هلا وغلا بكايدهم /

إقتباس وشي المباراة اللي صار فيها حالة اغمى يعني مباراة لاتـنسى للهــلال ؟

كثيرة المباريات بس على فكره منيب من قوم الاغماءات ولو ان هدف الجمعان الاول نهائي الدوري العام الماضي قربت لدرجه الاغماء بس الحمدلله ماوصلت لها تلاحقت عمري.

إقتباس هـدف لا ينسى ؟

سامي في الشباب طبعاً لايمكن ان انساه وابحاول اذا جاني عيال مااخليهم ينسون هالهدف ان شاء الله .

إقتباس برأيك .. هل فكر كـتـاب الانترنت .. يختلف مع من لا يدخل الانترنت ؟!

بالتاكيد انت ووجهك يختلف وكان السؤال جاي من واحد ماعمره اختلط مع عالم ماتدخل الانترنت.

إقتباس # مع الاحتراف او لا ؟

مؤيد وبشده .

إقتباس # مع اللاعب الاجنبي او لا ؟

مؤيد وبشدات .

إقتباس # مع سقف رواتب اللاعبين او لا ؟

لا طبعاً لان لاعب مثل سامي تخيل يستلم مثل مايستلم طيب الذكر محسن الحارثي او ابوحلوي او باقي الكديش :p.

إقتباس استمرار سامي خمس سنوات ؟

لا اربع ونص الدور الثاني من الموسم الخامس مايلعبه ..

إقتباس سلمان .. نعرف ان مصدر مـعلومات .. ونشاهدك دائما تشيد بسامي الجابر .. فهـل تذكر لنا بعض المواقف الحاسمه اللي قدمها سامي في مسيرته المميزه مع الزعـيم ؟

سامي اول ماالتحق بالهلال كان الهلال في المرتبه الثانيه في عدد البطولات بعد الاهلي وبعد بروز سامي وتالقه بالتحديد في بطولتي كاس الاتحاد1410هـ والدوري 1410هـ تفوق الهلال على الاهلي وانطلق للقب الزعامه مع العلم ان الاهلي قبل ذيك السنه قاعد ست سنوات ماحقق بطولة يعني لاااحد يستفهم ويقول لان الاهلي ماحقق بطولات في السنوات الاخيره تفوق عليه الهلال زين اتفقنا.

إقتباس دائما تردد كلـمتين .. بل اصبحت على كل لسان وهي .. (( اكوس واحد )) و (( يامال الكيماوي )) وش السر في ذلك ؟

لان فيه كثيرين كويسين في هالدنيا لكن اكوس من الكويس اعتقد قليلين ولذلك حبيت اميز الكويس عن اللي اكوس منه واخترت هالكلمه اما الكيماوي لان فيه كثير من الغثيثين مالهم حل الا الكيماوي وهو الحل اللي مايوذي ولاشي :p.

هلا وغلا بــnawwaf2200/

إقتباس ياسلمان وش الاخبار وشالعلوم ماهو الفرق بين عبدالله بن مساعد وعبدالرحمن بن سعود؟

الفرق في العقول هذا يشتغل وذا يصرح واعتقد ان كلاً راضي بحاله .

إقتباس س2 وماهو برايك اقوي دوري عربي الان ؟

المهم مهوب السعودي وبس ولانلعب على انفسنا ونقول اقوى دوري ترى هذي نصبه نصبناها وصدقناها .

إقتباس وش رايك في مستوى الغالي نواف التمياط في الفتره الحالية؟

كأنه ركبته .

إقتباس وش رايك في عبدالله الجمعان في اخر الدوري؟

ذكرني بمستواي في اولمبياد 67 لما كنت الاول على الدفعه في سباق الجري :p.

هلا باخوي الداوود /

إقتباس ما هو اطرف موقف صار لك في الشبكة وموقف آخر من خارج الشبكة

من داخل الشبكة يوم قابلت ابوعابد حسيت اني صغير مره وخاصه يوم عرفت تاريخ ميلاده .
ومن خارج الشبكة كثير بس اخرها قاعد ادور مفتاح سيارتي لان مفاتيح البيت مفصوله عن مفتاح السياره المهم لقيت مفاتيح البيت بس مفاتيح السياره مالقيتها تدري ليش لاني كنت امشي في الدائري وهي في السويش يعني السياره تشتغل اكيد وين بيكون المفتاح .

