إلى الأخ العزيز ابو مشعل .. تحية طيبة لك و لكل فرساننا الكرام

اخي العزيز .. انا عندي عدة استفسارات ياليت الاقي عندك الجواب

أولا: الشريط المعتمد عندكم هو ويننج اليفن ولا PES 2008 ؟

ثانيا: هل تشكيل فريق (فرسان الرياض) و خوضه بطولة المملكة لهذا العام هو بديل عن إقامة البطولة لجميع أفراد و شباب مدينة الرياض و الراغبين

بالإشتراك و خوض التصفيات و اللي عن طريقها يتأهل فيها الأعضاء الفائزين لمسابقة كأس العالم الإلكترونية ؟ يعني اللي اقصده .. السنة الماضية

كانت في تصفيات على مستوى المملكة و اللي اذكره برعاية ميرندا .. و كانت تقام ببعض المقاهي مثل مقهى (ضد بعض) و انا اشتركت فيها و تأهلت

للتصفيات قبل النهائية لكن ما قدرت اكمل لظروف انتدابي خارج المملكة .. فهل تشكيل فريق الفرسان هو البديل عن هذه التصفيات ؟

ثالثا: انا ارغب باللعب ضدكم او ضد اي واحد فيكم .. لكن مشكلتي انه ماعندي فريق و حاولت اني اجمع فريق من اعضاء المنتدى

علشان خاطر العب معكم .. لكن للأسف هناك عدة اسباب ماتم فيها تشكيل الفريق .. بسبب صغر بعض اعمار الأعضاء او ظروف

بعضهم اللي تمنعهم من الإلتزام .. او سفر بعضهم و انت عارف انه موسم اجازة .. فما هي مشورتك لي حبيبي ابو مشعل ؟

على العموم انا اسف اذا كنت ثقلت عليك يابو مشعل و اعتبرني اخ من اخوانك لأني اتمنى لك دائم الخير و التوفيق لك و لباقي

فرساننا الكرام

و اسف مره ثانية على الإطالة