الموضوع: أخـوي الـصـغـيـر تـزوج الـبـارحـة .. والـفـال لـي ( فيس حزين ) ...!!
مشاهدة مشاركة بصفحة مستقلة
  #13  
قديم 22/07/2008, 05:27 PM
الصورة الرمزية الخاصة بـ الـمـشـاغـب
الـمـشـاغـب الـمـشـاغـب غير متواجد حالياً
مايسترو المجلس العام
تاريخ التسجيل: 18/02/2005
المكان: كاشت مع ويلهامسون بين المروج :$
مشاركات: 7,062
الصفحة الثالثة


MR.DL5 .. 2

وش تبي أنت؟ القاضي حماي ويمون .. لا تتدخل أنت يالفتّان
هي من ناحية قوية فهي قوية .. لكن وش نسوي مالك إلا الصبر وش وداك له؟
ولأجل النادي المغربي تكرم بلاد ..!
أهم شي أنت اطلع منها ولا تتدخل بيني وبين القاضي لأننا راسين في طاقية .. والله يديم المحبة رغماً عن أنوف شرذمة الفتن والحسد ..!

مدمي الشباكـ

هلا أخوي مدمي الشباك ورده
شاكر لك مشاركتك ومرورك الكريم يالغلا ورده
تقبل تحياتي ..!

أبوشلاخ الهلالي

هلا وغلا حبيبي أبوشلاخ البلياردوي ورده
الله يبارك في أخوك الصغير وعقبالك أنت ورده
لا توصي حريص .. من ناحية الزواج مش ممكن يكون قبل سنة من الآن .. وأصلاً لاغي أنا نية الزواج بتاتاً ألبتة ..
اللهم إذا توفر لنا زواج مسيار من بنت ناس محترمين وتكون على خلق ودين وتصرف علي ما عندي أي مانع أتزوجها من اليوم ..!
الا وش قصدك بالأزرق يالفاهر؟؟ تبي تودينا في ستين داهية أنت ووجهك؟؟!!
بالله عليك وين تبيني أوديها فيه؟؟!! تبي تجيب فيني العيد الله يهديك ..!
على العموم مشكور على النصيحة ولا عمرك تنصح أخاف أحد يصدقك ثم تتحمل ذنبه طول العمر ..!
مشكور يا بعدي على التواصل .. مشتاق والله لدق خشمك بالبلياردو لكن ان شاء الله أخلص أشغالي المهمة وأجيكم أمارس هوايتي
المفضلة في دق الخشوم وتهشيم الرؤوس ..!!
تحياتي يا ضحيتي القادمة في البلياردو ورده

فنون هلاليه بجنون

هلا ومرحبا يا فنون المجنونة نورتي الحتة يا قدعة ورده
الله يبارك فيك وعقبال ما تعنسين انتي الثانية ..
أي علاج يالبريئة أنتي؟ هذا اللي ناقص: تريقة سحالي ..
على العموم .. الله يعطيك العافية يا فنون على تكلفك بالرد رغم الارتجاج الواضح في المخ بعد ضربات الثلج ..
هذي مشكلة البنت اللي تبي تسوي فيها "كيوت" وراعية ثلوج وحركات وبالأخير تاكلها على راسها ..!
لا عدمنا تواصلك يالمرجوجة ورده

f*y*d

أهلين وسهلين ومرحبتين بفياض حبيب قلبي وقلب ماجد ورده
يؤسفني أنك بتسافر وتبتعد عنا .. يلعن حريشك يالسافل والله تعودنا عليك << شف حتى أبوريمان حط هالفيس لك لأول مرة في تاريخه عشانك ..!
والله أني مقصر معك ومع كل الشباب وأعتذر منكم جميعاً خصوصاً أنت , لأنك وافي وما جاء منك قصور رغم تقصيرنا ..
فياض لا تطول علينا يا بعد مصاريني
دمت كما أنت صاحب القلب الطيب ..!

