الموضوع: :: المسابقة الثالثة // مطبخ المجلس العـــام ::
مشاهدة مشاركة بصفحة مستقلة
  #114  
قديم 29/07/2008, 11:45 AM
الصورة الرمزية الخاصة بـ الـمـشـاغـب
الـمـشـاغـب الـمـشـاغـب غير متواجد حالياً
مايسترو المجلس العام
تاريخ التسجيل: 18/02/2005
المكان: كاشت مع ويلهامسون بين المروج :$
مشاركات: 7,062
يا جماعة خلوا المسابقة لبعد الويكند الجاي عشان اللي بأشغالهم يفضون ويشاركون .. مددوها شوي ولا يكثر

blacker1949

بصراحة أنا جاني عرض خارجي بأشارك معهم في مسابقة على مستوى عالم المنتديات ككل .. عشان كذا بأخلي هالمسابقة لمواصل يفوز فيها .. ودي أعطيه أمل في الحياة ولو مرة وحدة في حياته

هلالي من ارض اليمن

من جد ملاحظتك في محلها عشان تشوف الطبخة زين اما تكسر رقبتك وإما تكسر شاشة جهازك .. ودي أعرف من ضحك عليهم وقال أن التصوير بالمقلوب فن؟ .. الظاهر سامعات بزاوية الرؤية وفهمنها غلط

hilalemooot

عاد أنتوا يا أهل الشمال شبابكم طباخين من كثر كشتاتكم
أنا أراهن عليك يا أحمد .. لا تخيب ظني ورده
لحد الحين طبخة مواصل المرشحة الأولى بلا منافس .. أنتظر تحطيمك له

Dr.Sara

يا شينك مقفلة الخاص
اذا من جدك بتطبخين لي ما بأتنازل عن ردي ومنبري بس .. إلا بأتنازل بعد عن ماجد مقبل بكبره وأضيفه لكم بكرت العايلة
أهم شي تضبطين طبخة أدق خشم كل طباخ وطباخة هنا
<< لحد يصدق بس أعطيها جوّها هاللي كان عمرها 16 سنة وسوت اختها حلا ومشتها علينا وأخذت الجايزة علينا المفروض تتوقف من هالمسابقة وتحرم من كل المسابقات بعد اعترافها بالغش

هلاليه سعودية

بنشوف نهاية هالثقة
بعض الناس يحسبني أهايط على فاشوش ..!!
لما ذكرت الحقيقة أني أسطورة البلياردو قال البعض اني أهايط .. ولما لعبوا معي دقيت خشومهم وبعدها عرفوا أني قد كلامي
والحين في الطبخ لما قلت أني أسطورة الطبخ فأنا قلتها وأنا قدها وبنشوف تاليتها

متآبعه بصمت

القضية مو قضية تحطيم .. القضية قضية فشل ذريع من جانب البنات .. ولازم أقول الحقيقة وما أجامل ..
وأنا طول عمري انسان حقاني وأقول الحق ولو على قطع رقبتي

ღ سيموღ

يا شيخ عزوبية والا غيرها .. أنا فنان في كل شي ما شاء الله علي
انتظر طبختي لكن يا ليت تمددون المسابقة لما بعد الويكند لأن الناس تفضى زين في الويكند ونشوف مشاركات فاشلة أخرى

dal3_uae

مقلقتنا من كم يوم : بأنزل طبختيه طبختيه وبالأخير جاية لنا بهالطبخة اللي أختي بخامس ابتدائي تسويها لنا برمضان
بالله يا جماعة ناظروا .. قطعة عجين وحطت فوقها جبن ونقانق وزيتون وحطتها في الفرن .. وخلاص خلصت الطبخة !!
هذي حتى رعبوبة الزعيم تقدر تسويها

ملكة الورد*1*

لأني انسان حقاني وأقول الحق ولو على قطع رقبتي .. فإن محاولتك في الطبخ هي أفضل محاولة فاشلة لحد الآن ورده
حاولي مرة أخرى ربما يحالفك الحظ في المسابقات القادمة .. عموماً محاولة فاشلة لا بأس بها شكراً لك ورده

متآبعه بصمت

أنا والله من شفت هالصورة وأنا دريت ان ما عندك أحد



دققوا زين في حلقات الزيتون .. كنها عيون اندنوسية
وهذا اللي مخليني أجزم ان اللي طبخت هالمكرونة هي خدامتهم الاندنوسية

مع الهلال الى الأبد

والله بطل ورده .. لك مستقبل كبير في عالم الطبخ ..!!
تستحق درجة 7,5 من عشرة ورده كان ودي أجبر النصف لكن الدقة مطلوبة

Bnt alzaeem

ما أقول إلا الله يسامحك .. كرهتيني في الموكا
وشو له الفلسفة موكا وخرابيط كانكم على الشاهي وزين اذا قدرتوا تسوونه مضبوط
والله يا شباب مشكلة هالبنات .. يحسون عندهم قدرات عالية ويتجاهلون واقعهم التعيس

مواصل من عام 1413هـ

مثل ما قلت للمرة المليون انا انسان حقاني ولا أجامل أو أداهن ولا أحب أن أمتدح أحداً بغير وجه حق .. ولكن بصراحة طبخة التوست بالجبن هزّت كيان معدتي الخاوية على عروشها .. وبدأت معدتي في عزف مقطوعتها الموسيقية التي دائماُ ما تحرجني بها عند الجوع
مواصل .. أنّى لك هذا؟!!
لله درّك من طباخ ماهر سلبت العقول وأجوعت البطون

لست في حاجة إلى صوتي ولا إلى أصواتهم .. فلو كنت مسؤولاً على المسابقة لأعطيتها لمن يستحقها بلا منازع وهو أنت
تستحق درجة 9,75 من عشرة .. ولا تسأل عن الـ 0,25 من عشرة لما خصمت؟ .. لأنها ذهبت بسبب نكرانك للمربى
عموماً .. أنت الأفضل أنت الأمهر أنت الأحق بالجائزة .. وإن ذهب منك اللقب فهو من سيخسرك لا أنت

كتبت ما كتبت كعادتي في الصدح بالصراحة والحقيقة دون مجاملة أو مداهنه فعلى أقل تقدير تبقى طبخة مواصل هي الوحيدة التي نضمن طعمها الذيذ

اللهم ادم لساني على قول الحق