سعود ورده

كلنّا نتفق إن إستدعاء راؤول لو تمّ فـ أكيد ماراح يلعب أساسي .. [ إحتياطي ] .
وأيضاً كلنا نتفّق إن إستبعاد راؤول بـ سبب مشاكل مع أراغونيس .
لكن مايمنع إن أراغونيس كان بطل وبطل جداً بـ قرارهـ .
أراغونيس كسب الجولة وبـ الضربة القاضية مع كل اللي طالبوا بـ راؤول [ وأنا أولّهم ] .
راؤول لاعب بـ الثلاثينيّات . ماراح يعطي المنتخب شيء بعد سنتين بالكثير .
إستدعاء لعيبة شباب مثل كازورلا وسيرجيو قارسيا .. إختيار أفضل ..
السبب إنهم لعيبة شباب . يكسبون خبرهـ + مستوى مايقلّ عن راؤول إن ماكانوا أفضل [ لـ خطة الشايب ] +
بناء فريق لـ المونديال [ حتى لو فشل باليورو ] ..
منتخب إحتياطيّه مسجّل هدفين [ نصف عدد أهداف هدّاف اليورو ومتساوي مع تورّيس !! ] .
هجوم مسجّل لحاله 8 أهدف !؟ بـ 6 مباريات ومن أصل 11 هدف !!
ولو فيه مدافع أفضل من بويول [ مثلاً ] وعمرهـ صغير .. بيستدعيه زيّ الألف ويلعب أساسي .
الدليل إن سينّا يلعب أساسي طول اليورو [ وأراغونيس متهم بالعنصريّة ] . مع وجود ألونسو .
يمكن كان عنصري . بس بـ اليورو هذا الرجّال يبي يسوّي شي صح لو لـ مرّهـ وحدهـ بحياته . ونجح .. وهـ الشي ينحسب له .
قبل اليورو بـ إستفتاء .. 80% من الإسبان مايبونه .
بعد اليورو بـ إستفتاء 60% يتمنّون بقاءهـ !! . العواطف تبيّن وبقوهـ .
أضف إن صحافة مدريد قلق ومرض وإزعاج وبهاق .. وكل شي ممكن تتصوّرهـ ..
تخيّل راؤول موجود مع المنتخب . كيف بتكون المانشتّات قبل مباراهـ ألمانيا بعد إصابة فيّا !؟
كلّ صحف مدريد ومحلليّها .. [ إنها مباراهـ راؤول ] .. وبيزعجون أم أراغونيس [ إن كانها حيّة ]
عشان يلعب أساسي وبيخرّبون كل خُططه وبيحطوّنه تحت الضغط .
ولو لعب وإنهزم المنتخب . بياكلها هو .. ويضيع حلمه .. وراؤول بينلطع .
ولو لعب وفاز . قالوا بركاتك ياراؤول .
ولو مالعب وانهزم . قالوا قلنا لك مباراهـ راؤول .
ولو مالعب وفازت اسبانيا . بيقولون حظّ .
راؤول لأني مدريدي أتعاطف معه وأبيه بالمنتخب [ وهو يستاهل ] ..
بس يستاهل لو مافيه نجوم شباب مثل فيّا .. تورّيس .. كازورلا وجارسيا.. إلخ .
يارجُل لو جينا لـ المنطق لعيبة مثل راؤول ومالديني .. لاتأخذ آراء مشجعين أنديتهم فيهم .
العاطفة تغلب وبـ قوهـ .. وما أحد يلومهم أساطير أنديتهم .

وإذا تبي الجدّ عاد . ودّي يجي لـ الريال لين ميركاتو الشتاء ..
يطفّش راؤول ونشوّته ونرجّع شوستر < اخر سطرين لـ المحارش بس .

لاهنت حبيّبي

ورده