مشاهدة مشاركة بصفحة مستقلة
  #12  
قديم 22/07/2008, 05:12 PM
الصورة الرمزية الخاصة بـ الـمـشـاغـب
الـمـشـاغـب الـمـشـاغـب غير متواجد حالياً
مايسترو المجلس العام
تاريخ التسجيل: 18/02/2005
المكان: كاشت مع ويلهامسون بين المروج :$
مشاركات: 7,062
الصفحة الثانية


قبل ما أرد على ردود الصفحة الثانية .. أحب أركز على نقطة مهمة ..!
البعض منكم يحسب أني رفضت الزواج عشاني رافض أن أبوي يتكفل بمصاريفي واعاشتي أنا وحرمي المصون ..
لا يا قدعان .. أنا من صغري كنت أتغسل داخل قدر مليان مرق عشان كذا ما أستحي .. بالعكس يعني لو تخرجت وتوظفت وبغوا أهلي يصرفون علينا ما عندي مانع .. مبدأ عزة النفس والخرابيط هذي موب عندي ..!
خلصت النقطة المهمة والحين يالله نجي للردود :


المرعـــبه

أهلا وسهلا بالمرعبه ورده
يا شيخة اللي فيني كافيني .. الله يستر قطار الزواج يفوتني صدق ..
دايم أفكر لو أني متزوج كان هالحين عندي كتاكيت صغار أتسلى فيهم وألاعبهم .. يالبى قلوبكم يا عيال وربي أحبكم وأنتم لسّه في صلبي ..!
المرعبة قلبتي المواجع بردك .. لكن شدة وتزول ..
شكراً كتييير لا إلك ورده

MR.DL5

هلا ومرحبا بملك جمال الدلوخ ورده
حتى أنت تشكك؟ .. طيب يا يزيد .. تعال لي المسن وأنا أعلمك وشلون الرد ..!
يا ولد وين الغيبة معاد نشوفك مثل قبل؟ والا تنتظر مسابقة ملك جمال جديدة؟
المهم خلنا نشوفك ولا تقطع يالغلا ..
تقبل تحياتي ورده

عسيريه
هلا وغلا عسيريه مصرقعه سابقاً عاقلة هادية حالياً ورده
بيني وبينك .. موب الدراسة اللي منعتني من الزواج .. بالعكس لو أبي أتزوج كان وافقت حتى لو أني أدرس بالروضة .. بس المسألة مسألة تخطيط ..!
أهلي جابوا طاري الزواج بسرعة وما كان فيه وقت أجرب خطتي .. يسمعون بعصر السرعة ..!
أنا قبل الزواج أبي رومانسية .. أبي حب .. أبي دلع .. أبي حنان ..!!
أبي أول ما أملّك عليها .. أرقمها وأصير أغازلها بآخر الليل ونتبادل سواليف الغرام والهيام .. ثم بعدين أكشر عن أنيابي وأبدأ بمواعدتها من دون علم أهلها .. ثم بعدين أهددها بنشر صورها إذا ما حولت لي المبالغ المطلوبة ..
<< اللي فاهم قلة الأدب غلط يطس من نفوخي لأنها زوجتي على سنة الله ورسلة بموجب عقد الملكية .. أقصد الملكة ..!!
أختي عسيريه ورده .. نصيحة من أخ لأخته .. عشان ما نبكي عليك مثل ما بكيتي أنتي علي , لا تخلين أختك تتزوج قبلك .. وخلي الماجستير والدكتوراة تولي أزين مما تعنسين ويشار لك بالسبّابات ..
شكراً لتواصلك العذب .. تحياتي إلك يا دكتورة ورده

G o L d E s T

هلا هلا وغلا وغلا بحبيبي برهوومي ..
فينك يا راقل؟ اشتقنالك كثير يالدووب ..
الله يبارك فيك .. وعقبالنا وعقبالك << العقبال الأولى من كل قلبي .. أما الثانية ما تفرق عندي .. أهم شي أنا أستر على نفسي لا أجيب لأهلي فضايح
ـخخخخخخـ الله يرجك ـخخخخخخـ من جد أغلى ما نملك .. اللهم أدم نعمك علينا يا رب ..!
شكراً لك أبوخليل على المرور الحلو ورده

القاضي (1)

أهلين وسهلين باللي حاطني براسه هاليومين .. مرحبا تراحيب المزن ورده
الله يبارك فيك وفي نادي الوداد وعقبالك ان شاء الله <<< ما ظنيت تملك الجرأة حتى للنية
بالنسبة للكنبة فهناك فرق شاسع بيني وبينها .. فهي معدة للجلوس فقط .. أما أنا فمتعدد الاستخدام
<<< أنا بس لو ربي يفكني من الشرذمة اللي تفهم الكلام غلط بأكون مرتاح
تحياتي لك أبو عبدالله

