صمت العيون والله اني فيني رباشة الاعصار اليوم كل شوي راجع احرر الرد طفران اول مره يصير معي لقاء والمعذره ماشفت ردك والله ..

تعني لي شبكة الزعيم حقيقه ماضي وتجربه انتهت بحلوها ومرها .

هلا وغلا بابوعبدالرحمن شرفتنا ومن كثر الاسئله ماعرفت اجاوب وطمرت اسئلة الين دخت وعودت اسوي تحرير للاجوبه /
عمري 29 او ثلاثين على حد علمي نقلاً عن امي الحنون.
وظيفتي ؟ لو قلتلك عاطل تبي توظفني كفو يابوعبدالرحمن بكره الملف العلاقي الاخضر عندك.
المشروب المفضل ؟ بطلت يابوعبدالرحمن ولاعاد اماشي احد يشرب لاني هلالي والهلال يحقق بطولات ولانحتاج كيسان
الاكله المفضله؟ يامصل هالاسئله بس انت تعرف اني سعودي والسعوديين يحبون الرز الا اذا كان عندك شك او "تطريز" اني منيب سعودي ولهالسبب سئلت هالسؤال.

السياره المفضله؟
سيارتي طبعأ لاني دائما اررد القناعه كنز لايفني واتمنى احصل الكنز واخذه في اي يوم واخلي القناعه لي يبيها .
اللون المفضل؟
البني والزهري والبنفجسي والبني المخضر (( حشى هذا مهوب سلمان ابولما على غفله ))
اللي مشغلني عن الشبكة اعمالي ومستقبلي وحبي للهلال كذلك جعلني ابتعد عن الشبكة حتى لا انحرم من متعه الاستمتاع بالهلال بالانشغال عنه.

لااعتقد انه بالامكان رؤيتي مجدداً الا بعرض يفوق عرضي السابق وبالامكان اجدد لكم ماعندي مشكله ولااقدر اخلي الهلاليين ينحرمون مره وحده مني انا والنزهان سوى.

صديقي المفضل في الشبكة ؟
ابوناصر اولاً ومن بعده يأتي الجميع في درجه واحده ولو اني هويني والاعصار الاقرب نظراً لما حصل بيننا من ارتباط بسبب العمل في الشبكة.

اشجع الزعيم منذ ان كنت طفلاً " وياليت تحاسيني بالعاميه يكون احسن .

مالذي يزعجني في شبكة الزعيم ؟
سؤال جدنات حساس بس راح اجاوب عليه وساتكلم بشكل عام عن الانترنت والزعيم بشكل خاص:
الانترنت للاسف لاتستطيع من خلاله التفريق بين الغث والسمين الا بعد ان يسقط في يدك الغث وبالتالى تحاول ابعاده عنك ولكن تكون قد اقتربت منه ولو للحظات وهذا احد اهم الاسباب التي جعلتني اترك النت لاهله الذين يستطيعون تحمل مافيه من سلبيات ، والزعيم بشكل خاص مر بفتره كان الكثيرين ومنهم من يهاجمون الزعيم الان وبكل قوه ممن يتلزقون في الزعيم ويبحثون عن موقع اشرافي او اداري فيه وبعد ان تاكد لهم عدم جدوى "مطامرهم واتصالاتهم" رحلوا لمواقع اخرى يهاجمون فيها الزعيم والقائمين عليه بسبب ودون سبب.واكثر ما يزعجني في الزعيم ايضاً بشكل خاص هو الاليه التي يدار بها العمل فالقليل من التنظيم ستخلق شبكة لاتظاهي وستزيد النجاح نجاحاً ولكن هكذا نحن العرب لانريد النظام ولانستطيع تحمله .

الذي يفرحني واعتز به ؟ هو معرفتي بامثالك من الرجال التي ربطتني بهم علاقات عن طريق هذا الموقع.

اعتمد في ارشفتي على التوثيق التكنولوجي وقريباً سترى نتاج عمل سنوات من التوثيق ان شاء الله .

الاخت المملكه /
اقصد بالتسعات طبعاً سامي واختياري لخمس تسعات بالتحديد جمعاً بين النعيمه وسامي ولو حطيت تسع خمسات بتكون طويله شوي يالله خمس تسعات ويلخبطون فيها.

