إقتباس انا لما انهيــت كلامي قلت ( ردي يحتمل الصواب ويحتمـل الخطاء )

غــروده
كل شخص رأيه يحتمل الصواب ويحتمل الخطأ
فإذا انا أخطيت في أي احد من ردودي السابقه اتمنى احد ينبهني وهذا شيء يشرفني
التنبيه على الخطأ شيء عظيم من اجل تفادي الاخطاْ مستقبلا إن شاء الله .

إقتباس وبالنسبه لكلمه رد عقلانـي فمعنـاها ( تتناقـش بالعقـل وبفكـر واسع وأذن تسمع للجميــع )

أعتقد كلمة رد عقلاني لم يطلب فيها التفسير لانها معروفه بكل الاحوال
الصغير يعرفها قبل الكبير
يجب ان يكون الرد بالعقل والمنطق وهذا شيء متعارف عليه
وردي كان في حدود العقل والمنطق لم أمس احد بكلمه ولم اتفوهه بشيء مخل للآداب
وتكلمت بشكل عام وذكرت بعض القصص من اجل الاستشهاد .

إقتباس انا لما أقرى ردك او كلامـك ماعلـي من لفظك للكلام او طريقه كتابتـك وترجمتــك للي في بالــك بالحروف انا علـي من الفكره ومضمونـك ...

تقولين : ماعلي من لفظك للكلام او طريقة كتابتك وترجمتك للي في بالك بالحروف
لا ليس صحيحا هذا الرأي بالعكس المفروض يكون ان يكون هناك ادب واحترام ايضا
في اختيار الكلمات وانتقاءها الجميع يقرء كلامي وكلامك وكلام غيرنا
فيجب على كل شخص الحذر في كلامه واحترام رأي الآخر .
(( يعني لو يجي شخص ويقول كلمات بذئيه ماعليك منه )) نطنشه صح
ثم قلتي : انا علي من الفكره ومضمونها
طيب انا ترجمت للي في بالي بهذه الحروف بحدود الفكره ومضمونها ونبهت وقلت
يوجد اشخاص مشاركين وهم اكبر معاكسين
اين الغلط هنا ؟؟
انا مادري ليش مضايقتك هذي الكلمه ولحد الان انتي ماوضحتي وش القصد من ردك
كلامك غير واضح حقيقه تلفين وتدورين حول الفكره ومضمونها ومن هالكلام ووش عليك منهم ؟؟
منهم اللي وش علي منهم وش فيهم او وش صاير لهم احد مشتكي لك ؟؟

إقتباس اذا حـاب انك تعرف ليش رديــت عليــك فهو لأن الموضوع ماهو لطبقه معينه اتوقع الجميـع يقدر يشارك ويقدر يبدي رأيه

ومن قال انه لطبقه معينه ؟؟
وتتوقعين الجميع يقدر يبدي رايه هذا شيء اكيد طبعا
والمشاركه ليس محصوره على احد او على جنس معين .

إقتباس والشخص الي يغازل او يعاكـس على قولتـك تراه شخص عادي مثله مثلـك ماهو بإنسـان فاشل ولا هو مرفوع عنه القلـم عشان مايكـون عنده رأي او تفكيـر اومبدء او حتى كلمه يقولها بهالموضوع هذي مرحله تمر بالأغلبيه من الشـباب بأعمار معينه وتنتهـي واتوقع يا أخـي انه كثير من المشايخ الـي ينأخذ بكلامـهم وآرائهم وفتاويهـم ويصلى خلفهم كان منهم أكبـر مغازلجيــه او مفحطيــن لاكـن كانت مرحله وانقضـت من حياته فالمقصد من كلامـي واضح مايحتاج اكثـر