الهنوووف

أهلن وسهلن مسترة الهنوووف ورده
للمرة المليون : الله يبارك فيكم وعقبال أخوانكم الصغار
أنا أختلف معك أن هذا عذر للأهل أن الولد راعي حكي .. ما فيه شي عيب ؟ زواج وملكة وخلاص كل شي تمام ..
وبعدين الولد خلاص صار رجال ويعرف وش ينقال ووش ما ينقال ..! عذر غير مقبول أبداً ..!
بالنسبة للزواج فالتأخير لا جدال فيه إن شاء الله .. بس الأسباب اللي تذكرونها ما هي نفس أسبابي .. ولو هي على هالأسباب بس
كان تزوجت وخلصت .. أما عاد البنت ما تبي تتزوج طالب؟ تحمد ربها وتبوس يدها وجه وقفا ان هالطالب المتعلم جاء يخطبها ..
وين الناس تلاقي الجامعيين هالأيام؟
بالنسبة لاجابات الواجب .. بصراحة تستحقين الدرجة الكاملة ما شاء الله عليك .. اجابة نموذجية ..!
يعجبني الشخص اللي يفكر بالمجتمع والواقع قبل يكتب الجواب .. ما شاء الله عليك بطلة .. ولا يهون الجميع ورده
شكراً لك يا الفــرَاشة على تواصلك الجميل وردودك الجميلة ورده
تقبلي تحياتي ورده

الحلا مبتليها

أهلين وسهلين الحلا مبتليك ورده
قلت لك سابقاً أن يوزرك حلو .. بس الحين أسحب كلامي بعد ما شاورت بعض الأصدقاء ..
كنا في جلسة مطولة تكلمنا فيها عن اليوزرات الحلوة والأسلوب الحلو .. في الأخير اقتنعت أن اليوزرات خدّاعة ..!
ترى أمزح معك خليك واثقة من نفسك ..
والله حلو سن الـ 26 مناسب جداً .. خلاص تم .. شورك وطاعة الله ..!
كنت ناوي أعزمكم .. لكن رحمتكم من التحقيق اللي راح يجيكم من الأهل .. يا هم يكرهون النت ويكرهون منتدى الزعيم كره
ما يعلم به إلا رب العالمين .. تصدقين أني ما أعلم أهلي أني مجتمع بالاستراحة مع عيال المنتدى؟ أقول لهم أخوياي بس ..
لو يدرون أننا نجتمع باستراحة سوا .. ما أستبعد يلفقون لنا تهمة وتداهمنا المكافحة والمباحث وحتى الهيئة في الاستراحة ..! ترى يسوونها على كثر كرههم لادماني على المجلس العام
الحلا مبتليها شكرن جزيلن لك هالمرور اللطيف ورده

abu_riman ...1

أهلين وسهلين ومراحب مليون ورده
وش عنده أبوريمان مسوي بأول رد رسمي؟
طيب طيب .. الله يبارك فيك أخي .. وحياك الله يا أخي
العفو يا أخي .. وما سوينا الا الواجب أخي..
شكراً أخي على الدعوة الكريمة أخي .. وشكراً أيضاً أخي على تواصلك أخي
تقبل تحياتي << مالك إلا هالفيس يالرسمي لو تطير فوق وتحط منتب شام وردة وحدة

مجنون الزعيم(9)

ارررررحبوا بأحفورة البلياردو بدون قايد ورده
أهلين مشعل وين الغيبة يا مغفل؟
مشعل وراك حاسدني على طاولات البلياردو ؟ طبيعي الأسطورة العالمية يكون مسيطر على الوضع كامل ..
أنا الحين أمرّ بفترة نقاهة .. وتركت بعض الصعاليك يتدربون في فترة غيابي ويهايطون لكني راجع لهم يا مشعل وسترى
تصدق أني ارتحت صدق بعد الفضفضة؟ أنا قايل من الأول ما يحس فيني غير مجنون الزعيم وبس ..
أشكرك يالغلا على المرور الجميل والاقتباسات والردود الحلوة .. لا خلا ولا عدم ورده

دمعة زرقاء

هلا وغلا دمعة زرقاء ورده
وش سالفتكم مع الأسامي الزرقاء؟ ماسة زرقاء وقلنا صح فيه ماسة زرقاء .. لكن فيروسة زرقاء هذي وش جابها؟ لا وبعد
دمعة زرقاء؟ وين أصرفها فيه هالنصبة؟!!
شكلي شطحت صح؟ .. بس عادي لازم أريح ضميري وأقول كل اللي بقلبي ..!
المهم الله يبارك فيك وعقبالك بعد سبع سنين ورده
مشكورة يا وخيتي على اجاباتك المختصرة ومرورك الكريم ورده
تقبلي تحياتي ورده

