نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - اخيرا : قصة انتقال الرخمه كريس من الالف للياء :)

الهلالي 11 · #1 06/07/2008, 01:34 PM

السلام عليكم ورحمة الله وبركاته

هلا وغلا بالكل ... ازيكم عاملين ايه النهرضة

بالله ما تحسون طلع غبار اول ما فتحتو المنتدى

زمان عن يوزري صح ... اكيد مشتاقين لي عارف بس مستحين تصارحوني

المهم كعادة مواضيعي ... يبغالها واحد رايق وفاضي ينسدح قدامها

يعني حركات مشكووووور ... ويعطيك العافيه ... ووالله انك فله واضحه ومعروف ان راعيها ما فكر يقرأ الموضوع

انا جيت بموضوع اليوم ...

بمناسبة انتهاء اليورو والمدارس وحتى اللوك الاحمر المانشستراوي

المهم عشان ما اطول عليكم بخش بالموضوع ... واللي مو عاجبه موضوعي يقولي بصوت واطي
لا يعورني برده القاسي

<== يا ويلي على الخكري والحساس

المهم ... طال الحديث كثيرا عن نجم العالم الاول في الوقت الحالي كرستيانو بن رونالدو

من فترة طويلة شهور يعني ... وانواع الاشاعات والقلق ... بيطلع .. لا لا قاعد ...
الا بروح مستقبله يا رجال ... لا ما فيه امل السير محجر له

اخر النكت اللي طلعت ان الريال في 7/7/2008 بيعلنون كل شي

<== بيلعبون عليه زي اعتزال ماجد 9/9/1999

طبعا اليوم التاريخ 6/7/2008 يعني بكره الاعلان النهائي

ولو تلاحظون اني جيت هنا اهايط قبل الاعلان الرسمي عشان تعرفون اني قوي وما اهتم لاحد

وعموما يمكن تلاحظون اني حاقد على ذا الورع ... لانه يستاهل ذلنا والله

واحب اقول لكل المانشستراويين اني ارسلت له رسالة نيابة عنهم ...

قلت له فيها ...

من عافنا عفناه ولو كان غالي ... ومن باعنا نبيعه برخص الترابي

<== غصب على الوزن يا سامي وكل شعراء المنتدى

طبعا بالبرتغالي قلتها يعني مستحيل يفهمها كذا

القصه بدأت منذ تألق كريس مع المان وخاصة هالموسم

ابدع وسجل وصنع وفاز وكل شي

مسؤولين الريال كعادتهم مع نجوم المان

بدو يسوون انهم خاقين مع كريس ...

بدو يمدحون فيه وانه لاعب كويس وان الرجال شنب ويعتمد عليه

ويعني خلوه اسطوره مع انه توه صغير السن طيشان

كريس خوينا يصدق عمره بسرعه ... يوم بدو يمدحون فيه صار يلبس فنايل بودي وكت عشان يوريهم انه قوي وعضلات

المهم ومع انتشار هالصور من هالنوع مسؤولين الريال بدأو بالخققان اكثر واكثر ولسه مش حتقدر تغمض عينيك

حتى انه صار على استعداد انه يفصخ فانيلته بالمباراة وياخذ كرت بس عشان كالديرون يشوفه

المهم مع مرور الأيام ... كثر الكلام حول هالورع ... وتطورت الامور الى مسالة انتقاله

الريال يحتكون بالمان من هنا ويحاولون يضبطون العلاقات ...

تخيلو اندية عريقة وتاريخ وبطولات ... انواع العلاقات والمجاملات عشان مين

عشان ورع الى الحين ما كمل 25 سنه

<== واضح انه حاقد عليه وخرب العلاقه معه

المهم الريال كالعاده فلوس مبالغ ضخمه للاغراء ... والمان وده بهالفلوس بس يقول على مين ما فيه

مع مرور الايام كبرت السالفه ... صارت كل الاخبار والناس تتكلم عن كريس وانتقال كريس

لان مسؤولين الريال زودوها وصار الموضوع زي البلوي حقنا

يعني امور غير شرعيه بيخطفون ولدنا

هنا بالمنتدى كريس ... رابطة المان والريال كريس ... الصحف المواقع كريس كريس

الوالده حقت كريس الله يحفظها ويخليهم لبعض وياخذها ويقلعهم

بدت تسوي الام الحنونه وتفكر بمستقبل ولدها

بس على مين انا كونان متعلم على يدي .. وكاشفها انها تبي فلوس عشان يعطيها تشتري كورولا

واذا مات تورثه وتشتري افالون

ام كرستيانو الملقبه بـ وضحه ... بدت تلعب براسه ... وصارت تصرح اكثر من ولدها ...

وتقوله رح للريال ... الريال احسن ... مستقبلك يا وليدي

طيب الله يقلعك اذا رجعتو للبيت قوليله لازم قدام العالم كلها

كثرت الضغوط على كريس هذي الام ما يقدر على زعلها

صار دايما قاعد وسرحان ويطالع لفوق... يفكر وش يسوي ... يزعل امه !! والا وش يسوي

خلال هالفتره ... تصريح من هنا ... والمان يردون من هناك

على طريقة الفولي بول ... ارفعلي وانا اكبس

الريال يزيدون بالعروض والاغراءات ... والمان يقولون لهم ... الخلاااااااااا

مع زيادة التوتر ... طلعت لنا وحده من خواتها الكبيره مزنه يا حليلها تبي تصير مشهوره يمكن يجيها عريس