كل هالكلام نعرفه جيدا و لم تأتي بشيء جديد ابدا
اعرف ان الشخص الذي يغازل شخص عادي وبعضهم اقل من عادي ايضا وقد يكون شخص ناجح عمليا وليس فاشلا ولكن مبتلى بهذا الشيء واعرف انها مرحله
بعمره لها اثارها ومرحلة مراهقه ومرحلة تشتت ذهني وهي اشد المراحل في حياة كل شخص
لانه من خلالها تتكون شخصيته ورأيه وفكره هذا كله نعرفه ياغروده لا يحتاج الى التعليق
منك لا قبلا ولا بعدا

إقتباس واذا انت بتاخذهــا على ان الموضوع لناس وناس لاء ,, فأنـا اقولـك الموضوع بدء بسؤال للبنــات ؟؟؟

كيف يعني موضوع لناس وناس لاء ؟؟
بصراحه كلامك غير مفهوم
والموضوع مايهم من بدء فيه بسؤال للبنات او للشباب مافيه اختلاف كبير او اختلاف يذكر .
المهم انه جيد ويلامس الواقع .
سابقا عندما رددت عليك اعتقدت انك فهمتي اللب وتركتي
القشره .
ولكنك تدورين في حلقه على نفسك ؟ على ماذا بالضبط لا ادري ؟؟

إقتباس ويدور عن اراء البنــات ؟؟؟ وشوله تدخــل وتحط رأيــك

يدور على اراء البنات الشباب اهم شيء اناقش واقرى بشيء مفيد لي ولغيري
وشيء نخرج منه بعبره وباستشهاد واضح للامور الواقعه في هذا الوقت .
اما مجرد الرأي لاجل الرأي لا ينفع ولا يسمن ولا يغني من جوع .
وقلتي : وشوله تدخل وتحط رايك ؟


برضوه اقدر اقولك بس وشدخلك بحط رأيي (( بالله هذا سؤال هالحين ))

رأيي قاهرك مررره ليش طيب ؟؟

هالحين هذا اللي قدرتي عليه في الاخير اني (( مو بنت فليش ادخل واحط رأيي ))
اجل طلعت ملقوووف وانا مادري بس تصدقين كل المشاركين كانوا بنااات صح
توني انتبه

مرة اخرى قلت لك اتمنى اختيار الكلمات الجيده في النقاش
وهذه الكلمه خارجه عن حدود المعقول والمنطق والفكر اللي كل شوي تذكرينها في كلامك
العابر والسريع .
وبعدين تناقضين نفسك بنفسك كلامك فوق يجاوب على سؤالك هذا
اذا حـاب انك تعرف ليش رديــت عليــك فهو لأن الموضوع ماهو لطبقه معينه اتوقع الجميـع يقدر يشارك ويقدر يبدي رأيه

وشوله تحط رايك ؟؟
الموضوع طرحته الاخت شذى الهلال من اجل النقاش وطرح الاراء
اتمنى تعرفين هالشيء
الشيء الثاني كل المواضيع يطلب فيها الرأي او المشاركه الفعليه
والحمدلله فعلت هذا الشيء
ثالثا الرأي يعبر وجهة نظر يجب احترامها من الجميع
رابعا احط رايي لانه بكيفي اعبر عن اي شيء ابيه
وفيه مشرفين وفيه ناس تحاسبني على كل كلمة خارجه عن الحدود الحمراء .
واخيرا
اكثرنا النقاش بدون فائدة تذكر حقيقة بعض الاحيان يكون النقاش
عديم الفائده والان هو كذلك .
ولانك تبحثين عن هذه الاشياء :
ليش تحط رايك ؟
وشوله تقوله ؟؟
محد طلب منك ؟؟
معناة رد عقلاني ؟؟
اللي بدء في الموضوع هو سؤال للبنات ؟؟

مادري ليش مهتمه كثير عن غيرك ؟؟
الكل قرا كلامي ولا علق عليه بانه غير مناسب او غير موجود او غير لائق
فقط انتي
فغيرك اشاد برأيي المتواضع جدا .
واحترم وجهة نظرك واي شخص كان اذا كانت في حدود النقاش المفيد لي ولك
وفي حدود المعقول .
اما غير هذا فلا يهمني رأيــــــك ولا راي غــــيرك.