نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - ..][كرستيانو رونالدو][ = ][متابعه أول بأول][..

عاشق الزعيم. · #5 12/07/2008, 07:40 AM

هالموظوع فاقع مرارتي وجايبلي صداع نصفي كل يوم خبر جديد

كريس خلفهم وش دعوى نسينا اللي بيننا نسينا العيش والملح والعشره

ترا العشره ماتهون الا على عيال الحرام وانت من حموله طيبه

اركد ياقلبي واقضب ارضك

بالاظافه انك مع نادي هو الافضل بالعالم باعتبار الافضل اوربيا هو الافضل عالميا لأن الأنديه اللي برا اوربا ماحولك أحد

وبعد فلوس اكيد انك مليان فلوس انت ووجهك<<<<جدع الميانـه

وجماهيريه بناديك

ومعجبين و معجبااااات

يوه على الإنجليزيات وهـ بس

وبعدين انت ووجهك اجلس لو لعيون اللي كتبت لوحه بوحده من المبارايات كتبت فيها كريس تزوجني والا بنتحر وتمرمطت من قسم لقسم بسبب هالعباره الين كفلتها انا بشرطة البطحاء

بالاظافه الى هذا كله ناديك اللي طلعك ومدربك اللي ساهم برفع مستواك

والأهم انك اذا جلست فستصبح من العلامات الفارقه بتاريخ ناديك

والله من جد اذا حسبتوها بالعقل مافيه اي مبرر انه ينتقل الا شيء واحد واتوقع انه اذا انتقل فإنه بسبب هالشيء وهو انه يبي يصير أغلى لاعب بالعالم

والسبب هذا مايسوى غيرك يدور نادي مثل المان عموما اعيد وأكرر ياكريس اقضب ارضك

وشاكرلك يالغالي على الموظوع

لاتقولون هذا خبل يكلم كريس وهو مادرى عنه او يحسب كريس يقرأ ردهـ انتم وش دراكم هذا اسلوب جديد بالرد خلونا نطلع عن الجو المعتاد بردود المواظيع