نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - | رابطة عشاق الشياطين الحمر 2008 - 2009 | ( به وإلا بغيره .. المان مجد .. وحسن سيره ) | ( Kings of the Worlds )

Msh3al_37 · #640 22/07/2008, 02:59 AM

السلام عليكم

اول شي احب اشكر عزوز انه استضافني في اول لقاء والحمدلله توفقت فيها

واتمنى ان احمد يقبل ترشيحي له ورده

بعيد عن الرسميه ابي اجاوب عن كل الأسئله الي بتطرحونها

ــــــــــــــــــــــــــــــــــــــــــــــــــــــ
الأول : شايبنا العزيز فياض

إقتباس


	س1 . هل تحب أفلام هوليوود أو مسرحيات العلي الكويتية أو أفلام بوليووود الهندية ؟ س2 . سر عشقك للمان بالذات ؟ عشق طفولة أم تقليد لأخوانك الكبار ؟ س3 . أفكارك لمواضيع قادمة الـ رابطة تتمنى أنها ترى النور .. أو ما هي الأمور التي تود رؤيتها بالرابطة لتكون أفضل وأحسن ؟؟

ج1/ طارق العلي وما ادراك ماطارق العلي اقدر اقولك اكثر من ضحكني بهالدنيا

شطحاته بالمسرحيات تكون اكثر من رائعة وتحس انك ماودك تترك المسرحيه او انها تطول عشان تستمتع

بالنسبه لهوليود اتابع افلامها ولا اخفيك اني اميل للكوميديا اكثر من اي شي ثاني لكن فيه افلام مثل افلام الآكشن لويل سميث او فيه واحد ثاني بس ما اتذكر اسمه بالضبط اتحمس مع افلامهم

بوليود

كلها فقش وكلها صياح بصراحه شي يضحكني شخصياً

ج2/ للأسف انا اكبر اخواني بس لأني شفت تقريباً اكثر من مباراة للمان في ذالك العام وبصراحه اغرمت باللون الأحمر يمكن كنت اميل للعب بيكهام بما انه اكثر واحد كان شهير بالفريق

ج3/ المواضيع القادمة على حسب الأحداث لا ننسى انه فيه كأس العالم وفيه السوبر وفيه الدرع الخيريه وكلها بتكون في اوقات قريبه من بعضها البعض واتوقع تنظيم هذا الموضوع بيكون على مستوى ماراح ينافسنا احد عليه

ــــــــــــــــــــــــــــــــــــــــــــــــــــــــــــ

الثاني : carrick16

إقتباس


	سـ 1 / لاعب جاء للمان وتمنيت انه جلس ببيتهم وما جاء ولاعب طلع من المان وحزنت لطلوعه ؟ سـ 2 / الدوري عالشوتايم ولا الـ ART ؟ وليه ؟ سـ 3 / وش تحس به لما تكلمني بالمسن وانا متمغط بالدوام .. خاصة اذا كان عندي مناوبه ؟

جـ1/ فابيان بارتيز كان نقظة سوداء في حراسة المان يونايتد , روي كين وكان سبب خروجه ان السير سمع له تصريح يسب فيه اللاعبين وكأنه هو المسؤال الأول عنهم

جـ2/ طبعاً الشوتايم

الشوتايم عطت الدوري الأنجليزي حقه الكامل من برامج وصفاوة بالنقل و استديو تحليلي والبرامج

وتوريك اشياء ومعلومات بعض العشاق للبريميرليغ ماكانوا يعرفونها صح ان قيمة اشتراكها غاليه لكن بكل صراحه تستحق اكثر من القيمه المحطوطه الحين

يعيبها شي واحد وهي قلة المعلقين لكن بقدوم رؤوف خليف حالياً مع فهد العتيبي بيكون الدوري احلى

جـ3/ احس بشعور جميل جداً

لا بكل صراحه انا اسولف معاك عشان تحس انه فيه احد معاك بالرياض وبيوقف جمبك اذا بتحتاج شي

ــــــــــــــــــــــــــــــــــــــــــــــــــــ

الثالث : .MANUTD.