بنت عبد الله &

أهلين وسهلين بنت عبودي مرحبم بك ورده
أنا رأيي مثل رأيك .. أن الشاب يختلف عن البنت .. الشاب أشوف أنه عادي أخوه الدلخ يتزوج قبله ..
أما البنت فهي صعبة شوي .. صحيح الزواج قسمة ونصيب لكن تفكير الناس كذا ..!
شاكر لك مرورك بنت عبدالله وتواصلك الرائع ورده

asim 9

اهلين أسيم مرحبا مليون ورده
الله يبارك في عمرك وعقبالك <<< يا أنا مليت هالجملة
بالنسبة لتكوين النفس .. فيا حبيبي سيبك من كلام الأفلام دهـ ( أول حاقه لازم أكوّن نفسي .. تاني حاقه حأشتري شأ ّهـ .. تالت حاقه حأفرش الشقه .. رابع حاقه حقيب الشبكة)
ثم بالأخير يشيّب هالمصري وهو باقي مالقى نفسه ..!
يا حبيبي .. مثل ما أبوي زوّج أخوي من حرّ ماله .. الله لا يهينه يزوّجني أنا بعد ..!
مو كافي أن أخوي الحين يحس بطعم للنوم .. وأنا ما غير متحضن هالمخدة أدوّر من وراها حنان ومش لاقي؟
أسيم .. شكراً أوي أوي ع المرور القميل ورده

أزرقـ الدم

مرحبا ومسهلا بـ أزرقـ الدم ..ورده
يا أخي أنا تعجبني مواضيعك ويعجبني أسلوبك .. بس وراك كذا مشتت بين منتديين مدري ثلاثة؟
خلك عندنا هنا واسحب على الباقين .. من زينهم عاد ..!
أشوفك بردك معصب مرة .. الحمد لله ردك خفف عني كثير ..
اما عاد ما دريت بأخوك أنه خطب؟؟ أثرك طلعت كمخة وأنا مدري
تدري وش جاء على بالي تو ؟
طرى لي أنصحك تهاجر عشان يعرفون قيمتك الحقيقية وان لك كيان وأنك لست بالجدار القصير << رايح لمنتدى الجمهور وتسلفت هالكلمتين منهم
ترى جد أتكلم .. رح هاجر لأي مكان .. أو على الأقل سافر ديرة ثانية .. يمكن تتغير نظرتهم لك ويحسون أنك رجال
<< اعذرني بس والله من التسفيل اللي جاني ما لقيت أحط الحرة إلا فيك يا بعدهم
أزرق الدم .. اسمح لي على هالمزح الخفيف وتقبل مني هالهدية ()

abo_nasser

مرحبا ألف حبيبي فلاح ورده
ترفيعك حلو ومشجع ويرد الثقة في النفس
الله يبارك فيك .. والفال لك يا بعدهم خلنا نفرح فيك ونشوف ناصر الصغير <<< بيطلع ( طلي ) محترف بالقدور اللي أنت خابر ..!
بالنسبة للعرض المغري وأنا أخوك .. ما أكذب عليك ودي اتزوج .. لكن مو بهالسرعة .. أحب كل شي على رواقة ..!
إلا على طاري الرواقة ..!
الوالدة قبل فترة طويلة كانت تكلمني عشان تخطب لي ( بالأصح تحجز لي بنت ) .. فكانت كل ما ذكرت لي بنت أقول لها لا ما أبيها..
مدري ليه أرفض بس شكلها مسكت معي على ثقل ..
المهم لما تذكر لي بنت فلان وتمدحها .. أقول لها لا يمه وععععععععععع أخبرها يوم كنا صغار نلعب موب حلوة ..
وتعصب الماما وتقول : انقلع بس وش عرفك أنت .. البنات لا كبروا يتغيرون ويزينون ..! برضه أرفض وأتمسك بالثقل ..!
ولما تذكر لي بنت ثانية أقول لها : لا مستحيل .. أنا أعرف أخوانها شيون أكيد أختهم مثلهم دامهم طالعين من بطن واحد << تفكير منطقي ..!
ترد الماما كالعادة معصبة بس هالمرة جابتها بالصميم : لا ما تشبههم .. ولو ان الخوات يشبهون أخوانهم كان عنسوا خواتك وماحد خذاهم ..!
<< وأنا أقول من زمان خفة الدم هذي جاية لي منين ..!
أبوناصر قلبوو .. شاكر لك تواصلك .. كن أنت والقدور في الجوار << على طاري القدور .. ترى بلد الوليد اشترى لك أمس هدية من اسبانيا قدر ضغط عليه القيمة..!

