| خبرة وخبرة
يا أخوان وحنا ماعندنا الا ها الاسطوانه لاعب خبرة
يعني نبطل نجيب لاعبين شباب وصغار في العمر عشان خاطر اعيون لاعبين الخبرة ونجلس طول عمرنا على لاعبين الخبرة وإذا اعتزلو لاعبين الخبرة نقول لهم تكفون لا لاتعتزلون لانه مافي احد يقدر يسد خانتكم ولاعبين لصغار ينصرون يمثلون المنتخب هو بس المنتخب حتى فرقهم لانه ماعندهم خبرة مساكين وياالله ننطر متى ها الشباب يكتسبون خبرة مو لاعبين الخبرة مسجله الملاعب بسمهم وكل واحد فيهم عنده صك تملك في الخانه الي يلعب فيها
يا خوان كبرو اعقولكم اشوي وفكونه من اسطوانة لاعب الخبرة لانه كيذا ماراح نطور ولا نحقق اي شي العالم كله يغير ويجدد دماء وصار يدور على الاعبين الشباب صغار السن وحنا لين الحين نقول لاعب الخبرة
طيب مو ها الاعب الصغير في العمر مو لازم يشارك ويحتك عشان يكسب الخبرة ولاعبين الخبرة الي عندنا غير يجون جاهزين ماخذين الخبرة من يوم ما انولدو إذا كان كيذا
اجل يا الله نستدعي عبد الجواد وعبدالله صالح في خانة الاظهره
ونجيب احمد جميل وخليوي وسليمان في الدفاع
وماننسى مسعد وفؤاد انور وبو يعقوب الغشيان والهريفي وخميس العويران وفيصل بو ثنين في نص الملعب وسامي وماجد والمهلل والعويران وعبيد وحمزة في الهجوم
يا الله كل هذولا ومو لاعبين خبرة ومو من افضل من مثلو المنتخب وشرفو الكرة السعودية
وينهم مو خلاص انتها زمانهم وجا بعدهم جيل عبد الغني و غيره وخذو مكانهم ولا الجيل الي بعدهم ظهر لنا كيذا عنده خبره مو شاركو وهم صغار واكتسبو الخبرة من مشاركاتهم اتمنا انه ماحد يفهمن قلط يا اخوان بس لكل واحد زمانه
فا عبد الغني والدوخي وغيرهم من النجوم الي شرفو الكرة السعودية خلاص خذو زمانهم وجا الدور على الجيل الي من بعدهم زمان الزوري والشهيل والرهيب ومعاذ وكل النجوم الواعدين الي ان شا الله مع المشاركات راح يكتسبون الخبرة الكافيه وبيكون لهم صيت عالي ومشرف لهم ولوطنهم ان شاالله
ياخون شدو من ازر هالشباب الواعد عشان يقدرون يكسبون الثقه في نفسهم
وخلو عنكم التعصب للانديه وخلونه مع المنتخب وبس
وسمحولي إذا أخطيت .  | 