25/06/2008, 12:49 AM
|
| عضو سابق في إدارة شبكة الزعيم | | تاريخ التسجيل: 11/04/2003 المكان: USA
مشاركات: 13,487
| |
^^ تعقيبا على ياسر
اهلا وسهلا بك
فاول من خارج المنطقة في الدقيقه 24 , ملعوب من فيا في الزاويه البعيده بشكل جميل تصدى لها بوفون .
تسديدة سينا في الدقيقه 79 , انقذها بوفون من مكان صعب وكانوا المدافعين مغطين عليه , تبعها تسديده اخرى من سينا ايضا فلتت من بوفون ولحق بها وامسكها مرة اخرى على الرغم من قوتها وسرعة الكره والدفاع ايضا مغطي عليه وجايه الكره بمكان صعب
انفراد سيلفا في الدقيقه 110 انقذها بوفون ببراعه .
هذولي اخط الفرص اللي اتذكرهم ولو فيه غيرهم ترى مادري لاني حذفت المباراه اليوم الصباح من جهازي .
اما بخصوص جائزة الزامورا تبي اذكرك ان الزلايب فالديز وبينتو وابودانزيري خذوها قبل كاسياس والا مايحتاج , هالجائزة يابعد قلبي تعتمد على اقل اهداف تدخل في حارس المرمى وهذا مايعتمد على الحارس لوحده , يعتمد على الدفاع ايضا وخطة اللعب , والمنافسين ايضا , وماهو انتقاص من كاسياس بس اذا بتقيس عليها بقولك ان فالديز اخذها, ومايحتاج اقولك وش هو فالديز مع كامل التقدير والاحترام لجماهير برشلونه ولو اني اعرفهم طاقة تسبودهم منه , وايضا ساهم في ان كاسياس ياخذها هالسنه قوة الدفاع المدريدي ماشاء الله , وهذا ماينفي دور كاسياس بالعكس انقذ الريال باكثر من مباراه كما ذكرت سابقا .
وعلى هالمنطق بيجيك واحد يقولك ترى فالديز احسن من كاسياس , بتقول على اي اساس بيقولك جائزة الزامورا خذوها قبله وبرقم اقل من رقم كاسياس بعد (الله من وسع الوجه يافالديز  ) , وش بتقول وقتها , وهل هو فعلا كذلك , ماهو صحيح حتى لو طارت العنز .
ايضا اليوم قريت في احد الردود بس مدري وين رد لاحد الاعضاء واعجبني يقول ان رونالدينيو اخذ افضل لاعب بالعالم وفيه ناس بنفس السنه قالوا احسن من زيدان , هل هذا يعني انه احسن من زيدان فعلا , لا لو حبيت كوعك بس انه خذها بسنه وحده وفق معايير عده وظروف خدمته عكس زيدان اللي ماخدمته ظروف فريقه وقتها ورونالدينو كان بعز تالقه , نفس الكلام ينطبق على كاسياس , لو كان اخذ افضل لاعب في المباراه واللي يدخل فيها تصويت الجمهور والصحفيين واللي تعتبر مان اوف ذا ماتش في كل مباراه , وصد ركلتين ترجيح مايعني انه افضل من بوفون لو مدري وش صار , هو حارس كبير مانختلف , مستقبلا بيكون من افضل حراس العالم غصب عنا , ان ستر الله عليه انا شاء الله , بس حاليا لا والف لا .
وبخصوص المقارنه احنا مانتكلم على هالموسم احنا نتكلم على افضليه بوفون على مدار التاريخ مانبي احد يجي يحصر الموضوع في الشئ اللي بصالحه .
انت تحديدا ياياسر باكثر من نقاش تثير اعجابي بلغة الارقام ولكنك هالمره اختفيت لانك تعلم انها ليست بمصلحة كاسياس , واخذت تحصر الموضوع في الفقره اللي تشوف انها من مصلحتك .
طيب انت تابعت بوفون هالسنه والا ماتابعته , تابعت وش سوى مع اليوفي والا ماتابعت , تابعته بمباراة رومانيا والا ماتابعته ؟ مين اللي وصل ايطاليا للدور الثاني , من اللي وصل ايطاليا لركلات الترجيح ؟
ماهو ذنب بوفون ان المدرب برحه وكل مباراه تشكيله ؟ وهذا بالمناسبه نفس العذر اللي يردده البعض من الشباب في مواضيع سابقة ان دفاع الريال بمواسم سابقة كان فناجيل , وهذا مبرر لهم ان الريال ماخذ الدوري وانه ماخذ جائزة الزامورا , وهالسنه يوم استوى دفاع الريال اخذها وقلت الاهداف بكاسياس , نقدر نقيس بالمنظور هذا والا مانقدر .
بسألك سؤال ثاني تعرف احد من خط دفاع اليوفي هالسنه ؟ اقدر اراهن انه قبل اصابة كانافارو اكثر الاعضاء هنا وخصوصا اللي مايتابع الدوري الايطالي , مايعرفون كليني ولايدرون وش هو من لحية بالملعب
طيب تعرفون الباقين , نقارنهم في راموس , مستحيل , نقارنهم بكانافارو , مستحيل , نقارنهم في المخلوق الفضائي بيبي , مستحيل , هالموسم كاسياس متألق والظروف خدمته ,وبما ان الكثيرين يتحجج في ان دفاع الريال بوقت سابق كان فناجيل , فاقدر اقولك ترى دفاع اليوفي كاسات جبن والمنتخب الايطالي بعد اعتزال نيستا واصابة كانافارو وش نقدر نسميهم مادري بس اذا فيه شئ اردى من الفناجيل تراه هم تخيل من نيستا وكانافارو يجيك ماتيرازي
وعن اذنكم بنام وبرجع للموضوع بكره الظهر اذا فضيت لاني مشتاق للهواش والمطاق ونفسي اخذ انذار ترى امزح ياعبدالله لاتصدق
|
