هلا والله بــ أبو ريمان ورده

تصدق شفت موضوعكـ أول مانزل
بس قلت يا حت حت خليكـ ساكتهـ احسن
لاني ماكنت أدري من هي لميس
خفت اني اجيب العيد قلت اصبري لحد ماتشوفين الردود وتعرفين من هي

والحمدلله ظهرت لنا لميس
الف الف الف مبروووووووووووووكـ لميس
جعلها دوم فرحتكـ
عاد الله الله بالدراسات العليا وإلا الوظيفهـ
يالله نبي موظفين زيادهـ بالمجلس يصرفون علينا

إقتباس شكراً لميس عندما أهديتنا الفرحة في وقت يطل الهم فيه مع كل نوافذنا .. شكراً عندما جعلتينا نعيش الفرحة ..

شكراً لميس
لأنكـ أعدتي لنا هذا القلم الانسان الرائع

إقتباس أحب الكليجا الهولندية ..

خخخخخخخخخخخخخخخخخـ حتى هولندا عندهم كليجا
كان جو وأخذوا من حقات بريدهـ من القصيم أطهم واحسن << اقالكـ ذايقتهـ
يارب لكـ الحمد رغم اني قصيميهـ إلا اني ما أحب الكليجا

إقتباس آخرتها تاخذني الهواجيس و ما أدري إلا و أنا واقف عند باب البيت !!

يا حبي لها هالهواجيس
بعض الاحيان يصير وقتها فله
زي اذا وصاكـ أحد أفراد العائلة تجيب لهـ شيء من فوق
بس الهواجيس اخذتكـ ونسيت
هذا أحسن شيء
<< مابهـ عرق زولهـ أبد

إقتباس مخلوقة متلثمة و العطر فايح و العباية مفتوحة و الجنز حالف يتقطع و رجعت التفت هذا التميمي ولا قاعة الفور سيزون ؟!

الله يعافيهم ولا يبلانا

الله يكفينا الشر الحين صاروا الناس اللي يلبسون نقابات وعبايات راس يعدون بالاصابع وخاصهـ بالاسواق ..
ربنا لا تؤاخذنا بما فعل السفهاء منا
اللهم يا مقلب القلوب ثبت قلوبنا على دينكـ

إقتباس قالت : إيش ؟! قلت : تفضلي -------------> خاف

لو اني منكـ أقول لها
صفي بالطابور

إقتباس مساكين أمثالها ، يحاولون يخلون أكبر عدد ممكن يشوفهم !! مساكين ! أكبر عدد ممكن يحتقرونهم !!

حتى ان البنات اللي من جنسها يحتقرونها
كيف أجل الرجال
من جد ناس مريضهـ

إقتباس في ساعات الليل .. - : حبيبي وش فيك ؟! - : خايف ! - : من إيش حبيبي ؟! - : منك ! خايف أفقدك ! - : حبيبي لا تقول كذا ! أنا مستحيل أتركك . - : طيب اوعديني ! - : أوعدك حبيبي . - : أنا ما أجبرك علي ، كل اللي أبيه تعطيني خبر قبل ما تتركيني ! مو أتفاجأ بغيبتك !! قبل ما تطلع الشمس ، وصلت رسالة فيها : أبيك تنساني ، و أوعدك ما أزعجك ..

هذي المواقف تتكرر دايم
سواءا من البنت أو الولد
أنا ودي أدري وش يحسون فيهـ
كل واحد يتسذب على الثاني من جههـ

إقتباس ماني من اللي يوقف للسيارة عند نوع لا تكلفين ولاني من اللي تجيبه الفلوس و لو كانت ملايين ما يشدني جمال(ن) تصنعه المكاييج و الألوان و مع احترامي ما يهمني كونك بنت آل ( فلان ) أبيها ( أنثى ) إذا شفتها ما كن بالدنيا انخلق غيرها و إذا ضاقت بي الوسيعة في وقفتها عن قبيلة أبيها أبيها ملاك(ن) طاهر(ن) مغسول(ن) بالأمطار لها جبين أدمن السجود و دموع الخشوع أنهار عقل(ن) كمله الله بالثقل و زين الأخلاق طاغي ما ينافس أخلاقها إلا زينها و الملح فيها متناهي ما أوعدك بمال قارون و ما يسبق اسمي سعادة لكن أوعدك بعمر يخلي حياتك جنة كل هم أيامه قلبي قصرك و صدري البوابة و ممشاك على يديني عشقي لك سماه و خوفي عليك أسواره تتبعك عيني

الله يرزق بها يارب


ابو ريمان السنهـ الجايهـ بتخرج من الثانوي لا تنسى تكتب عن
<< تبي تشتهر ماتدري وشولون

كل ابو دايم اكتب لنا
وسع صدورنا شوي
المجلس صاير ممل


كل الشكر والاحترام ورده