نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

الـمـشـاغـب · #11 05/07/2008, 01:12 PM

مداخلة هاتفية :

ألوو .. فيه صوت؟؟

بسم الله الرحمن الرحيم ..

يشهد الله علي أن ما سأقوله الآن لا يعد مجاملة لأي شخص كان .. وإنما ما أراه حقاً ويجهله الكثير هنا ..!!

الأخ العزيز أبو ريمان يمكن البعض يظن انه يتعامل مع العضوات تعامل آخر أو شي من هذا القبيل ..!! رغم ان اللي بيفتح عيونه ويحكم على جميع ردوده بانصاف بيشوف انه أخطأ على أبو ريمان ..!!

مشكلتي ومشكلة الكثير منا .. اننا نركز في الردود اللي بين الجنسين .. واذا شفنا شي قمنا نحلل على كيفنا

مثلاً .. أبوريمان رد على موضوع الأخت المشاغبة رد حلو

.. ليه هنا نستنكر ونقول انه يعامل البنات غير .. رغم أنه يرد على العضو المشاغب برد مثل رده على المشاغبة إن لم يكن أفضل

بعض الأعضاء له استراتيجية تخصه في الرد والتواصل مع الأعضاء ولا يفرق بين عضو أو عضوة ..!!

بعدين من جد .. ليه أرد على مواضيع المشاغب التافهة برد حلو .. ومواضيع مثل مواضيع المشاغبة الراقية لازم أمسك نفسي وما أمدحها مع انها تستاهل؟؟!!

أرجع على أبو ريمان ( الإنسان ) ..!!

أبوريمان يا جماعة يحب يساعد الكل ويتمنى لهم الخير - أحسبه والله حسيبه - ..!

عضو من الأعضاء أعرفه .. قبل فترة كانت له شغلة معينة اقترب ينهيها .. لما عرف أبو ريمان من خلال رد لهذا العضو .. أرسل له رسالة خاصة يعرض عليه خدماته في انهائها .. لا وبالرسالة الثانية سدح له رقمه عشان يخلصها بدري

هذا وأبوريمان علاقته بهالعضو عادية جداً جداً ..!!

بس هالعضو استحى وشكر أبوريمان .. لكن أبوريمان أصر عليه .. وبرضه رفض هالعضو بأدب ..!!
بالأخير ربي ما كتب لهالعضو الانتهاء من شغلته .. يستاهل محد قال له يكابر

عضو آخر أعرفه .. ما أقدر أفصل في موضوعه لأنه خاص .. لكنه والله ما يسكت عن مدح أبوريمان بعد ما ساعده في موضوعه ..!

أيضاً أنا حصلت لي مشكلة كبيرة أدخلتني في أزمة نفسية يشهد الله ..!!
التقيت بأبوريمان في استراحة سابقة .. وسألني سؤال الحريص إذا كانت عندي أي مشكلة مهما كانت ..!
ما أخبرته وتعذرت بانشغالي بالجامعة .. لكنه أصر علي أن اخبره السبب في أي وقت ..!
بعدها بفترة عرفت اني بحاجة للفضفضة لأي شخص .. فما لقيت أحد حريص كثر أبوريمان الله يحفظه ..

ما أكذب عليكم .. والله ما توقعت يكون حرص أبو ريمان بهالكثر .. حتى لما أشكره يزعل علي ويقول ما بيننا هالأمور ..

تصدقون أني أنسى موضوعي وأسحب على أبوريمان وهو اللي يذكرني فيه؟

الله يجزاك عني كل خير يا أبوريمان .. لو ما لي أنك خففت عني ما راح أنسى لك هالجميل

وربي وربي وربي أن أبوريمان بيلومني على هالكلام .. لا تتوقعون انه بيرضى بهالشي أو يبيني أحسسه أنه راعي جميل علي ..

لكن ما ذكرت هالكلام إلا عشان يعرفون الناس من هو أبو ريمان .. هذا اللي عرفته عنه بس .. وغيره أكيد كثير

هالمواقف مع ثلاثة أعضاء أبضايات ( موب عضوات )

.. ما تكفيكم حتى تعرفون ان ابوريمان يحب الخير للجميع بنات وأولاد؟؟

كتبت ما كتبت شهادة حق لانصاف ( رجل ) لا داهنت فيها ولا نافقت .. والله يشهد على ذلك ..!