البــارونـه{sa}

أهلين ومرحبتين سارونه ورده << ان غلطت علميني وبأبطّل فراسة للأبد ..!
الله يبارك فيك وعقبال أختك الصغيرة ..
انا مو حزين عشان الزواج .. أنا حزين على التشكيك والشماتة اللي جاتني من بعض الأوباش ..
مشكورة يا وخيتي على مرورك الحلو .. ويشرفني اعجابك بمواضيعي .. فأنتم من يشجعنا على الكتابة ورده
تقبلي تحياتي .. وأبد ما فيه زعل خذي راحتك أنا كل جمعة أغسل وجهي بمرقة حاشي ويا ليت كلكم تطبقون هالطريقة عشان معاد تستحون معي ..! ورده

ابو طـــــلال

هلا وغلا وطلة حلا بأبوطلال ورده
شرفت ونورت الموضوع بردودك الممتعة يا بعدهم ..
نجي للحبة حبة :
الله يبارك فيك وعقبال فارس يتزوج قبل طلال ..
رابعاً .. والله ما هي مسألة عصامية أبداً .. أنا آخر ما أفكر فيه العصامية والشهامة والمروءة وغيرها من الكلمات اللي ما توكل عيش..
لو أهلي عرضوا علي زواج مسيار .. كان وافقت بدون تردد ..! لكن زواج علني طول العمر يبي له تفكير زين بدون استعجال ..
ثالثاً .. أخوي من حسن حظه أن نصيبه من كروسومات الرومانسية أخذتها عليه أول ما طلعت من بطن أمي فيوم انولد كانت كروسومات الرومانسية
مخلصة .. وكبرنا وابلشت أنا بهالكروسومات وهو مرتاح باله وتزوج بدون ما يفكر بشي ..!
أولاً .. صدقت والله يسألون الناس عن عدم زواج الكبير خصوصاً إذا كان كبير وتجاوز متوسط سن الزواج .. الله يخارجنا ..!
صفراً .. هذي هي النية منب معرس الحين .. بس موب عشان مصاريف الزواج .. لا .. منب معرس الحين عشان أتمتع بحياة
العزوبية قبل الارتباط <<< يوم قلتها لواحد والله ضحك وقال منتب عاقل يالعربيد من يسمعك يقول انك كل يومين بالبحرين ..!
<< إلا صدق وش معنى التمتع بحياة العزوبية؟؟ من زين هالعزوبية الحين عشان نتمتع فيها .. لا نوم زين .. لا حنان .. لا أسواق .. لا ملاهي ..!
الزمن هذا زمن العوايل وبس , أما العزّابية طعوس الثمامة ترحب بهم ..!
أبوطلال قلبووو .. شكراً إلا مالا نهاية على هذا التواصل .. واعذرنا على القصور ورده

مواصل من عام 1413هـ

يا هلا ويا مرحبا بحبيب ألبي وقرّة عيني سهران بيك ..!
أول شي يا معفن والله ما قصدتك بكلمتي .. وأصلاً نسيت كلامك ..!
أنا كنت أقصد بلد القلق وعبدالوهاب .. ما أحب ملاحظاتهم أبد لأني ما أحب النصايح ..
مواصل تقوله صادق؟ من جدك ما دريت الا من ثلاث أيام؟!!
أجل والله منتب طفاية بالبيت وبس .. أنت حتى ( بزبوز الماء ) له تقدير عند أهلك أكثر منك ..
للأسف طحت من عيني يا مواصل .. يا خوفي يجي اليوم اللي يقولون لك ترى خطبنا لك فلانة وجهز نفسك للملكة بكرة ..
ترى ما أستبعدها جايز يسوونها .. انتبه لنفسك بس ..!
حبيبي خلك دايم هنا .. بس ثاني مرة لعاد تحرّش أحد يرفع الموضوع يالشين ..! عاد الهنوف تستمتع بالنذالة ..!
تقبل تحياتي ورده

القيصر رهيب (2)

طس من نفوخي ولا يكثر .. فرحان أنت ووجهك على الذبة؟
ما أحبك اطلع من قلبي ورده

الحربي2004 (2)

أهلين مرة ثانية ..ورده
أي فكرة حلوة يا شيخ؟
يوم جينا نطبق الخطة بغيت أنصرع .. طلع الدلخ جايب حمار بدال الحمارة .. بس ربك ستر ..!

اخر تعديل كان بواسطة » القاضي في يوم » 22/07/2008 عند الساعة » 09:59 PM