البالونات لا تعودها لاني قد سويتها

قطعت أحشائي

بس مثل ما تحجر للناس بنحجر لك من العضو اللي ضحك عليك و قالك أنا بنت إعترف أزين لك

الله يجعل الإبتسامة دوم بوجهك يالدحمي مثل ما فرفشت جوي لكـ أحلى ورده و

مجلة رائعة الله لا يضركم يا شباب أخذت الأحلى منها و مثل ما قال الدحمي زيدوا المتعة فيها و حطوه دايم فيها

تحياتي

ورده أحمد ورده