|
في تاريخ 03/14/08 كنا في فلوريدا [تقرير مصور ] part 2 وفيديو كماان
نفيدكم علماً انه وبحمد من الله وقوته ، وافقت اكمل الجزء الثاني من مغامراتي الشيقه << اقول لايكثر 
وأوعدكم ياشباب ماراح اتكلم عن قوس النصر حقكم 
وانت وياه ،، اللي ماشاف منكم الجزء الاول يروح يشوفه لافقع وجه اللحين
______________________________________________________________________________
بسم الله
مثل ماوصلنا عند بوابه دزني والحمد لله احد امنياتي تحققت  ولله الحمد ..
دخلنا طبعاً من البوابه << بالعاده من وين تدخل
طبعاً يوجهونا روحوا يمين ثم يسار ثم يمين .. دزني بكبرها كنها الخرج 
رحنا لبدايه دزني وكانت disney downtown هذي ياشباب فيها المحلات التجاريه حقت دزني والجو الرائع << مالها دخل بس يالله ..
طبعاً اول شيء واجهناه عند دخول خلونا نسميه القريه كانت هذي المحلات
ولا اشوف احد منكم يقزقز  انتبهوا ترى عندهم هيئه مثلنا 
طبعاً كلنا كنا متشفين على شوفت ميكي وميني
وشفنا بدالهم
:: كحيلان::
قوفي ومن مايعرف الشخص ذا 
ثم شفنا لنا ذا المحل الزين
صوره من داخل المحل
خبركم عارفين وصلنا الديره الساعه 8 الصبح وكنا مواصلين من الطريق .. اخذنا تقيله بسيط إلى الساعه 12 الظهر تقريباً ثم حركنا لدزني الله من الشفقه بعد .. طول الوقت هذا ماذقنا ولا شيء .. حسبي الله على الضعيف اللي قالنا لاتأكلون .. دزني اكلهم حلوو  "ياشين اللي متعودين على Ihop"
rainforest cafe هذا وعلى ذكر واحد من الشباب ان المحل هذا موجود في جده عاد مادري صدقه من كذبه بس نعطيه على جوه
المطعم هذا ميزته ان كل تقريباً خمس دقايق تسمع اصوات حيوات مفترسه << الله لايبلانا يعني إذا معك مبزره علهم ولا إذا صرت لعين خوفهم 
المطعم جداً رائع وفيه وجبه عندهم غير طبيعيه كنها sizzling chicken اللي في فرايديز حلووه الصراحه
المهم ومالكم بالطويله احس اني طولت بالمقدمات وتركت الزبده
<< امووت على الصوره ياولد .. ترى ساعه علشان خليت المباني في وسط الصووره 
ركزوا على مكان اليخووت المرسى
الله الله .. المكان كان جداً رائع وقووي ويوسع الصدر بعد ، يالله الجنه
اليخت اخذناه بـ$ 35 لمده نصف ساعه كانت حلووه
وفوق البيعه هذا فيديو مدته تقريباً 18 ثانيه وسط اليخت :: للتحميل اضغط هنا ::
وكملنا مشي عاد منبسطين بالمرسى حقت امريكا
قولوا بسم الله .. نصيحه اخويه
كملنا مشي وحنا الإبتسامه ماتفارقنا ولله الحمد
اقولكم انت وياه لأحد يقزقز
طبعاً المنظر جداً خلاب ولايمل الصراحه وودك بس تمشي ولاتوقف ..
ومن بعيد قزينا ذا الكووره وطبعاً حب المعرفه مسيطر علينا ودنا نعرف وش وسطها
واكتشفنا انه
طبعاً كنا شبعانين ولله الحمد اخذنا لفه كذا سريعه ثم نزلنا
المكان اللي ماخذ منه الصوره اللي ^^^
هذا مكان على شكل اشرعه دخلنا نبغى نشوف what's going on
وسط ذا المكان بنيات يترقصون "صغار تراهم "
<< تلاحظون بديت اتعب انزل الصوور بدون تعليق
طبعاً خلصنا من الدوران في القريه الاولى .. وقلنا ودنا نلحق على animal kingdom
ولكن للأسف بعد ضرب المشوار اكتشفنا ان المكان
مقفلين صلاة المغرب 
الساعه كانت 7 وقفلوا مالها داعي حديقه حيوان بكشافات
بعد ماكتشفنا ان القريه مقفله ،، ضاقت صدورنا للأسف << ايه صدقتك بعد الكرف نقول الحمد لله بس
هذا ونكون قد ختمنا الجزء الثاني من رحلتنا السعيده
في الجزء الثالث سوف يكون لنا رحله إلى Magic Kingdom
 اتمنى من الله العلي القدير ان اكون قد وفقت في هذا التقرير وان يليق بمستوى شبكه الزعيم واعضاء الشبكه الكرام
اعتذر منكم على الاسلوب الركيك الصراحه ومن الاخطاء الوارده بالموضوع " طلب من الاخوان اللي كانوا معي واحد اهم اسباب موافقتهم على تنزيل الموضوع في المنتدى " ان يتم ذكر الله عز وجل عن اي شيء اعجبك في الرحله وقول ماشاء الله تبارك الرحمن لكي نستطيع ان نكمل الاجزاء المتبقيه تحياتي لكم المبدع واعذرونا على القصور
اخر تعديل كان بواسطة » almobde3 في يوم » 31/07/2008 عند الساعة » 04:51 AM | 