| اجي يمه وابي اوادع ولكن صعب مااقدر
انا مااقدر على بعاده وطاري البعد وفراقه
اصد اتهرب وابعد واحاول منه اتعذر
أخاف تطيح دمعاتي وانا مقبل على عناقه
...........................................
يدري اني احبه حيل لا يمكن بعده اصبر
وانا متعاهد وقلبي صعب أخون ميثاقه
اخافه يبتعد عني واخاف ابقى معه واخسر
تعب قلبي من افعال الزمان وظلمه وارهاقه
............................................
لعلمك كل ماتكير غلاك بداخلي يكبر
واشوفك داخل اعماقي بوسط القلب واعماقه
انا لا من تذكرتك يضيق الصدر وتأثر
واقلب دفتر ايامي وابعثر كل أوراقه
............................................
قهر ياقلبي لا تشكي ولا تحزن ولا تسهر
سنين البعد تلعبك ونار الشوق حراقه
كثير الوقت يجمعنا لكن الوداع اكثر
كثر مامت في قربه اموت بلحظة فراقه | 