هلا باخوي مهند 
مهند الطيبه الزائده ماهي زينه 
يعني تلقى الشخص شايل هم ناس مايستاهلون كل هذا .. الواحد يحب لاخيه مايحب لنفسه بس النفس اولى من الاخرين 
المشكله والقهر لاقدمت خدمه ومساعده كبيره بعيونك وبعيون من خدمته ويقابلك بالنكران والجحود ؟ 
سااعته تقول نفسي وبس الناس بحاله .. والله شعوور قاااسي مره تتعب من اجل شخص وتكلم ناس وو وباالاخير يجحدك ولا كنك سويت شئ ..
ياخي تخيل والله العظيم عن نفسي صادفتني ظرووف بصراحه مدري وش اقول حتى مالقيت احد اشكيله ويبادلني بالكلام والشعور الطيب مالقيت من يساندني .. ماوقفت على كذا انا اصلن عجزت اتكلم عن نفسي والله مدري وش اقول تخيل واحد صارله حادث قريب جداً لي ودخلته مدينه سلطان بن عبدالعزيز الانسانيه وعني انا ماخدمت نفسي باشياء مهمه بصراحه اعااني منها كثيراً كثيراً انني انسى نفسي واناظر للاخرين ومساعدتهم وبصراحه هالشئ صحيح ان فيه اجر وميزه جميله مساعدة الاخرين .. بس والله ضيع علي اشياء كثيره .. وخلاني انسى نفسي وهتمامي فيها وزاد من متاعبي .
تصدق واحد قالي بوجهي اترك الناس خلك بنفسك وبس"نفسي نفسي ". طبعا قريب وصديق مره لي هذا .. اول ماقاله انزعجت منه احس انه قاسيه لكن فعلاً يوم افترقنا وكنت لوحدي فكرت بكلمته واقتنعت انه صحيح كلامه .
يعني بديت اهتم للناس واقلل من اهتمامي لنفسي .
الله يعين .
شكرأ مهند ورده
