| اخوي صاحب الموضوع المسألة اكبر من إستقالة وطلب إستقالة الموضوع نهب وسرقة المسؤولين في الشركة للموارد وكميات الصرف في مواد الصيانة والإنشاء والدليل عندي يوم كان الوالد الله يرحمه احد منسوبي الشركة وكان مهندس ميداني رئيس فرقة الصيانة والإنشاء يوم رصد الطلبات لأحد الاحياء في الرياض إنشاء غرفة للكهرباء مغذية لأحد الأحياء طلب المدير المباشر وتشاور مع الوالد وكان الوالد يستدرج المدير في الكلام وطلب من الوالد بان يصرف اقل من التقرير عشان يحط الفرق في حسابه رفض ابوي وقال الطلبات تناسب حجم الحي واقل منها بتتعرض للحرق وانا المهندس المسؤول في هالمهمه مو انت قال نفذ انا مديرك ووقع على المقاسات الاقل وارسلها لي عشان اعتمدها قال ابوي آسف ما عندي إلا هالمقاسات والطلبات تبي تغيرها سجل اللي تبي ووقعها انت وانا اوقعها بعدك على مسؤوليتك وطلع الوالد ومن يومها وابوي على خلاف دائم مع المدير وكلما شاف المدير ابوي غير طريقه خخخخخخخخ بس استقعد لابوي في الترقيات والدورات حتى ان اللي تعلموا على يد ابوي صاروا اعلى من ابوي ؟!! تقاعد ابوي بس كان مرتاح نفسياً وزملاءه دايم يزورونه في البيت ويقولون من رحت عن الشركة والدنيا معفوسة نهب وسرقه واغلب التمديدات تحترق او تتعطل وكل عطل او حرق يكون من قلة المقاسات المطلوبه او الخام غير جيد وكلها دليل على النهب والسرقه  | 