إقتباس


	1 .. هـل انت ممـن يخططـون للمـدى البعـيد .. و لا من اللي يـمشون على شعاار .. " \|\| عيش يومكـ \|\| " .. ؟ ! 2 .. مثـل او مقـولهـ مـأثورهـ تمـشي او تتبعـهـا دائمـا .. ؟ ! 3 .. فـريـقـكـ المفضـل في البلايستيشن + كيف مستواكـ + نتيجة اخر مباراهـ .. ؟ !

جـ1/والله مرات كذا ومرات كذا بس الي اكثرها عيش يومك

جـ2/ اذا لم تكن ذئباً اكلتك الذئاب

جـ3/ طبعاً ما اخذ الا المان , مستواي تقريباً جيد جداً , اخر مباراة انتهت بلنتيات وكنت العب ضد اثنين "لاعبين ضد لاعب

لكن انهزمت فيها بعد ماضيع فيرديناند البلنتي

ـــــــــــــــــــــــــــــــــــــــــــــــــــــــــــــــــــــ

الرابع : MjNoOoNeTaH

إقتباس


	1- ليش الـ (37) هذي اللي بيوزرك يعني وش تدل عليه ؟ 2- كم أعلى فاتوره وصلت لها بجوالك ؟ < أبي أغبى من ذا السؤال 3- كم أقل نسبه جبتها بالمدرسه ؟؟

جـ1/ هي سالفه بايخه اذا انتي تعرفين تكتبي بالكيبور عربي انجلش زي الي بكتبه الحين لك al7en ana atklm 3rbe wa english

طبعاً يرتبط الرقمين الـ3 بأسمي والـ7 بأسم الوالد

جـ2/ اعلى فاتوره 2000 ريال

بس ماكانت مكالمات بس كانت انترنت وكل شي

جـ3/ اقل نسبه جبتها في اولى ثانوي وكنت ماشي على نظام اول سنتين ازحف وبثالث ثانوي شد حيلك

كانت النسبه 69

ـــــــــــــــــــــــــــــــــــــــــــــــــــــــــــــــــــــ

الخامس : zammamwek

إقتباس


	1-وش طقوسك أثناء مباريات المان؟؟ 2-هل انت من النوع المتفائل مثلي ولا المتشائم مثل طلال؟؟ 3-أسوء مباراة شفته للمان وأقسى هزيمة؟؟ 4-هل تتعتقد بأن المان سيحطم رقم ليفربول بالدوري؟ 5-كم مرة جآك حرمان بالمواد؟وش سببه؟

مع انك تعديت اللمت المحطوط لك بس بجاوب

جـ1/ عاديه جداً لكن لازم 4 علب كولا اشربها في وقت المباراة

جـ2/ اكون متفائل جداً لكن ما ابين تفائلي للي حولي

جـ3/ كانت امام تشلسي في عام 2004 يوم هزمونا رايح جاي كانت بالنسبه لي اسوء + اقسى هزيمة نتلقاها

جـ4 / بكل تأكيد نستطيع ولا تنسى اننا على وشك احراز اول لقب كأس عالم [نسخته المحدثه "كأس الأنتركونتننتال" لنادي انجليزي وهذا الي بيخلينا نتفوق على ليفربول الي فشل في هذي المهم

جـ5/ للأمانه للحين ما اخذت بأي مادة حرمان الحمدلله

ــــــــــــــــــــــــــــــــــــــــــــــــــــــــــــــــــــــ

السادس : اليكس 11

إقتباس


	1 - وش أول هدف لمانشستر يونايتد في الدوري الموسم الماضي ..!؟ 2 - أبيك تكتب سطر أو سطرين عن براون ..؟ 3- كم مرة تسطرت بحياتك .. وليش ..!؟

جـ1/ اول هدف على ما اظن كان لروني

جـ2/ براون لاعب جيد انا تقريباً اشبهه بالمفرج عند الهلال لكن مع ذلك كلهم ادوارهم بطله بالملعب براون هالموسم اعتبر انه تفوق على نفسه بأحراز لقبين واللعب بمركزين

جـ3/ الحمدلله انا اسطر ما اتسطر

ـــــــــــــــــــــــــــــــــــــــــــــــــــــــــــــ

في انتظار اسئلة باقي الأعضاء وزي ماقلت لا يهمك اسئل ونحن نجيب