ياسرع ما تنسون
نسينا الاهلاويون وهم يشجعون النصر في نهائي جده والنتيجه 3-0 للهلال ومن ارجل المدافعين
يومها للذكري بس النعيمه اول ما تحدث قدم شكره لجمهور الاتحاد عارفين ليش!!
لان الجمهور الاتحادي شجع الهلال نكايه بالنصر اللي كان واطي مهابته حينها
وجمهور الاهلي كان مع شله ابو حنيك وطلعوا يتبكبكون كالعاده
الان الاهلي والنصر بينهم ثار بايت مثل ما يقولون
واحد يقول لا عب ممثل ويردون عليه ممثلكم الكبير ماجدونا وطيخ طاخ ولا تنسون ان النصراويون قالبينها طراره مع الاتحاديين ((دنيا دواره))
والاتحاديين من حينهم ما يطيقون ريحتكم
لذلك الاهلاويين يطرونكم تشجعونهم
الدعوي طراره بطراره


ورغم كذا الاهلي فريق ممتع الان بعد القادسيه هالسنه
وراح اتفرج عليه بس من البيت لان ببساطه
لا فريق ادغال افريقيا يسوى انه اشجعه ....الا ان لعب الحديثي لانه عنيزاوي*-* فراح اقول معاهم
ياكلك اكل الكليجا وكل انبراشه وانا منسدح بالملحق
ولا فريق جزر جنوب البحر الاحمر وما حولها يستاهل.... الا اننا نقول له لعبك حلو احقاقاً للحق بس المليح ما يكمل يا زيتون يا تمر هندي
يوه انا وش جالس اقول لا اصير مندس
اقول اللي يبي يروح يشجع الله لا يهينه يعلمني كم النتيجه علي الخاص اذا تكرم علي لاني بصراحه
بطمر اشتري مكيف صحراوي
مثل واحد صاحبنا الله يجزاه بالخير ما عمره طب الجزيره ابد ابد


-----
الزبده وش بيفيد الهلال !!
ان طسيتوا للملعب ببساطه بيزيد عدد الجمهور
وبالرياض
وذي فرصه للاخوان انهم يثبتون الل عمرهم ما قدروا يثبتونه
ان جمهورهم واجد وبالرياض بعد سواء اهلي ولا اتهاد
يعني الهلال ما راح يستفيد شي
لا تقولون نهائي دوري وبطوله الوطن
بقول قم بس قم
كم مباراة شفت هالسنه بالملعب اولاً
بعدين يلله لك الحمد علي بطوله واحد يقول مرتشي ورائش وسحر وشعوذه والخ
تحياتي وياليت تقضبون ارضكم اسنع لجيبوكم ولروسكم لا يجيكم قطعه ثيل من انبراشه ولا انسداحه تمثيليه