نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - ][ Euro 2008 ][ المجموعـ C ــة ][ إيطاليا / فرنسا / هولندا / رومانيا ][ كل مايختص بمجوعة الموت ][

G o L d E s T · #10 12/06/2008, 10:01 PM

//

ناصر

ودي أقول إني ما اقتنعت بس أخاف تشجع الانتر

أساس الموضوع إنك كنت تلوم الاتحاد الإيطالي على إنهم نزلوا اليوفي للسيريا بي على أساس إنه ممول للمنتخب

لكن صعبة إنهم يسوون عفو مثل ربعنا لأن هالشي بيقلل من قيمة الكرة الإيطالية

عموما خلنا من الأندية ونتكلم عن الآزوري أحسن

أكثر من فريق مدربهم سيء لكن بقوة واصرار لاعبينهم يقدرون يحققون إنجازات

نتمنى نشوف اللاعبين بمستواهم ويرتفع فكر دونادوني شوي

بالنسبة لمباراة رومانيا

فأتمنى دونادوني يدخل بالتشكيلة هذي

بوفون

جروسو . كيليني . برزالي . زامبروتا

دي روسي . بيرلو . جاتوزو
كامورانيسي

دلبييرو . توني

لازم يكون فيه تنويع بالهجمات مرة من الأجنحة ومرة من العمق ومرة كرات طويلة من الخلف

# زامبروتا و جروسو لازم ياخذون راحتهم هجوميا ويغطون عليهم المحاور إذا تقدموا

# جاتوزو مهمته من دائرة النص ووراء ما نبيه يتقدم أبد

# دي روسي وبيرلو كلهم عندهم نزعة هجومية ممتازة عشان كذا من الأفضل واحد يهاجم والثاني يغطي

# كامورانيسي يلعب على العمق أفضل ويخلي الطرف الأيمن لزامبروتا

دلبييرو أفضل من دي ناتالي بهالنوع من اللقاءات اللي يصير ما فيها مساحات والخصم مقفل لأن دي ناتالي خطورته بالمرتدات بس

وهناك أكثر من حل بدكة الإحتياط أبرزهم كاسانو و اكويلاني وبيروتا ودي ناتالي

يعني لو شفنا توني يحوق كعادته

علطول ينزل كاسانو ويلعب رأس حربة مثل ما كان يلعب مع روما بموسم 2004

ودلبييرو وكامورانيسي لو ما لعبوا بشكل ممتاز ينزل بدالهم كاسانو أو دي ناتالي

ولو ما مشت الأوضاع تمام يطلع جاتوزو وينزل اكويلاني أو بيروتا عشان يزيد النزعة الهجومية

خطورة رومانيا بالجناح الأيسر من موتو والجناح الأيمن من رقم 11

عشان كذا لازم المحاور يصيرون مصحصحين بالتغطية الدفاعية إذا تقدموا الأظهرة

رأس الحربة حق رومانيا رقم 21 ما له خطورة كامكانيات لكنه ممتاز بترويض الكورة ويمسكها صح لمين يفتحون له زملائه

عشان كذا لازم قلوب الدفاع يضغطون عليه وما يخلونه يثبت أي كورة

بالتوفيق للآزوري

//