مااظن تصبح متحدث رسمي من وجهة نظري على الاقل في الوقت الراهن.

هلا اخوي عارف وحياك الله /
اول يوزر سجل في الزعيم ؟
لامااتذكر بس اعتقد انه كوكتيل حبيب البي.

إقتباس هل تلبس الساعه في اليمين او اليسار ؟

في اليسرى ولانيب احب اللي يلبسونها في اليمين.

إقتباس / مجال ابـــدع فيه سلمان 999999 واخر يتمنى ان يبدع فيه ...؟؟؟

الاحصاء والرصد هو اللي احس اني لقيت نفسي فيه اما اللي بودي ابدع فيه كثيره المجالات اللي اتمناها بس وين اهل العقول.

إقتباس / ما رايك في اصحاب الاقلام الموجده هنا في منتديات الشبكه سوى كانوا رياضيين وغيرهم ...؟؟؟

الاقلام كثيره والمبدعين كثر والله يوفقهم الي مايحبه ويرضاه.


رأيي في البارق وابوسليمان وحبي تيماوي/
مثل ماقلت داجين واحس بالدجه وماحولها من مناطق;);) لاينحذف بس الموضوع عقب هالاجابه.

اقرب الناس الي طبعاً المدام الله لايخليني منها قل امين.


تتوقع وش قاعد افكر فيه وانا اجاوب عليك مااعتقد توقعت صح ....
1
1
1
1
1
في شكلك وهل انت دب او غير دب لاني تعقدت من الدببه وكثرتهم في منتديات الانترنت.

إقتباس كم امشي وانا رايح للدوام؟

مافيه امل اسرع لاني مايهمني تأخرت او لا بصريح العباره لاني مظبط الوضع مع المدير.

إقتباس اذكر لنا رابع كلمات من اربع حروف تتعلق بمعنى الصداقه ...؟؟؟ سؤال اجباري ...

الحروف جمع (ص / د / ي / ق ). تطلع اللي ننادي به دايماً الاجانب وبالذات الباكستانيين.

هلا باخوي الجنرال ...

التشابه بيني وبينك اعتقد في الهزه اللي تحت الهاء اللي في بدايه الالف اذا مانيب واهم .

إقتباس س 2/ماهي السلبيات التى تراها في منتديات شبكه الزعيم بصفة عامة وماهي طرق معالجتها من وجهة نظرك ؟

كثرة الاقلام والمشاركين وبالتالى يصعب التمييز بين الغث والسمين .
المجلس ولما اننا في المجلس العام للاسف تكثر فيه الحركات الخنفشاريه (( وهذي ترجمتها صعبه جداً ولاتسألني عنها).

هلا ياختي كويتيه /
-

إقتباس انت قدساوي ولاعرباوي؟

احب السالميه لان منها بشار وجسومي الله يحفظه الهويدي اقصد طبعاً اما نادي الرافضه العربي منيب احبه ابد .

إقتباس 2- هل زرت الكويت؟؟

ودي بس كل مانويت حبسني حابس تهقين وش السر .

إقتباس 3-رايك في الشبكة بالوقت الحالي

ماشيه بس بخطوات متثاقله وفي بعض الاحيان تتوقف من غير حراك .

هلا يعزوز يذكرني اسمك بكل الاشياء القديمه ولك انن تتخيل اي قديم وتربطه باسمك وتعرف وش الاشياء اللي اتذكرها :p:p.

إقتباس وش الفتره اللي كانت فيها الشبكه في اوج عطاءها؟؟

مااعرف لاني من مايقارب العامين وانا شبه منقطع عن الشبكه والانترنت بشكل عام بس يقولون من فتره انها في اوج ازدهارها ونقلاً عنهم نقول مثلهم وندربي رؤسنا وراهم .

هلا بالاخت شهد الدلوعه /

إقتباس 1 / اذا ذكر امامك اســم الــزعــيم بماذا تشعــر..؟!

اشعر بقشعريره تهتز لها اركاني .

إقتباس 2 / من هو شاعرك المفضل ..؟!

