هلا والله متعب ..!!

والله ياخووك من جد هالوضع صار طبيعي والبركه في المسلسلات
اللي يتابعونها .. اللي ماتجيب الا كل فساد الله يلعنها << قافله معه


المهم بذكر لك سالفتي قبل يومين والله ..!!

كنت رايح البقاله مشي بالليل الساعه 9 المهم شريت باونتي وطلعت وخشيت
للحارة عاد جنب البقاله فيه مشغل .. وفيه ثنتين طلعوا منه .. ويمشوون قدااامي
استغربت انا حركاتهم بيني وبينك البنتين اغراء انا امشي والله على نياتي

الا واشوف هذي قدااامي .. نطله يمين ونطله يسار .. عاد انا فغرت وقام يوسوس لي
الملعون .. المهم تعوذبت من ابليس وقلت خلني امشي لين اوصل للبيت ولانيب
قايل كلمة رحت للجهة الثانية من الشارع وتعديتهم ..!!

شوي الا واشوووف راااعي فووورد .. واقف ونازل من السيارة لابس جنز وحركات
وملبق الفووورد في موقف .. وواقف يوم تعديته دقني الفضول والتفت الا واشوفه
يأشرلهم يقول يالله .. يوم شافوني اطالع وقفوا البنات قلت بس والله ان استقعدلهم


عاد عرفت ان الرجال يبي يركبهم ..!! هو ناظرني وانا عيني بعينه قلت ابرجع
واقول بروح معكم خخخخخخخخخخخخخخخ لاتصدق .. عاد هو لو
عزمني منيب قايل لا ..!! المهم مسكت معي .. اني اخرب عليه وش معنى هو يطلع
وانا لا .. قمت وفتحت الباونتي من الحرة اللي فيني واهصم والدينه وراجع
جهة الرجال واشطفه ..!! البنات تفرقوا من الخوف وحده تقول بنركب بايعتها
قسم بالله والثانية رجعت جهة المشغل .. الملعونه هذيك ركبت وانا ماقدرت اسوي شيء


قلت مالك الا تخرب الثانيه .. واطرد ورا الثانيه لين دخلتها المشغل حسيت انها خايفه
وهذا اللي خلاني امشي وراها عشااان تتوب تطلع مع احد مرة ثااانيه ..!!
المشكله راعي الفورد اخذ هذيك ودز وسحب على الثااانيه



اللي ابغى اوصله .. انه قسم بالله يااني انقهر قهر مهوب صااحي لاشفت زي كذا
ياااخي .. ماتربوا هذولا ؟؟؟ مايخافن الله بنات الذين ؟؟؟؟؟ طيب ووين سمعة اهلهن ؟؟
لو انمسكوا ؟؟؟


قله حيا قسم بالله .. وكل فترة عن فترة يزيد البعد عن الدين لأن الناس هالايام صايره
( إمعـــات ) للغرب .. وعاداتهم وتقاليدهم..!!



الله لايبلاااااااااااااانا ..!!

تحيااااتي يالذيب