نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - أخـوي الـصـغـيـر تـزوج الـبـارحـة .. والـفـال لـي ( فيس حزين ) ...!!

ابو طـــــلال · #6 03/07/2008, 12:40 AM

إقتباس


	أسئلة الواجب : س1 ) هل زواج الأخ الصغير قبل الكبير عيب وتشكيك في فحولة الأخ الكبير؟ س2 ) هل تتزوج أخت سبقتها أختها الصغرى بالزواج؟ .. والسؤال موجه أيضاً للبنات بعد تغيير الضمير المؤنث ..!! تسليم الواجب في نفس الرد

هو عيب بصراحه .. بس مهوب تروح الحين تتهاوش مع اخوك علشاني قلت لك عيب .؟

يعني هو مو عيب عيب .. بس المفروض انه مايطمرك ويصبر ..

بالنسبه لي انا حالياً ايه عادي .. بس تكون على خلق ومزيونه .. ( مثلا طبعاً )

والله انك ممتع .. موضوعك فله

بس خلني حبه حبه .. أبداء

* في البداية حبيب قلبي سلطان .. الف مبروك زواج اخوك والله يوفقه ويسعده وعقبالك يارب
* شخصياً بمثل ظرفك المفروض مايطمرة أخوة .. ( يعني أهلك متزهلين بكل شي ) وراك ترفض وتسوي فيها ( عصامي ) وماتبي احد يساعدك .. وتوقف على رجلينك .. وتكون نفسك .. ومبداء .. كل هالسوالف خربطه .. اسمح لي ..

* بس والله ( بري ) على أخوك ذيبان

.. اعرس ولا هوجس فيك .. ولاطق لك خبر .. الرجال يبي يعرس وبالسرى اخوه مسوي( حبّيب ) و ( رومانسي )

* بيني وبينك طبيعي الناس تنشد عن سبب عدم زواج الكبير ( ولد ) والكبيره ( بنت ) خصوصاً إذا ماشافوا فيهم عيب ( ظاهر ) وسبحان الله كل شي نصيب .. بس تخبر الناس ..
* أعرس قبل لايهون أبوك بس .. تروح العانيه .. والفزعه ..
==========

عاد تبي الصدق ..... ولا ولد عمه ؟

تبي الصدق ؟ طيب

لاتعرس إلا وانت موظف ولك دخل .. ودخل جيد .. تفتح فيه بيت .. ولاتحتاج أحد حتى لو كان ابوك .. ولو تأخر شوي الزواج .. وربي يكتب اللى فيه خير ..

اعرف واحد زوجه ابوه .. وكل شهرين مطلق زوجته .. ومرجعها .. كل مافضى مخباته طلقها .. يترس ابوه مخباته يرجع زوجته !! وعلى هالحال

الله يزوجك وكل عزابية المجلس العام .. ونفرح فيهم الصيف الجاي ..

اخوك الصغير ابو طلال