إقتباس بٍودي اعرف منذو متى بدأت تموؤخ للهلال ؟؟

منذ نعومه اظفاري ... وانا احب الهلال .

إقتباس الســـــــــــؤال الثاني : أين أنت الآن من الشبكة ( إتخاذ القرارات والمشاركة فيها )

مادلت الطريق وعجزت بالكروكي اللي عندي ادل مكان اتخاذ القرار عشان اشارك فيه

إقتباس الســـــــــــؤال الثالث : هل أنت راضي عن كل القرارات التى تصدرها الإدارة وهل هناك إجماع قبل إتخاذ القرار ؟

راضي تبي الصراحه والا بنت عمها الصراحه انت الاعرف بها واذا كنت تريد ان يشاهد الاجابه الجميع فابشر بها بعد ان اجد منك رد اخر اما الاجماع فانا لااشارك فكيف اعرف هل هي بالاجماع ام لا.

إقتباس الســـــــــــؤال الرابع : لديك موقف ما من احد الأعضاء في الشبكة هل تنفرد بإتخاذ القرار ام تتشاور مع الأعضاء الأخرين رغم إصرارك على ان يتخذ موقف ضد هذا العضو.؟

الاعضاء الاخرين يوم كنت اشارك في اتخاذ القرار ماكان فيه الا انا وهاني (الفاصل على طول) والاعصار يعني ماكنت اشاور الا الاعصار .

إقتباس الســـــــــــؤال الخامس : هل أنت متعصب لرأيك مهما خالفك الأخرون ؟

طبعاً لا ولو اني اظهر غير ذلك مع بعض الاوادم عمداً .

إقتباس الســـــــــــؤال الخامس : هل لديك خطط تطويريه تختص بالعلاقات العامة للشبكة في القريب العاجل ؟؟

لدي خطه لتطوير العلاقات العامه بس مهوب للشبكة وانما لي ولعلاقاتي الشخصيه اح على قولت الاعصار.

هلا باخوي assir/

إقتباس س/ ماهو الموهل الدارسي والعمل حاليا.

المؤهل بكالوريوس والعمل زميل للابلات بعد الدمج .

هلا بالاخ سديراوي /

م

إقتباس تى يجاوب الأستاذ سلمان 99999؟

الحين قاعد يجاوب .;);).

هلا بعاشق ابوبندر/

إقتباس هل طبيعة عملك تطلب منك الدخول الى الشبكة بشكل يومي ؟؟

سابقاً نعم اما الان انا لااعمل حتى تتطلب طبيعه عملي دخولي .

هلا وغلا باخوي MD2002/

إقتباس انت وعدتنا بانك ( تحط <---- حلوه تحط ) الجزء الثاني من البطولات المغتصبه من الهلال وما شفنا شئ عسى المانع خير

تصدق انا قاطعت الانترنت بشكل عام منذ مايقارب السنتين رغم بعض المتابعات المتقطعه وهذا سبب يمكن نسياني لكن بصراحه مااقدر اوعدك بشي لاني مااقدر الان التزم بالانترنت والمواصله معها مهما يكن ولولا الطلب الغالي ماصار هاللقاء حتى وارجو ان تقدر ظروفي ياغالي.

منادي يامنادي وين انت يامنادي عساك طيب يامنادي /

إقتباس السؤال الاول/ اسم سلمان تسعات اسم يحمل الكثير لدى رواد هذه الشبكة, السؤال هو ما سبب اختيارك هذا الاسم وما قصة التسعات اللي فيه؟

اخترته لان الخمسه رقم النعيمه والتسعه رقم سامي فهمت الان وكانت صعبه اختار تسع خمسات لذلك اخترت الاسهل خمس تسعات .

إقتباس السؤال الثاني/ اثناء تفكيريكم في انشاء شبكة هلالية او موقع هلالي على الانترنت ماهي الصعوبات التي كانت تواجهكم؟

عدم وجود مقر نجتمع فيه .

