نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - ][ Euro 2008 ][ المجموعـ C ــة ][ إيطاليا / فرنسا / هولندا / رومانيا ][ كل مايختص بمجوعة الموت ][

الهلالي 11 · #4 18/06/2008, 03:53 PM

مبروك الف مبروك للطليان ... هارد لك للديوك

طبعا معروف ايطاليا وفرنسا مشاكل وهواشات وهياط ...

الحين فرنسا اوت وانا ما احب اشوف الوضع هادي

لازم مشاكل ... ولازم اخلي على الاقل عشرة يطلعون من هالموضوع مفصولين

يعني شوية نرفزة ... على شوية حطب وبنزين ... وشبها يا ولد

الحين يا الطليان انتم ما تستحون على وجيهكم

<== بدا هياط ... وناوي على شر

بالله مستانسين تاهلتو ومدري شلون ... اول دونادوني كان كخة وكش عليه

... الحين ودكم تصورون معه

احمدو ربكم بس ان المنتخب البرتقالي فاز

مهابيل انتم ...

الاورنج جاب 9 نقاط وخلاكم تلعبون بعيد لحالكم وتعورون بعض وباستن يصوركم بلوتوث

يعني مبسوطين وكانكم متاهلين بايديكم

احمدو ربكم ما اهلكم الا هولندا

تخيلو معي باستن كان مثقل العيار يوم المباراة ... ومزود شرب عصير تفاح

وثاني يوم يبيع المباراة لروانيا 1/0 بس

والله لو تتذابحون مع بعض ما تاهل احد فيكم ...

لو احد فيكم يا الطليان وانتو يا الديوك بعد نفس الكلام لكم

<== بدا يهايط على جبهتين

بالله هذا لعب يا الفرنسيين ... تحسبونها مباراة خيرية بين اصدقاء دونادوني ودومينيك

وش ذا ... ما فيه عندكم لاعب رجال يقول يخسى الذيب

ومخاوين على ايطاليا ولبستوهم ابيض ... وتنصكون اثنييييييييييييييين والله قويه

<== يبي يطلعها اقوى من الاربعه

لو احد فيكم فاز 10/0 او انتهت المباراة 10/9 ما تاهلتو ...

هيا سمعوني صفقة قوية وشكر لهولندا ولاعبيها ومشجعيها بالمنتدى

يقلع بليسكم صحافة ايطاليا والطليان نفسهم مقدرين ان هولندا كان لها سبب بالتاهل وانتم اخواننا العرب ساحبين علينا

من جد باستن رحمكم وحن قلبه لايام العيش والملح مع ايطاليا

والله من نشبة دونادوني خلص رصيده وهو يدق عليه ويذكره بايام الطفولة والجاهلية

يعني باختصار ... هولندا فوق ما تاهلت بجداره ... قاعدة ومتكية وبيدها تختار من يطلع معها

وطلعتو معنا انتو يا الطليان تستاهلون

@@ قبل لا احد ينفخ او يروح يجيب فزعه وتحجرولي عند سور المنتدى

@@

والله كل الكلام اللي فوق مزح واستهبال مع ان فيه شي من الصحه ...

واللي هو لولا وفاء ورجولة هولندا لما تاهلت ايطاليا ولا فرنسا

لكن لا احد يزعل ... مبروك للفايز وهارد لك للخسران

هيا اشكروني بالنيابة عن لاعبين الاورنج

يله شباب ابدو هواشات وسب عشان انبسط واحس اني وصلت للهدف

ودنا نخفف زحمة المنتدى ...

ترى والله استهبل ... بس بوصلكم رسالة ان فيه بعضكم مرات يكون قاعد فاضي ...

وتدور براسه ليش هذا يغلط ... ويبدا نقاشات باسلوب مستفز وخاطئ ..

وهو ما يؤدي الى التهلكه

<== مخدرات

لا جد ... تراكم اخوان والله وما تستاهل تزعلون بعض على ناس ما درو عنكم ...

تلقونهم امس فالينها بنادي ثقافة عامة ليلي ... وانتم تاركين اختباراتكم وتتهاوشون

اسف على الاطالة وداري ما احد فاضي يقرى ردي ... بس زمان ما هايطت وفي بداخلي كلام واجد