مرحبا ترحيبة مثل عدد قطرات السيل بالموضوع وبراعيه << لاعمرك ترحب

انا ابقولكم موقف صار معي

هذا الله يسلمكم واحد من الجماعة

واحد من نفس العائلة لكنه بعيد يعني و بكل صراحة نلتقي في جدنا السادس او السابع
والرجال برضه يقرب لي من خط ثاني
جدته [ ام ابوه] تصير عمة أمي

ولنرمز للرجل بـ[س]

بين قوسين نقرب لبعض على شارعين
ويقرب من جهة جدته أكثر من قرابة اسم العائلة

بس الناس يظنون ان قرابة اسم العائلة اكثر من قرابة جدته

المهم

الرجال كنت انا وياه مانكلم بعض
واذا شفنا بعض كل واحد يصد عن الثاني << من رداكم
و على هالحال من يوم حنا صغار

ليش كذا وضعنا ؟؟ ماادري

وجت الاقدار و صرنا بجامعة وحدة و مبنى واحد

وامر من عند ربعي يوم من الايام ووقفت اسلم عليهم واذا بي اشاهد هذا المدعو [س]

طبعاً ولأول مرة بالتاريخ الاسلامي والعربي اسلم عليه و نتصافح يداً بيد
واليكم الحوار



أنا : بالخير

[س]: هلا حياك

أنا: كيف الحال؟؟

[س]: الحمدلله بخير... انت وش اخبارك ؟؟

انا لاحظت ان الحوار طول واخذ وقت
قلت يارجال كمل وشف نهاية الموضوع

أنا: الحمدلله... أمور المعدل ؟

[س]: الله يستر من المعدل... وانت بشر عن معدلك ؟؟

ودار حديث طويل و بعد نص ساعة رحنا افطرنا انا وياه الحالنا
وصرنا صديقين و صار من أقرب الناس لي كـ علاقة

والحمدلله على كل حال

حتى كل يوم انا وياه لازم نكرر هالدباجة :

تذكر يوم كنا ما نسلم على بعض
ايه اذكر
والله ياحنا دبش
لو سمحت انت الدبشة... انا الحمدلله مضبوط
عموماً كلنا دبش... بس انت ادبش
اقول امش قدامي ولايكثر قرقك