نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - ايام الورعنه ها ها ها اللي تحت18 لايدخل يتفلسف علينا

هلالية بنت هلالي,, · #7 25/07/2008, 07:21 PM

اول شيء ياهلا فيس
وفي موضس الكشخه ..

إقتباس


	الكشخه فينا تلبس الطوق والبكله والشراب القصير أبو كشكش وحاطه من الروج الأخضر السحري "اللي بعد خمس دقايق يقلب أحمر .. كأنها مصاصه دماء .. " ماعاد الشكل يصير برئ هي وذا الروج واللي تلبس الفستان المكسره "اللي من تحت مليان جيبون" اللي حزام الفستان يسحبل بالشوارع وله كتافات أسفنجيه عاليه الجوده وماننسى طبعاً مبدا الزي الموحد عند العائلات .. ثنين ولاثلاث من البزارين لازم طقم

والله انس صااااااااااادقــه .. لازم اذا كنتي في السوق وشريت فستااان

ع طووول تمرين لمكان الشرابات وتشترين ابو كشكشه ولاتنسين النعال اللي تنصك من النص ولونها اسود .. اذا لبستي كل هالأشياء تصيرين اكشخ وحدهـ في العائله ..
ولااااااااااااااازم الشنطه

وعــــااااد حدث ولاحرج ع الروج السحري او من شراه بنت عمتي وعاد غرنــا منها ورحنا شرينا مثلها .. كان لونه اخضر وفيه زخرفه ذهبيه تحطينه ع فمس ويتحول لأحمر عاااااد اذا تحول كل وحده تقول وش لون فمي كنــه شيء غريب ,.

إقتباس


	اياااااام بقاله أبو سعيد الوحده منا تركض للبقاله بقميصها القطن "اللي شاريته لها أمها من البياعه اللي تجي عند بابهم " تشتري ببسي أبو كيس>>>> بنص ريال .. وتشتري معه البسكوت الأخضر اللي بالموز >>>> يالله كرم النعمه ولا أيسكريم أربعه بواحد ابو ريال "البرتقالي - والأحمر - والأخضر - والأصفر" اللي يتقاسمونه ورعان البيت كلهم ...ويحظها لو صارت العلبه لها لحالها يقعد ثلاث ايام بالثلاجه وهي تلط منه

لايااختي القميص مب من البياعه القميص من اسواق العويس من محل ابو عشرهـ يكون قط وناعم ويالله براد الجنه ..

واذكر بسكوت ابو موز كانت جدتي الله يحفظها توزعه علينا .. وكان كنه سنكرز في وقتنا الحالي

عااااد كلش ولا اسكريم ابو اربعه اذكر اذا رحنا للدمام عند اخوالي كنا نطلب من البقاله (كشخه الدمام طلب مب روحه )

هالاسكريم وكنا نتقاسمه .. فرصه بريال

إقتباس


	أياااااام التصرفات الهمجيه حدث ولاحرج .. مدري عاد هالتصرفات توارثتها الأجيال ولا لا بقلوب صافيه كنا نزعل ونرضى من اللي زعلنا بسرعه بس شرط أساسي أصبعه الخنصر لازم يتصالح مع أصبعي أنا <<< لا بس هذي تهون عند طريقه الحلف " لاحول ولاقوه الأ بالله " حط أصبعك في فمك ولازم يمتلي الأصبع من السعابيل وبعدين مردغ فيها حلقك .. الحين تصير صادق أما اللي بيعلم أنه تسذوووب يمد لسانه ويطير لسانه بأصبعه >>>> ماأعتقد اني وفقت بهالشرح

والله انس صادقه الخنصر للزعل والابهام لأصداقه ( يالله لك الحمد عى نعمة العقل)

