نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - || ‏Euro 2008 .. إستوديو دور الـ 8 || ‏هولنـدا × روسيـا .. إسبانـيا × إيطالـيا || ‏أخبار .. نقاشات || ‏ مـتابـعـة ||

الهلالي 11 · #10 22/06/2008, 08:57 AM

مدخل : الرد طويل شوي اللي ما له خلق يقرا ...
لا ينط للاخر او يقرا سطر بعد سطر ويجي ينافخ بدون ما يفهم وش السالفه

اقول انت واياه اهجدو والا والله لا اخربها وخلني انطرد من وراكم

لعنبو بليسكم كن ما فيه احد يشجع هولندا بالعالم الا انا

شوفو المنتدى مليااااااااان كل واحد يلقطله واحد ويذب عليه

خلاص الحين سبحان الله اول مرة تتفقون على شي ... كذا اتفقتو علي

وين اليونيسيف ... وين جمعية الرفق بالحيوان ... وين جمعية حقوق الحريم

اول شي صباح الخير للكل ...

وصباح ثلاثي الابعاد (3D) للاورنج بس

يا حبي لهم

والله ما اشوف واحد فيكم تلطم وسوى نفسه يشجع منتخب ثاني الا اجلده

تراني حافظكم واحد واحد ... خلني اشوف واحد يفركها ويخليني انجلد لحالي

بصراحة انا امس ما حبيت ادخل واشارك حفاظا على مشاعركم ...

ما كان ودي ادخل لاني عارف ان فيه كثير يكرهوني ومنتظرين هالفرصة

خلاص انا زعلت ... انا حزين ... انا عبدالرحمن

الله يقلع بليسكم ... انا هنا برد ردي اللي يقرقع بقلبي ...

والافتباسات بخليها بالرد الثاني منفصله لحالها ... عشان اخذ راحتي

صراحة يا شباب واتوقع اغلبكم شاف كلامي ... انا قلت روسيا تخوف

معناتو نعرفو قيمة مدربهم

لا جد والله هالمدرب اقدره ... اي منتخب يمسكه يسوي معه العجايب

عموما مدربهم هولندي ويمون ... ليش انتو حاشرين انفسكم يله بس

المشكلة طلعو مشجعين روسيا واجد بالمنتدى ...

غريب يوم رابطة المجموعه الرابعه بالدور الاول ما فيه تفاعل لروسيا

لن اقول كما قال البعض سارفع الفنيلة لاني ماني لابس قبعه

لكن سالبس القبعه ... لاعود وارفعها احتراما للدب الروسي

والله والله اني ما زعلت بالامس كثيرا ...

انا ازعل اذا فريقي لعب ... وقدم ... وابدع ... لكن بسبب الحظ او غيره خسر !!

لكن امس وبصراحه ... فريق ما حوله الا الدجة ... قامطين العافيه من اول المباراة لاخرها

لا والله من زين اللياقة بعد ... بالاضافي لعبو بحسبتنا لعب

الدفاع من قبل البطولة وانا خايف منه واستانست الدور الاول ما نكبونا

جو امس يكبون العشا كله ... ثلاثه مرة وحدة ...

يرحم ايام ما كنا نفوز ثلاثات واربعات

<== ما زال هذا اليوزر يهايط

امس سوبر سار

... وشنايدر

والله هم من يستحقون ازعل عشانهم

لولا السوبر سار .... والا كانت مذلة للاورنج

انا الاغلب يعرفني منطقي وساقول الحق

لن اقول قبلو ... وشوفو الحكم ... والا مشجعين روسيا كلهم مفصخين وشتتو انتباه لاعبينا

مع ان الكورة اللي انطرد فيها كولودين ورجع بعدين صحيحة وما طلعت

عموما والله روسيا ابطاااال ويستحقون

هولندا بالامس ما سوت شي يشفع لها اني ازعل عليها

حتى باستن غريب امس !!!

وين روبن وهونتيلار

بالله افيلاي وبيرسي اصرف يعني

بيرسي امس كان غبي غبي وعالة على المنتخب ... افيلاي توه ورع صغير السن طيشان

وبلحروز مدري هو مضطر يغيره والا كذا مزاج

يقلع وجهك محجرين لامك الشوط الاول ... نزل روبن يلعب بحسبتهم

راح ينزل لاعبين مدري وش يبون ... لا والتحجير مستمر

<== بالله ما تحسوني وانا اتكلم اني بطلت هولندي

صدقا البطولة بالنسبة لي تقريبا انتهت خلاص اخذت اجازه قبلكم يا طلاب المدارس

ان يخرج منتخبين احبهم من البطولة ورى بعض ... وكلهم طلاق بالثلاثة فهذا شيء يخليني اشك ان واحد معطيني عين

مبروك روسيا والله تستاهلون

بافليشنكو من مباراة اسبانيا اللي خسروها بالاربعه وانا اراهن عليه

ارشفاين نجم والله

بس مدري وش ياكل خدوده حمر مدري عنابي

للمعلومة الاهداف الثلاث سوبر سار ما له دخل ابد ...

الهدف الثالث هيتينجا ضربت برجله ونكب حارسنا خلاه يودع المنتخب بفشيلة

اصلا هالهدف كله يوريك مدى غباء الدفاع وذكاء ارشفاين

يقلع وجيهكم اوت من نص الملعب الاعب ينفرد وينكم يا زلايب

لا وارشفاين ... بس جلى عنها اكل الاعب وكن ما له وجود بالملعب

اسمحولي بقول كلمة وصخة

تفوووووووو عليكم من دفاع

<== هذا اقوى شي عندي

عموما ما ودي اطول ... انا كنت اهايط وما حسبت حساب لخط الرجعه

عموما يحق لي ان افخر بهالمنتخب

مبروك للي بياخذ البطولة

وان كنت اتمناها لروسيا ... عشان اذا احد هايط اقول احنا طلعنا من البطل

تحياتي للكل ... اللي قالي هارد لك اقوله ثانكيو فري كلتش

واللي استهبل ولا هايط بينجلد بالرد اللي بعد شوي

ملاحظة : هياطي ما زال مستمر لكل من سيغلط على سوبر سار

او على المنتخب الهولندي ككل ومشجعيه هنا

اغلطو عليه بمباراة امس وبس