نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - واحـد . اثـنيـن . ثـلاث . بـع !! .... أولـى ( أ ) لـلأمـام سـر

..بقــ حرف ـايا.. · #9 12/08/2008, 09:58 AM

هلا والله ببلد الوليد هلا بقعدتنا

وش ذا الزين والفلة

إقتباس


	طبعا عشان احجز وقفت في المربع الاول وحطيت الشنطه في المربع الثاني والمقلمه في المربع الثالث ..

الله يرجك مسوي زحمه كان سويت رجولك وضعية منقلة وحجزت للرابع ان كان تبي بعد ..

سوى فيك خير أخو الدلوع يوم صفقك

أجل راز عمرك وطاق الصدر ( تكفى يابو العز)

وتناطحه هذا وسع وجهك كان يوم شفت ان الدعوى به اخوان خليت الدرى ترعى وتركت الأول لهم وصفيت بالاخير ترى مابعد الروح روح فحافظ عليها

>>طسي

إقتباس


	س \ قد طحتوا بدلّوع نكّد عليكم ؟!

ياهووه لا تسألني ابكي لك

طحت ببنت الله لا يعديها من ايام كانت هي الاولى علينا وهي تتحكم فينا تصفنا على كيفه عاد على حسب مزاجه وين تبي اليوم تحطك لو ان شاء الله تصفك مع رابع ولا خامس

وحنا ياقليبي سمعاً وطاعة ما احلم أصف بالأول ليت لو الرابع ماقلنا شئ

>> الذلة بنت حلال

بس الحمدلله ربي فرجها علي ونقلت من المدرسه وصرت أصف بالأول

بس عاد ذي البنت على كثر ماكرهتها لما كنت بثاني أبتدائي على ماحنا اللحين صديقات بقووه بس لا توصيني أخذت حقي منها تالت ومتلت

لكن ياقلق الغيرة مو من البنت ذي

الغيرة من ريري

ياشيخ ابلشوني فيها
موب ذنبي اذا هي مؤدبه وانا لا وش اسوي ربي خلقني كذا وذحه

صاروا يسألوني أنتي أخت ريري وأنا بكل ثقة نعم

ويعطوني ذيك النظرهـ اللي تعور قلبي الرهيف الرقيق

الله يذكرك يااوستاذه وفاء بخير كانت تقولي لماذا لا تكوني مثل أوختك كالجبل الشامخ اللذي لا يهزه ريح >>اقول فارقي والله ماعندتس الا الهتسعي والحصى المتسعي

عاد اذا صار عندنا حفل أمهات أصرف أمي لما كنت في ثانوي مره صار حفل وجت أمي وراحت تسأل عني غمزت لها قلت مامي أحفظي ماء وجهك ولا تسألين خصوصاُ الرياضيات وأبلى نورة وهند ووفاء >> متكافخين قبل أسبوع

وأسألي عني في الأدب والنصوص ومواد الدين

إقتباس


	مر علينا مدرس في رابع ابتدائي اتوقع انه مجنون والعلم عند الله شوفو كيف يخاطب الطلاب الطالب : استاذ بروح الحمام المدرس : روح ** بالدرج مافيه طلعه ..

الله يوسع صدرك بالعافيه والله لو مايجي من الموضوع الا هالاستاذ
ياليتني دارسه عنده يوسع الصدر

>> موب لك للاستاذ<< لقد جرى التنويه

خخخخخخخخخخخخخخخخخخخخخخخخخخخخخخخخخخخخخخخخخخخخخخخخخ
يووووه ياصبح القلق مع التمارين

أشوى حنا طابورنا كلهم نايمن مع انشودة الصباح تلقيها عليكم الطالبة .......
ويالله كلن يشوف دربه

اما الثانوي

طابورهم عذااب أصلا ماقد حضرت الطابور لا تقول ليش ياخي بس يهزأون وحنا نمر بالطابور صافين المديره والعنز اللي معه

>> الله يذكرتس بالخير يالعنز

وينتفوننا نتف الشعر ممنوع

كذا والمكياج

والمريول ضيق

والسحاب ممنوع

والجزمة ( وانتم بكرامة ) ممنوعه

>> الله من مره لبسونا زنوباا

ويالله شرشحه على الصبح عاد النفسيات والمه وتصير هوشه صبااحيه ..

قلت يابق بق ياروحي اسحبي على الطابور لا ابوهم لا أبو طابورهم يعني هوشه هوشه حضرت ولا ماحضرت .. صرت ما أحضر الطابور سنه كامله ويوم من الايام أغلطت وجيت بدري

تصفق وجهي مدري وين صفي أذكر أنهم يسار ورحت صفيت يسار وأتلفت هذولا ثاني ثانوي يؤ صفنا العام أجل ثالث وين يصفوون

بلد الوليد ورده
الله يرجك غير ذا الرج اللي فيك

عاد الله لا يهنك بين الفينة والاوخرى
نزل لنا كذا أشياء ..>> عاد يبلش لنا ذا البزر .. يؤ يؤ امزح

بقايا ..