ابوناصر احد الكويسين اللي عندي في قائمة الكواسه .
منيب صاحي .

ابوالاعاصير التتتان اقول مابطلت تتن الي هالحين :p.

بس تراه مارجع السيكل لان كةكتيل مع كثر مطبات الرياض كسمر السيكل وسيارته ماتشوفه يسأل هالايام يبي يشتري سيارة جديده وخوفتي لايرجع للوكاله اللي شرى منها سيارته ويقول لهم لقيتها مكسوره بعد هالسنين .
امين الله لايحرمنا من كل غالي مثل كوكتيل .

الاخت الماسه الزرقاء /
احس انه اسم نوع لعدسات .

إقتباس - سلمان .. سبق وأن اتصلت أنت على برنامج قضية الإسبوع في LBC... ما هو شعورك وقتها وانت تتحدث بإسم شبكة الزعيم ؟ كنت مرتبك ولا لا ..

تدري وش مشكلة الاتصال على الفضائيات انك ماتدري من تحاكي من كثر التداخلات وانا كانت اول مره واخر مره اتصل ولابعد خذت خبره على مثل هالتداخلات ، اما الارتباك مااظن لان هذي شغلتي اسولف قدام عالم .

إقتباس 2- ماهي نصيحتك التي توجهها للمبتدئين في عالم الأنترنت ؟ ..

لاتضيع وقتك بماهو غير مفيد فقط هذه نصيحتي .

إقتباس 3- لماذا الغالبية العظمى من شرائح المجتمع لا تعرف في النت إلا الشات فقط ؟ ...

لاننا داجين وتصدق انا ماعمري دخلت التشات ولااعرف دروبه ولله الحمد والمنه حدنا ماسنجر ومع عواكيس واشكاله اما ناس مانعرفها وشهوله نسولف معها، في المنتديات ويكفى .

إقتباس 4- لو قدر لك رحلة إلى القمر ,, من تأخذ معك ؟..

ابوعابد طبعاً لاني احس فيه كميات كبيره من الاوكسجين ولو اضطريت واحتجت للاوكسجين اغتلته وحليت مشلكتي لكن لو اخذ واحد مثل الاعصار واحتجت للاوكسجين وش ابلقى عنده .

إقتباس - ألم يراودك الحنين إلى شبكة الزعيم خصوصا كما قرأت بأنك كنت تمضي فيها وقت كبير جدا ؟؟

انا بطبعي انسان ملول ومزاجي والان لايراودني الحنين ولاشي الا الفكه من النت وغثاه .

إقتباس 6- وهل بعدك الأن عن الشبكه بشرى لنا بأننا سنستطيع يوما ما بأن نبتعد عن الشبكه ؟؟

لوماجاء يوم وابتعدت بمزاجك بيجي يوم وتبتعد غصب عنك باشغال هالدنيا الله يكفينا شرها.

إقتباس 7- كيف استطعت أن تبتعد عن الشبكه ؟ هل كان بقرار منك ومفاجئ ؟ أم كان بشكل تدريجي نظرا لتشبعك منها ؟ ننتظر منك الخلطه فربما نحتاجها يوما ما ..

تقدر تقول تدريجي وتقريبا لي الان عامين منقطع عن النت ولكن اتواجد على فترات متقطعه جدا وفي المناسبات التي تستلزم الحضور اما خلافها فلا وبعون الله احاول الابتعاد نهائياً.

هلا بالاخ امبراطور الرومانسيه /

كلفت نفسك عناء هالمشوار وتاليتها اقتباس من مشاركه لعزوز ...

إقتباس بصفتك من المؤسسين يعني عاصرت الشبكه من ا الى الحين وش الفتره اللي كانت فيها الشبكه في اوج عطاءها؟؟

راجع صفحه تسعه السطر الرابع بتلقى الاجابه اعتقد انني اجبت سابقاً على هذا السؤال ...

وللجميع تحياتي