منيب احب الشعر بس استطيع قرضه ... الا على طاري القرض متى تتوقعين تطلع اسامي اللي مقدمين على القرض العقاري هالسنه ؟؟؟؟:p.

إقتباس 3 / ماهي حكمتك بالحياة ..؟!

اذا لم تكن ذئباً اكلت الذئاب ولاهوب اعجاب في المثل بقدر ماهو عشان لقب لسامي جاي فيه بس .

ابومنار المفاوض الاول والموهق الاول /

إقتباس السؤال ... كيف اكتسبت هالشي وهل كانت هواية منذو نعومة اظفارك

الا قبل واتذكر نقلاً عن امي اني انولدت وانا اقول كم الدقيقه عشان اوثق ميلادي وعلى طاري التوثيق ابوي متوقع لي شأن من انولدت ولذلك وثق تاريخي بالدقيقه والساعه واليوم ولانيب من قوم 1/7 ...

إقتباس سين : بماذا خرجت من تجربتك الأنترنتية حتى الآن ( تقييم سلبياتها وإيجابياتها ) ؟

بمعرفه رجال ياحبي لهم وبكثير من السلبيات لعل ابرزها انك تلقى ناس واجد يدربون رؤسهم ورى عالم تكذب وتكذب حتى تصدق كذبها وهذي هي المشكله بكل صراحه .

إقتباس سين : من تعتقد من كتّاب الشبكة ( وهم كُثر والحمدلله ) لديهم مَلَكة الكتابة النقدية وقادرين على شق الطريق نحو الكتابة الإحترافية ؟

ولد الغريب والدب ابوهيا بس بسخريه واوقات كثيره النقد يحتاج لاسلوب ساخر والدب اكثر من يجيده.

إقتباس سين : من هو اللي تعرّفت عليه في الشبكة وصار بينك وبينه تواصل ( نتّي ) فقط وقابلته وتفاجأت فيه واذكر نوع المفاجأة

الدببه هو اللي يسببون لي صدمات وانفجع من اشكالهم وابوعابد اقصد مجموعه ابوعابد هو اكثر واحد انصدمت بشكله وطبعاً ابوناصر اقصد الجد ابوناصر ماهقيت شكله وعمره كذا على اسمه.

إقتباس سين : أذكر أي معلومات تحسّ أن اغلب الجماهير الهلالية ما تدري عنها

الهلال اكوس نادي .

إقتباس سين : فيه دائماً بطولة كسبها الهلال تعلق بذهن المشجع .. وش البطولة اللي ماراح تنساها وتنسى اجوائها وما هي ذكرياتك الطريفة معها ؟

ياربيه وش اخلى ووش اقول بس نهائي المؤسس والعربيه الحاديه عشر ابطال الكؤوس اللي فزنا فيها بالذهبي من قدام المحرومين احس انها الابرز ولاننسى شوتة سامي اللي انطلقت من الملز واتسجلت في الاستاذ من بعد الباب بس بلنتي الجمعان ضد النصر من كثر ماانظغطت من ذاك النهائي لو اشوف البلنتي في الفيديو اخاف انه يضيع اقصر الصوت واطلع من الغرفه وارجع اشوف الهلال فاز او لا وبعدين امر اخر كنت متفائل بذاك الباب وهذا سر خوفي لاني قلت ان خلص الشوط الاول الاضافي الله يستر لان هذا باب الاهداف الذهبيه ولازم نجيب فيه قول قبل لايخلص الشوط الاول .

إقتباس سين : يقولون انك ( مقرش ) .... كم رصيدك في البنك ؟ قل الرصيد الأهم هو حب الناس وفك عمرك

تبيع المكتبه والانر او القرض بس تبي الجد حب الناس هو الرصيد بس تهقى اني كويس واستاهل انحب ;).

إقتباس سين : من تحس انك تفتقده في اللحظة اللي تقرا فيها هالسؤال ؟

فلسفة عبدالرحمن عبدالله وزلقات كيمو واخلاص ابوسيف .

الاخ مخاوي الشوق /
احس اسمك رومانسي وانت شكلك دب منسم تحب النوم توقع عساه مايصير خطأ ابي لو مره تجي معي توقع شكل اللي يكلمني .