إقتباس السؤال الثالث/ خلال متابعتك لمسيرة النادي , هل تذكر بطولة خسرها الهلال وقد كان الاقرب الى تحقيقها؟ او بمعنى اخر بطولة خسرها الهلال ولازلت تتحسر على ضياعها.

كانك مدرس احسك قاعد تعد لهالاسئله اعداد وقاعد تذاكر ;);)... المهم اكثر بطولة مازلت اتذكرها طبعاً غير كاس السوبر الاخيره كاس الملك عام 1405هـ والتي خسرها الهلال بركلات الترجيح امام الاتفاق في الرياض واذكر انني بكيت بعد هزيمه الهلال في تلك المباراة .

هلا بالحاتمي بس ياليتك مامريت من هنا انت وسؤالك ذا اللي ماجابلي الشبهه لحالي وانما للموقع كله ...

إقتباس ويــــقـــــول : وش رايك بنظام الحكم؟!! ... وهل أنت متعاطف مع تنظيم القاعدة ؟!!

لا والف لا للتعاطف... واي تعاطف يابوعواطف ...

هلا وغلا باللي ريض في العالم /

إقتباس الغالي سلمان لو الهلال مهوب موجود وش بيكون وضعك ( تشجيعياً ) ؟! لا تقول بتـتجه للفروسيّة لأن هالإجابة مطموسة ..

لا كنت ابتجه لجمع الطوابع لاني احس اني ابلقى نفسي في هالهوايه .

هلا بالولد البار /

إقتباس لماذا لا يوجد شخص من ضمن الشبكه يوضح بما يكتب فى الصحف من خزعبلات وأفترا على فريق الهلال من بعض الصحفيين وبذات على لاعبين الهلال أتمنى يكون شخص له درايه ويكون هو المسؤل مثل الكاتب المعروف ( صالح السليمان )

لو بنقعد نعقب على من كذب على الهلال قعدنا كل الموسم ومعه الصيف للرد عليهم ولكن نحن نعمل لتحقيق البطولات وغيرنا يعمل لتعقب التصريحات والرد عليها .

ابن رشد ياابن رشد احس كانك قاعد اناظر كتاب وانا اكتب اسمك /

إقتباس كيف تنظر الى الشبكة ؟ وهل سنشاهد لك مشاركات قريبا ؟

انظر لها كانها ماضي تليد عشت معه ايام جميله انتهت ولله الحمد بكل خير وذكرى طيبه ، اما المشاركات فلا اعتقد لانني تركت النت بماحمل والجمل ترى ماتركته .

فتى المدينه راعي الصواريخ /
جاك قبل الاعصار وراك ماسئلته بمثل هالصواريخ ;).

إقتباس / لماذا حصل انقسام بين مسؤلي الشبكة الامر الذي ادى الى قيام موقعين بأسم النادي؟

لان هناك من اراد ذلك وهناك من دربي رأسه وهناك من قلبها علوم فناجيل والله مانشرب قهوتكم قبل ماتعطونا بنتكم وخذ وخل .

إقتباس / ماذا لو تم دمج شبكة الزعيم مع شبكة الهلال ؟وهل هناك نيه لعمل ذلك؟

مادام التنافس لصالح الهلال فهذا هو الصح واتمنى ان يخرج اكثر من موقع مادامت المواقع الهلاليه هي الرائده على مستوى المواقع الرياضيه ولك في لقاء الهلال والاتحاد اكبر مثال فموقع شبكة الزعيم قام بتوزيع الفين علم لجماهير الهلال وموقع شبكة الهلال قامت بتوزيع الف فانيله للجماهير والمستفيد هنا الهلال في تنافس الموقعين .

إقتباس / هل دخلت المجاملات والمحسوبيه يوما ما وخاصه في الفتره الاخيره على شبكة الزعيم؟

والله مااذكر ومؤخراً ماادري لاني منيب متواصل .

4

إقتباس /بما انك من المؤسسين للشبكة مالحل برأيك لمواجهة المشكله التي اصابت اعضاء شبكة الزعيم بالضغط والسكر والقولون (عافانا الله) اثناء المناسبات الحلوه للزعيم(وياكثرها) وهي صعوبة الوصول للشبكة ؟

الحل يجي سيرفر يحبه قلبك ياسع لكل اهل الرياض لو يدخولن الشبكة مهوب يضيق لو شرف ابوعابد وابولما بس.

