اقتباس من مشاركة زعيم آسيا

إقتباس و الله افكاار حلوووة ..... ارجوو انهاا توصل للمسؤليين في الاتحاد السعودي

أشكرك على المشاركة يازعيم آسيا وانا أذكر قبل ست سنوات اعلن الاتحاد السعودي انه يرحب بمن عنده اي اقتراح بخصوص المربع الذهبي وبما ان مقر جريدة الرياض موبعيد عنا قلت اروح لهم وهم يقومون بالواجب وطلبت أشوف رئيس التحرير أنذاك احمد المصيبيح فماحصلته قالوالي مشى قبل
شوي عاد شفت واحد اسمر ومتين شوي على مكتبه قعد يقرا في ورقتي بعدين طلب مني البطاقة الشخصية استغربت... قلت معليش اكيد انه بيوصل الاقتراحات للاتحاد السعودي ....ولكن يبدو انه اذن من طين واذن من عجين.
كذلك الاتحاد السعودي خلى المربع الذهبي وانظمة الاحتراف حقل تجارب كل فترة له راي.....
وان أتوقع انهم يناقشون مثل هالا مور وهم يفصفصون.

اقتباس من مشاركة الزعيم_9_18_20_15

إقتباس والفرق الى من المركز الثاني الى الخامس تعلب مع بعضها تعطي منافسه اكثر وتعطي لاكثر من فريق فرصة الحصول على الدوري وهذا طريقه جديده ومفيده برأي المتواضع

ولكن اعتقد ان المتصدر الأقرب للخسارة ليش!! لأنه بيتظر فترة أربعة اسابيع حتى يلعب النهائي وهذا بيأثر على حساسيته على الكورة على العموم أنا شاكر لك أخوي هالمشاركة القيمة.

الأخ صحن قلابة اقتراحك حلو... ولكن انا اشوف يجمعون بين الطريقة 8 واقتراحك اللي اعتقد انه معمول به اوبأكثره.


بخصوص سؤالي اللي ماعرف احد يجاوب عليه انا اقول كالتالي:
اجري اللقاء مع نائب الرئيس العام انذاك الرئيس العام حاليا سلطان بن فهد في برنامج كل الرياضة ايام المذيع المتألق سليمان المطيويع فماذاقال عن السؤال اللي يقول (ماسبب استحداث طريقة المربع الذهبي) فماذا قال ..قال بعض المقدمات ثم قال
اسمعوا للاجابة الخطيرة..قال (بالحرف الواحد): المربع الذهبي وضع لكسر احتكار بعض الفرق للدوري...!!
ولعلها كانت فلتة لسان منه (وتعرفون من هو الفريق المقصود بكسر احتكاره) ثم استدرك نفسه وتنبه لذلك فقال ان المربع الذهبي وضع لرفع المنافسة بين فرق الدوري ولقد ساهم في ذلك و....ووو ...الخ... فعلا كان حديثه عجيب.