إقتباس ماذا قدمت لك شبكة الزعيم؟ وماذا قدمت لها!؟

حب الناس وش رأيك في الجواب الدبلوماسي بس تبي الجد معرفه هالاوادم الحلوين امثال ابولما وولد الغريب وهلم جره .. (( قلتها وعساها صح في المكان المناسب)) :p
اما قدمت لها فاقول الله يخلف على ذيك الايام والوقت اللي ضاع ولو انه جاب نتيجه لكن مهوب بالشكل اللي كان منتظر .

QUOTE]لو عرض عليك الاشراف في احد المنتديات الاخرى
مثل منتدى الحالمي؟[/QUOTE]
قمة الفله واوفق وثلاثه ارباع وافصل من شغلي عشانهم لان الواحد وش يبي من هالدنيا غير رضى الله ثم الراحه وقمة الراحه في التعامل مع ذولا لان كلهم ماحولك احد من راسهم الي اصغرهم .

اخوي ابونايف عاشق الزعيم /

إقتباس سؤالي /بعد ماقريت الاسئله ماتحس انك تحسفت انك تسوي هالمقااااااابله؟؟؟؟؟؟؟؟؟؟؟؟؟

لا لاني تشرفت بالحديث معك وامثالك يابعدي ;).

اقول ياظل خل عنك الخفافه واركد وصر صدقي مهوب ظل تدربي رأسك ورى راعيه /

إقتباس على حد علمي أنك في ريعان شبابك <<< وش رايك بكلمة ريعان عاد على حد علمي أنك في ريعان شبابك ومع ذلك ماشالله عليك تملك الكثير من التاريخ الرياضي وخاصة عن الهلال.. وعندما أتكلم عن الكثير فأنا اتكلم حتى عن الأشياء القديمة جدا <<< يعني يوم معي سيكل

تحسسني كلمة ريعان اني طالع للبر، خلصت ولالقيت سؤال شكلي ابرجع لردك ادور السؤال .

إقتباس هل لك تخبرنا عن سبب توهجك في تاريخ الهلال حتى أنني أصبحت أؤومن بتاريخك أكثر من بعض الكتاب الهلاليين الكبار في السن

لاني منيب احب الهلال واكرهه ولانيب احب طاريه ولهالسبب تلقاني حافظ تاريخه اعتقد سبب منطقي ولاعليه غبار كانه بلنتي النصر ضد القادسيه .

إقتباس ماهو المجال الآخر الذي يجذبك بعد الرياضة؟؟ وهل حقيقة أن من أحد هواياتك الرسم <<<راح فيها الرجال

تصدق دخلت قسم الرسم وطحت فيه ولاحسيت انه زين الي هالحين بس اشوف الناس تكتب هوايات ركوب الخيل وجمع الطوابع قلت ابغير عنهم ولقيت الرسم شكله رومنسي ومقبول خاصة عند اللي هم انت عرفت ايش اقصد اللي هم .

إقتباس أكثر بطولة هلالية فرحت بها؟؟!! ((لاتجاوب بدبلوماسية وتقول لي كل البطولات))

المؤسس ولاشي غيرها لانها بعد مائة سنه موعدنا مع الانديه على فكره انا ماادري عندي احساس اني ابحضر نهائي المؤسس الثاني بعد 95 سنه .

إقتباس حدد لي شخصين تقراء لهم رياضيا وفي غير مجال الرياضة وتتأثر بهم؟

مااحد اتاثر فيه لاني احس اني اكوس شي على حد قول ابولما ;).

إقتباس معك سلف ميتين لين أخر الشهر<<<< ياخف دمك بس

انت قطيت والا توك مع من تخلف من الركب ;).

هلا بابوالذهب احس انك بطولة او منصه من اسمك بس اقول وشلون المنصه تتكلم ....

إقتباس سؤالى الاول: سؤال يدور فى مخيخى ليش ولماذا وهل كيف حاط كل هالتسعات هل كنت مسجون ومتعقد من السجن ولا كنت موظف فى 905 مدرى وش دخلها

عشان النزهان رقمه تسعه ولانه ساهم في اغلب بطولات الزعيم وقلت مافيه ابدى احد من ابونزهان ونحط رقمه تقديراً له ... منيب ارتدى الاماكن المشبوهه ولانيب احب الهاتف .