قالت ... كرستيانو يحب المان ... وهو قالي واحنا سهرانين اني ما ودي افارق حبايبي

تقول انا ودي يروح للريال <== حتى هي تبي تشتري ميك اب مصالح يعني

بس هو قالي انه يحب المان ولن يغادر

طبعا ولا تهون حبيبته اللي اكيد ما همه وين يلعب وين تعيش ... تبي كااااش بس

والرجال نفسه كل شوي طالع لنا بتصريح ... انا قلت اكيد مسكين من الضغط جا له انفصام شخصيه

اخر شي بدا يتميلح ويقول انا احب اللبس الابيض ... شكلي يهبل بهاللون

يقلع وجهك يا الدلخ نسيت ان المان لبسهم الرديف ابيض

كل البرتغاليين كذا ما يعرفون يتميلحون

المهم كل مالها الامور تتطور ... الدعوى وصلت للفيفا ... المان يقدم شكوى على بلوي الكرة الاوروبيه كالديرون

يوم المان شاف الدعوه خذ حقك بيدك ... خربها شايبنا وقال :

كريس ... احلم بكيفك ... طلعه ما فيه ... لو اخليك تعفن جنبي بالدكه

يا ويلي يا سير فيرغسون

سويه مخلل وما يهمك خله يعرف اقدار الناس

ما لكم بطول السالفه .. اساطير المان طلعو يصرحون بعد

كانتونا يقول ... كريس لا يكثر اللي ما يبينا ما نبيه

السير طفش منه ومن الاشاعات اللي تقول ان كريس حاط جواله صامت وساحب عليه

قال والله لا اوريهم ويطلع كشته ويسحب على ام الكوره

صور من كشته مدربنا على احد شواطئ الرياض

سفن اب يا لزيز يا رايق

باليمين الله يصلحك باليمين

<== حشا ياكل هو ... بس صوره اليييمه

اسحب على ام كريس يا الفاغر

طول فترة اليورو انواع الاشاعات وكن ما فيه الا كريس

الرجال التزم الصمت ... ومع ذلك الاشاعات اقلقتنا

ادارة المان بكبرها قالو ... كريس بح خلاص لا تحلمون فيه

الرجال قمط وبلع العافيه وحس بالخطر ... وصار يلبس لبس المان 24 ساعه

قال يا ولد لا يزعلون علي واطلع من المولد بلا تبوله

ما اطول عليكم

<== يا كثر ما يقولها

اخر شي طفش الرجال وفكر وفكر ... قال ما لي الا اسوي نفسي مصاب

اعلن اصابته وانه يا حرام تعبان ... مع انه ما شاء الله يعني طول الموسم ما يحتاج

المان لديهم الحق انهم يمنعوه من الانتقال حتى لو هو يبي

حتى برشلونه تدخلو بالخط ... بس من باب ما حد احسن من حد

اخر شي عشاق المان ... طفشو يا عمري وصار عندهم دوشه ...

ما يدرون من اللي يبي كريس ... وكم نادي يفاوضه ووش العروض ...

حتى ولد برلسكوني قال احلم اني اشوف كريس بلبس الميلان

كل عشاق المان ... صار فيهم زي كذا ... ارتجاج بالمخ ... وبدو يشوفون كريس كذا ..!!

الموضوع بالنهاية قلب زي الشات ...

عشاق الريال يكتبون وعشاق المان يردون

اعضاء توقفو ... اخلاق خربت ... نفسيات تعبانه

بالنهاية الخاسر الاكبر كريس ... لانه ما رح يطلع من المان ومع حركاته ذي عشاق المان كرهوه

انا والله الاغلب عارفيني

لسه باقي سوالف طويله بس بختصر لسببين ...

الاول لانه غير كويس يكون الموضوع طويل بزياده يقلب على بياخه

الثاني عشان اخلي شوية كلام للهياط والنقاش اذا احد ما عجبته نقطه

نهاية الموضوع ...

انا كتبته لاني بصراحه شخصيا صرت اي خبر اشوفه لكريس اتجاهله ... طفشت من الكلام ...

كل شي كريس ... المواضيع كثرت وعلى الفاضي ...

انا كتبت هالموضوع في الوقت الحالي ... عشان اوصلكم انه خلاص ازعجتونا ...

اذا خلاص انتقل رسمي اوكيه ... غير كذا كله كلام جرايد وحكي فاضي

الشي الثاني بكره الاعلان والقرار الرسمي ...

عشان اي شي يصير يكون هنا ... لانه فعلا اخذ اكبر من حجمه

تحياتي للجميع ...

لكل المدريديين ... شخصيا اقولكم ... كريس مو طالع

واهديكم مقطع من اغنية ... يحلمون اللي فيك يفكرون

لكل المانشستراويه

وصلت رسالتكم وزعلكم لكريس ... واهديته نيابة عنكم مقطع من اغنيتي ...

الاولى يجيلك يوم

والثانية تحبني والا تحب الدراهم

ما اطول عليكم ... جاهز للنقاش واستماع الاراء بكل صدر رحب

الموضوع فقط لتغير جو الشحن النفسي ... ولوضع حد لقلق الاشاعات

انا كنت ناوي احترف .. بس بعد الحين ما فيه امل يصير فيني زي كذا لا ما ابي اخاف

ختاما ... اسف وكلي اسف على الاطاله على غير سنع على قولتهم

اتمنى اني ما ازعجتكم

ولي عوده باذن الله متى ما رأيت ذلك

اخوكم / عبدالرحمن جماعة الاذاعه 6/ب

برايفت :

هالموضوع اهداء ليوزر معين ... عارف نفسه

ما راح اقوله .. بس حبيت اهديه سبيشل لحاله

وماله داعي يفضح عمره ويفضحني اوكي