إقتباس /لماذا انقطعت عن الشبكة؟ ولماذا رفضت الظهور في احدى المناسبات على الصفحات الرياضيه وهذا الكلام من الرياضيه مو من عندي ؟وهل للسمنه دور في ذلك؟

اشغال الله يكفيك شر هالدنيا ، اما رفضي فمليت من التررز وصرت في فتره من الفترات ولا الفريان في عز مستواه ، اما السمنه فياليت من فمك لباب السماء اسمن ولو شوي عشان اجاري هاللي في المنتدى ;);).

إقتباس 6/هل هناك زعيم في الوطن العربي غير الهلال؟

لكل مجال زعيم فمثلاً زعيم الثرثارين ابوخالد بدون منازع وعليك الحساب تقدر تختار في كل مجال زعيم .

إقتباس /اذا تبي اسئله ثانيه دق بيجر(واحد قديم كاشخ بالبيجر )وابشر بأسئله بطعم الصبره.

الله يسلمك ... اقلط ...

ابوسليمان وشلونك عساك طيب /

إقتباس 1- من هو كاتبك المفضل النتي ؟؟؟ وليه !!!

ابوهيا دون منازع واحب قفشات الغريب اللي تطلع معه كل شهرين مره .

إقتباس - ضع الأسماء القادمه بقوه في جمله وبكيفك مفيده ولا غيرها ياقاهرهم ياسامي الإعصار البارق هلال الجوف محترف توقعات ابومنار ابولما

ياقاهرهم ياسامي / بروستد بالمويه .
الاعصار/ انواع الرباشه .
البارق/ اخوه يدرس مع الغريب.
هلالي الجوف/ كويس ومعه لياقه بس يحتاج يأخذ لصنص حقوق ;).
محترف توقعات / ياليتني اعرف اكتب خواطر عشان اكتب فيه خاطره عشان يفهمني:p.
ابومنار/اقدم شي اعرفه ويذكرني بنسيان بس مهوب السياره وانما الفريق ولاهوب الياباني وانما السعودي;););).
ابولما / الالوان .

إقتباس هل بأستطاعتك ان ترسم صوره لأفغاني يمشي عند لفه واللفه في دحديره

من قريت سؤالك وانا رايح ارسم اللوحه بس يوم وصلت اللفه انكبت الالوان وماع الافغاني فيها .

هلا بهلالي فخور وشلونك عساك طيب /

إقتباس سؤال ماذا تعني لك هذه الاسماء ؟ ياقاهرهم ياسامي محمد ابولما ابوعابد ابو محمد الهلالي الاعصار داحمتوتا هلالي فخور افتخر اني هلالي

ياقاهرهم ياسامي وابولما والاعصار جاوبت عنهم قبل.
ابوعابد وابومحمد الهلالي / ليش كاتبهم مع بعض في سطر عسى ابومحمد مهوب جاي معه ميداليه.
داحمتوتا/ كويس بس يبيله وقت الين يتأقلم مع الفريق ويظهر مستواه .
هلالي فخور/ احد اعضاء القاعده المنظيم لاحقاً ((ترى مهيب قاعده ابن لادن وانما قعدتنا يعني جلستنا اللي في الاستراحه)) ;).
افتخر اني هلالي/ عضو كويس يدفع القطه اول بأول وهذا الاهم في الاستثمار.

ابوالعواكيس حبيب البي وصديقي اللي يحبني واحبه اكثر من علي بشوي /

إقتباس بها الأجدر هو ومن نظرك وجهة من الكواسه تعريف وش

هي الجواده والقرامه والاجدر بها امثالك يالقرم . النظاره لاني اكتب الرد في الليل واحس ان عندكم شمس وانت تقرأ الرد.

إقتباس ؟؟؟؟ بالكوريين رأيك وش

عليهم طبخ كلابه يحبه قلبك يطلع الكلب كأنه لحم قطو من طعمه .