إقتباس


	طوووووووووووووووووط >>>> فجرت أذانيكم صح ... والشاشه الملونه ... ولا ترن تن تررررن ترررن >>>> هذي النغمه لمى يحطون شاشه الساعه .. ومن تجي عشر .. يبدا القران وبعد أفلام كرتونهم الماصله أنا أذكر بشار اللي ضيع أمه والدببه اللي بمدينه النخيل وحبيب قلبي الليث الأبيض >>> ماني بصاحيه كنت أحب الحيوانات مو الأوادم .. بس تطورت وحبيت روبن هود وزورو وهايدي وسالي .. هذا التطور يمكن على اخر ايام الأبتدائي وصرت أتابع أفتح ياسمم .. وبدر وأنيس .. ياحبي لهم >>>> الحمد لله والشكر من بعد شخصيات الكرتون .. صرنا نحب أنيس وبعد هالتطور صرت أتابع برنامج الأطفال وأغانيهم الماصله والأفلام الهنديه .. اللي كانو يجيبونها على القناة الثانيه فلم الولد والفيل وفيه فلم ثاني اللي الحرمه تقطع العقد اللي لابسته عند المعبد >>> يعني طلقت زوجها وبعد التطور " أمحق " تسنعنا وصرنا نتابع مسلسلات ..."مسلسل عبدالله البحري وعبدالله البري" .. "ومسلسل عواد" .. "وصح النوم" .. "وفايز التوش""ومسلسل جواهر .. اللي فيه زوينه وحمد وجواهر "<< ماكنت احب زوينه الشريره

تتذكرين شاشه القناة الثانيه قبل ماتفتح تكون دائره وخطوط ملونه وفيها ساعه نحتري متى تفتح ..

والا عاد هذاك البرنامج اللي يقدمه الاصلع .. وكانوا يبحثون عن كرستالات .. واللي مايلقى كرستاله يحبسونــه ,, كان حمااااااااااااااس ..
واتحدى تفوتني حلقه

إقتباس


	متى يجي بابا يجي الساعه سته راكب ولا ماشي راكب باسكيلته حمرا ولا بيضا بيضا زي القشطه

هذي الانشوده للحين امي تقولها لأختي الصغيرهـ

إقتباس


	أول يوم دراسي .. والكرتون الكبير اللي يجيبه ابوي من المكتبه وكلها محتوياته من ذوووقه " درزن دفاتر أبو ثمانين ولا ستين _ فروووخ لتجليد الدفاتر _ برايه أم مرايه وأشياء لاتعد ولاتحصى .. ويجي دور الهجوم على الغنائم >>>> أول مره يشوفون شي جديد

إقتباس


	لا والمطاره وماأدراك ماالمطاره .. كنت أروح بمطارتي واليوم الثاني أتبادل أنا وأختي بالمطاره >>> العن أم القرف يعني ينقال لها انها بتكشخ يآأليت اناناسه كآانت معي في هالمرحله ههههههههه لا والسلام الملكي حق المدرسات .. من تدخل المدرسه الكراسي والطاولات يبن ينحاشن من اصوات البنات " شرفتينا ونورتينا ياابله نوره ...... نوره ياعيوني ياللي لابسه اليموني لابسه الساعه اللماعه تسوى كل الجماعه

والله انس جيبتيها خاصه التبادل بالمطارات عشان نصير كشخه ( تتذكرين المطاره اللي ع شكل بيضه) تراها كانت كشخه

إقتباس


	كان الأتاري من ضمن الممنوعات في بيتنا .. أو بمعنى أصح مايجي من نفسه لازم له طراره من البزارين علشان يسمح له دخول منزلنا .. أذكر كل ماقلنا لأبوي نبي أتاري .. قال لنا الأتاري مااسمع له طاري كان الميك أب عيييييب بس أزين شي ان طلعت الشارع عادي كانت فيه أشياء كثيره ممنوعه بوقتها ... كل ماأذكر أني أصيح لمى يرفضونها أحس ان البرائه بتشقق بعضها .. >>>ايه هين

إقتباس

إقتباس


	كان الأتاري من ضمن الممنوعات في بيتنا .. أو بمعنى أصح مايجي من نفسه لازم له طراره من البزارين علشان يسمح له دخول منزلنا .. أذكر كل ماقلنا لأبوي نبي أتاري .. قال لنا الأتاري مااسمع له طاري كان الميك أب عيييييب بس أزين شي ان طلعت الشارع عادي كانت فيه أشياء كثيره ممنوعه بوقتها ... كل ماأذكر أني أصيح لمى يرفضونها أحس ان البرائه بتشقق بعضها .. >>>ايه هين ملحوووظه

لااحنا الحمدلله ماكان ممنوع الاتاري

كان اللي عنده اتاري كشخه يتجمعون عنده العائله الكريمه ويلعبون ماريو ..
وبعد الاتاري طلع سيقااااا .. اووووهـ عاااد انواااع الكشخه ..

تسلمين خيتووووووووو ع الموضوع الحلووو يذكرنا بأيام العز