نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - |||... الالـــعـــاب الـــشـــعـــبـــيـــه ...||| ... من الذاكره .. موضوع مشترك ...|||

متآبعه بصمت · #40 06/07/2008, 08:20 PM

إقتباس

الرسالة الأصلية كتبت بواسطة القاضي


	أنا الآن في ورطة ، و لأني أحظى بنصيب الأسد في قلوب الأعضاء فأعتقد و الله أعلم أن الناس يطقطقون أصابعهم و رقابهم للدفاع عني.

ماعاش من يتكلم على حبيب الكل الطيب الغالي عزيز وشوفته حلوه

إليزابيث ترى يبيلك تكفيخ أنتي ومواصل إعقلوا لا بارك الله فـ العدويين

مواصل يقالك ألحين طالع منها

عسى ماتقول إن الإكس بوكس: هي من تبنًاك

أصحابي الأعزاء

أنتم لا تدققون في الألعاب اللي أذكرها لكم وتقولون هذي غلط وهذي صح

ترى اللعبه تختلف من مكان لمكان

يعني إذا كان فيك خير حط اللعبه اللي تعرفها ولااااااااا يكثر

بسم الله نبدأ

لعبه شبيهه لواحد طش:

عمي يابو كرش

عد لمً إحدعش

واحد ثنين > وهكذا دواليك

لعبةياعمال العماليه:

تتكون اللعبه من صفٍين

صف بنات

وصف أولاد

يكونون متقابلين مثل اللي في عرضة الكويت اللي فيها ذاك المزيون

المهم العيال يغنون ويقولون: ~~~

ياعمال العماليه عطونا بنتكم

والبنات يردون عليهم بس وربي ناسيه اللعبه
لكنها كانت جدا مسليه وتقوي الروابط الأخويه< ضفي

في نهايتها كأن الولد يتزوج البنت اللي يبيها وتصير في صفهم بالغصب
كيف عاد لا تسألوني

لعبة سَكَتَ الجَمِيِعُ ونَطَقَ الحِمَارُ قَائِلاً:

طبعا واحد يقول هالجمله^
وبعدها اللي يتكلم أو يطلع تمتمة يقول الرئيس عنه> حمار

لين يتبقى واحد ويكون هو المودمي الوحيد

والباقي الله يعفى عنهم ولا يبلانا

لعبة سبت وأحد:

تجلس الشلة على الأرض ويكوّنون دائرة

بعدين كل واحد يحط يده على يد الثاني يعني يدي اليمين على يد أختي اليسار ويدي اليسار تحت يد بنت أخوي اليمين

ويالله > أقول سبت وأضرب بيدي اليمين على يد بنت أخوي اللي حاطتها على يدي اليسار وهي تقول أحد وتضرب اللي جنبها على يدها
إليا وصلنا ليوم الجمعه هنا التحدي والإثارة من جد فللللللللللللللله

أكون أبي أضربها على يدها وهي توخرها

كل ما قدني بضربها خلااااص

تبعد يدها بسرعه

إليا ضربت يدها تطلع من اللعبه

أما إذا ضربت يدي بيدي > قامت يدي تصفق يدي

الفراعنه

فأنا هنا أطلع من اللعبه وكلي مأساة وبعدين بأعلى صوتهم يقولون للي خسر
بـــرا على بــــرا

بـــرا على بــــرا

> ومع تعالي في الأصوات والإزعاج لين نكرٍه الواحد في نفسه

لعبة سندريلا :

اللعبه

هي باليدين يعني نصفق يدينا في بعض

ودي أسويلها تصوير كامل

لأنها من أغلى الألعاب عندي

وإليا بكره وأنا ألعبها

أزعجوني البزارين عندها

المهم أغنيتها تقول:~~~
سندريلا

بندريلا

إفتحي لي الباب

أنا أخوكِ

إبن أبوكِ

صيّاد الغزلان

علي بابا

في العصابا

علاء الدين

في البساتين

وأمُه تضرب بالسكين

وبسرررررعه أعطي اللي ألعب معه بوقس على بطنه

وتنتهي اللعبه

ومن رداة حظهم يعيدون اللعبه معي مية مره

إلى هنا وأعتقد إنكم أكتفيتم بالألعاب

ولي عودة بإذن الله مع ألعاب أحلى