فجر الرياض

أهلين وسهلين يالمتميزة فجووورة ورده
الله يبارك بعمرك وعقبالك بعد سبع أشهر ورده
تراكم ذبحتونا يالبنات بالاعتماد على النفس .. لو هو بيدي والله لأخلي أبوي يصرف علي طول العمر وأنا جالس في البيت جنب ( الكنبة ) بعد قالوا اعتماد على النفس قالوا
عادي قولوا رخمة , اتكالي , طفيلي , قولوا اللي تقولون أهم شي آكل وأنام أنا وزوجتي مرتاحين بدون قلق وتعب ..!
بس هذا عشم ابليس في الجنة .. وين يصرف علي طول العمر والله أن يطردني من البيت وأصبح متشرد رسمي .. الحمد لله بس أننا موب
أمريكان والا تخيلوا عاد نوصل 18 سنة وتنتهي مسؤولية الأهل وما عاد لهم علاقة بزواجنا .. والله اللي كان أدشر صدق وأضيع..!
فجر الرياض .. ميرسي لا إلك كتير كتير تحياتي وهالوردة لك ورده

A.K.N 505

أهلأً وسهلاً بمن لفانا .. مرحباً أكن ورده
ولكم باك .. والله انها موب شينة نتزوج في ليلة واحدة .. بس مشكلتي ناوي أماطل وخفت أأخر الولد <<< ( أأخر ) وشلون تنكتب؟
أنا ملاحظ أن أكثر الأعضاء هنا أصحاب مبادئ ورافضين الزاوج قبل التخرج والوظيفة .. ما أقول غير الله يوفقكم وعساكم على القوة يالعصاميين .
صدقت .. على قولة المعلم جورج بن وسوف : " كلام الناس لا بيقدم ... ترن ترن .. ولا يأخر " ..!
يعطيك العافية يا خلفهم على التواصل الذي أنا سعيد جدّن به .. لا هنت ورده

الكــلاسيكي

هلا وغلا بالطيب الخلوق حبيب القلب عدووول ورده
أي نتايج؟ قصدك نتايج الجامعة ؟ والا نتايج التحاليل والفحوصات؟ ترى صرت أوسوس من كلام الناس ..
عاد تصدق؟ جوازي منتهي من سنة و3 شهور وتوي مجدده .. يعني لاني راعي طلعات ولا جسور ولله الحمد ..
أنا حدي أمد جسور التواصل بالانترنت فقط .. <<< برضه هرج مثل هرجك
ان شاء الله اذا تخرجت ونويت أتزوج راح أعزم كل الأعضاء والعضوات هنا حتى معاد أسمع طاري علاج أبد ..
أبوعباس؟ أما عليك ألقاب مدري وشلون تجيبها خخخخخـ
لا أبشرك منب فاقد أخوي العلة .. تراه عندنا بالبيت ودايم يذكرني وجهه بالمأساة والمعاناة والحرمان ..!
بس الحين هو مسافر وارتحت نسبياً
حبيبي عدولة .. دايم تجي متأخر لكن تجي بردود تشرح الصدر يا بعدهم ..
بس لعاد تنسى نظاراتك تحت المخدة مرة ثانية وتحذف ردود خلق الله
لا خلا ولا عدم ورده

شمريه بس هلاليه

أهلين وسهلين شمريه بس هلاليه ورده
لحظة شوي .. هالحين ورا يوزرك كذا؟ شمريه بس هلاليه .. يعني قصدك ان الشمريات بالعادة موب هلاليات؟
أنتي فاهمة معنى يوزرك والا جاية تستلكعين علينا؟ <<< خف على البنت شوي
المهم حياك وش ما كان يوزرك ان شاء الله لو تكوني "اسرائيليه بس هلاليه" عادي كلنا مسلمين وهلاليين ( الاسرائيليين فيهم مسلمين من عرب 48 .. ذكرت هالنقطة عشان ما تقولون كفّرت البنت ) ورده
ترى أمزح معك لا تزعلين .. بس هالفيس اللي حطيتيه بردك نرفزني أحسه لئيم وقليل خاتمة ..
شمريه بس هلاليه ورده ألف شكر على ردك الحلو .. تقبلي مزحي وتحياتي ووردتي بكل رحابة صدر ورده