إقتباس يقال بان وحده من رجولك اقصر من الثانيه ماادرى هل لمزعه الجماعان دخل فى ذالك

شكلها اثرت فيك اكثر مني والدليل انك ماعرفت تكتب اسمه زين اجل " الجماعان" بس اعادة اعمار شريفي احلى ماقيل في تمزيع الجمعان ذكرني بالحرب والعراق اجل اعادة اعمار ياظلمه .

إقتباس سؤالى الثالث : مره وانت تدوج فى التحليه صدمت فى رصيف يوم سئلك المرور قلت ياخى رصيفهم كبير السؤال علل لماذا كفخت فى الرصيف

اهقى انك ومن عقب التمزيع وانت مش ولابد ولاعاد تفرق معك وش الواحد يتوطىء ووش يخلي للناس يتوطونه.

إقتباس سؤال ماله داعى : انت اسمك سليمان العنقرى وش يقرب لك البارق

واضح ان التمزيع اثر فيك صدق وقلت يمكن غلطه في اسم الجمعان من الكي بورد الله يسامحه لكن ماتعرف اسمي والبارق ماقصر مفضح فيني فهذي عاد قويه شوى ولااقدر امشيها ;);)... البارق يقرب لي صديقي .

إقتباس فى يوم من الايام سويت دعايه لشامبو ليش ماحلفت لهم ان شعرك طلع ناعم وفكيت عمرك لكن مهوب هذا سؤالى سؤالى يوم سويت هالدعايه طالت رموشك ولا عاد تمشى الا وانت حاط بكلات مدرى شكلك تبى تقهرنا يوم صرت اطخم

تصدق بديت احس ان عندك خبر وانك شايفني صدق والدليل انك تقول اطخم معناها شايفني صدق:p.

إقتباس عرف عن سليمان حبه للمرقوق ومن كثر حبك للمرقوق ماتمشى الا ومخباتك مليانه من بسكوت ابو ميزان هل انت متزوج ولا عزوبى واذا كنت عزوبى ليش الى الحين مافكرت تكمل دراستك وهل النظريه اللى تقول ان الجزر يقوى النظر صحيحه ولا لا واذا كانت صحيحه ليش ماتسافر وتفتك من هالحر اللى يفخ الراس

شكلك ماعمرك مر عليك الا اسم سليمان يا" ولد علي" ولكن نظرأ لانخفاض الاداء والتدرج في في الطلب والعرض رأينا انه من الضروري التحقيق مع الحلوي لاضاعته ضربة الجزاء او اقصد ضربة الاهداء.

الاخ العزيز السلطاني/

إقتباس ليش ما تجتمع انت وصالح الهويريني وصالح الورثان عند الشيخ بن سعيد وتكتيون تاريخ الهلال من جديد وتصدرونه في كتاب

فكره زينه بس تهقى مااحد فكر فيها قبل كذا .

إقتباس وطلب ثاني اجتمع انت والاشخاص المذكورين سابقا واكتبوا الظلم التحكيمي الذي تعرض له الفريق ضد الفرق الاخرى كل فريق على حده ويصير لنا رد شافي وكافي على من يتهم بالتحيز للهلال وياليت يكون مدعوم بالصوت والصورة ( فيديو) علشان نخرس كل من يتطاول على الهلال

كتبت موضوع جمعت فيه الاخطاء التحكيميه ضد الهلال في لقاءات خروج المغلوب وتجده في منتدى المواضيع المتميزه
<- - - - واسطه موديه للمتميزه عشاني في الادارة .
ولكن كان موضوع قديم بعض الشي وتقريبا كتب عام 1421هـ في بداية العام وبالتحديد بعد حصول الهلال على كاس الصداقه الرابعه .

إقتباس سؤال شخصي ليش القصيمي إذا أعرس يختفي عن الأنظار؟

لاني منيب قصيمي مااقدر اجاوب وابحاول اتصل بصديق قصيمي وارد على سؤالك.

ولباقي الاسئله عودة بأذن الله قريباً ....