إقتباس ؟؟؟؟؟ تحبني ليش

لانك وصلت لمرحله من الكواسه قدرت اطلق عليك بعدها اكوس شي .

إقتباس ؟؟؟؟؟؟؟؟؟؟ الفيسولوجية الناحية من النظرية بهذه أعتقادك ماهو و "ماهوبفوه" قصة تعرف

نظريه ميه بالميه ولو ان في الاونه الاخيره" تعبت في الرد الاونه اجل" ظهرت بعض النظريات التي تحاول نفيها ولكن هيهأت هيهأت عليهم هؤلاء العلوج.

إقتباس ؟؟؟؟؟؟؟ والرسام البلك بين العلاقة ماهي

كلهم يؤدن الي نفس المصير وهو الموت اذا طاحوا على رأسك ولكن الرسم يموتك من الفقر في ديارنا يالعرب والبلك يموتك مفقوع رأسك من هول سقوطه .

ابومنار منيب راد.

هلا وغلا بابوعبدالله /

إقتباس 1- موقف لا تنساه .........

الذهبي اللي سجله الجمعان في النصر وهدف سامي في الشباب في نهائي الدوري 1418هـ

إقتباس 2- شعورك يوم مباراة الهلال والشباب يوم يسجل سامي هدفه الثاني؟

شعوري مثلك شعورك بس لازم تعرف اني فرحت بالهدف الين دخت من المطامر وانا ماادري ان سامي هو اللي مسجل هالهدف وعقب ماقريت اسمه في اللوحه طامرت مره ثانيه فرحه بان سامي اللي مسجل الهدف يعني فرحة فرحتين .

إقتباس 3- اسم يخطر ببالك اول مايجي طاري شبكة الزعيم؟

الاعصار وكوكتيل وابوناصر... واسماء ثانيه خليها بيني وبينك ماتقولش لحد ;).

إقتباس 4-رأيك الصريح بالمنتخب الاول لكرة القدم وطريقة التخطيط له؟

متى خططنا صح قبل حتى نخطط صح الحين يعني حبكت على هالمنتخب يصير تخطيطه صح مااظن منتخب يضم الحلوي يصير تخطيطه صح .

هلا بجريح الشمال (انواع الرومانسيه في اليوزرنيم) /

إقتباس 1/ ماذا يعني لك منتدى الززززززززعيم؟؟؟؟؟؟؟؟

اجابه سابقه ماضي جميل وذكريات حلوه .

إقتباس 2/ ما مكانة أعضاء المنتدى الى قلبك؟؟؟؟؟؟؟؟؟

كلاً له مقداره ومكانه ولكنها بكل صراحه تتفاوت من شخص لاخر.

إقتباس 3/ كيف يكون ووقتك الذي تقضيه في هذا المنتدى ؟؟؟؟؟؟؟؟؟؟؟

اول متابعه المنتدى اما الان مافيه وقت اقضيه في المنتدى حتى اقولك كيف اقضيه .

إقتباس 4/ مادور المنتدى في حياتك اليوووميه ؟؟؟؟؟؟؟؟؟

اول كان كأنه دوام اما الان اذا ذكر عندي المنتدى اقعد اتذكر شوي اقول هالاسم كأنه قد مر علي بس وين .

إقتباس 5/ ما الفائدة التى اكتسابتها من هذا المنتدى ؟؟؟؟؟؟؟؟؟؟؟

معرفة رجاجيل شرواك يابعدي .

إقتباس 6/ مامدى تقبلك لبعض الاسئلة المحررررجه ان وجدت ؟؟؟؟؟؟؟؟؟؟؟؟؟؟

ولاشي اجاوب ولا عندي شي اخفيه اصلاً يعني انواع الاحراج معدومه ولو كنت اخاف من الاحراج مثل ماقلت ماوافقت على اللقاء اساساً.

الاستاذ الرائع صالح الورثان /
الغالي جداً ابوعبدالرحمن حقيقه لقد شرفتني بكلماتك التي اضعها وسام على صدر، اعتز حقيقه بانك معلمي الذي تعلمت منه الكثير في خطواتي الاولى .

وعلي الله ماتجي زياده اسئله يابوسلمان ومن وعد بالعوده معه من الشباب