نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - زيادة الكويت لرواتب مواطنيها للمرة الثانية خلال 6 أشهر. والسعودي يأكل الحنظل!

ابو طـــــلال · #6 24/07/2008, 03:39 AM

إقتباس

الرسالة الأصلية كتبت بواسطة بريماكس!!


	الله يهنييهم فيها شعب الكويت الشقيق اخي العزيز / ابوطلال افهم من كلامك طال عمرك ان جميع الكويتين كما اشرت في ردك بعبارة ( كلهم ) مهما يحصل لهم من اذى وظلم من قِبل حكومتهم يظلوون صامتين ؟ من اين اعتمدت هذا الكلام بالتعميم على الكل ؟ وبعدين وش سالفة المظاهرات اللي عندهم قبل فتره .. خلنا من اللي فوووق الكويت بسلامتهم ويعيشون بسلام وعلى مايبون خلنا بديرتنا وحقيقة حب الوطن . ياعزيزي لا تقارن واحد ماشيه اموووره بواحد لاعنته الدنياء يعني بالله عليك ناس متخرجه له سنين ولا لقت شئ تعتمد عليه ؟ بالله كيف يبي ينفق على اعياله كيف يبي يكون اسره كيف وكيف ..اوك ، مافيه وظايف مافيه ومافيه يصبر والفرج من رب العالمين مانقول شئ . لكن ماهو قهر مقابل كل هذا يشوف ملاايين بلاده بالهبل تنفق للبنانيين والمغرب و و بالله جاوبني بجد ياخي . تخيل موقفك بهذا الموقف ( مثلاً ) وش راح يكون ردة فعلك ؟ تتمنى راتب بسيط يكون على قد مؤهلك التعليمي تمشي فيها امورك ولا تجد ، بينما الملااين تذهب للجيران ؟ اليس من المفترض والاولى ان تنفق للشعب وااعانة المحتاجين وتوظيف العاطلين وجعلهم معاونين لانماء البلد . لايكونون عااله عليه وادآة هدم . { فاقد الشئ وشلون يعطيه } اما المصري مايسب ديرته ؟ ياخوك قسم بالله قبل ثلاث ايام باستراحه العامل مصري وانواع الذب فيها لا هي ولا رئيسه حسني مبارك اللي اكل الشعب على كلامه ولا انا مدري خلنا ساكتين ماحنب ملزومين يالذيب احبك في الله يابوطلال ولاتزعل علينا بس اللهم شئ بالخاطر وقلناه قدوتنا ابومتعب اللي بقلبه على لسانه الله يطول بعمره الله ثم المليك والوطن

هلا بالغالي بريماكس ... واحبك الله فيما أحببتني فيه .. ويشرفني انك خصيتني بتعليقك ..

في البداية اخوي الكويت حكومة وشعب .. أكثر الشعوب العربيه ( ديمقراطية ) حقيقية .. يعني المظاهرات لتغيير خطاء من وجهة نظر المتظاهرين .. لكن لايتم تحقير او سب البلد والمواطنين .. فيها..
يعني أقصد بالصمت على مايقال ضد بلدهم .. وحكومتهم .. وخصوصا في المنتديات ..! كما هو الحال مع بعض الأعضاء في شبكة الزعيم ..

شف حبيبي بريماكس .. مو بس هالوضع ماجازلي .. اشياء كثيرة ماتجوز لي والله في وطني .. أدري ان فيه سرقات .. ونهب .. وتخاذل من قبل المسؤولين .. وحتى هنالك مع من التجار ( وهو من المواطنين ) وقصور من الدوله .. كل هذي انا مااخفيها ولاتحسبني مااقدر اتكلم فيها .. لكن مو بالطريقة اللى بعض الأعضاء تكلمون فيها .. نعم فيه بلاوي عندنا .. بس ناقش من غير تحقير بلدك خصوصا أمام أشخاص لاينتمون لهذا الوطن ..

يعني لاتتوقع كلامي هذا هو نفسه في مجالس خاصه ( كلهم سعوديين ) ويحملون نفس الهم .. نناقش من باب الفضفضه او محاولة البحث عن حلول ..

لكن مااجي هنا اكتب عن ديرتي كلام ماينقال .. واقول ليتني بس اروح لقطر .. او الإمارات .. ابرك !! يعني السعوديه مافيها بركه !!؟؟ طبعا ماترضاها ولا ارضاها .. ولااتوقع اي غيور على وطنه يرضى بهالكلام !

خصوصا ان فيه أعضاء قد يجعلون هذا الموضوع باب وقد فتح لهم .. للتشمت .. والتجريح بالتلميح .. ومن باب نحبكم .. !

أما المصريين .. وكل شعوب العالم انا طبعا لااتكلم عن إحصائية دقيقة .. لكن المصري عمري ماشفته ( شخصياً ) يسب ديرته او يحتقرها .. وكل الشعوب تفتخر ببلدانها .. ونحن من الأولى ان نفتخر بالمملكه وطن وهي قبلة المسلمين .. وفيها اطهر بقاع الأرض مكه المكرمة .. والمدينة المنورة .. ألا يكفي ان نفتخر على الأقل بهالمنطقتين والمحسودين عليها ..

وانا معك انقهر .. للبلاوي اللى تطلع من عندنا ..

وازيدك من الشعر بيت علشان تعرف اني احس بمعنات كل مواطن ..

قناة الـLBC قدمت برنامج خاص يناقش موضوع ( الفقر ) في المملكة ..؟ وعلاجة.. وقبلها بيومين السعوديه ارسلت لهم ( ملايين ) كدعم للبنان !!!!؟؟!؟!؟!؟ نعدمهم علشان يناقشون وضع الفقر عندنا !! تبي اكثر من هالخبر قهر ؟!!؟!

بس المشكله في مكان التذمر .. والفضفضه .. مو في الفضفضه نفسها ..

شكرا لك اخوي .. واعتذر لصاحب الموضوع ..