نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - عندك شهادة تسوى ... ما عندك شهادة ما تسوى

dal3_uae · #7 12/06/2008, 11:10 AM

إقتباس

الرسالة الأصلية كتبت بواسطة صمت الخفوق


	صدقج والله يا دلع الشهاده صارت اهم شي في هالزمن وشكرا ع الموضوع الروعه

يا مرحبا الساع بصمت الخفوق ...
وينج يالدبه ...؟؟؟

حياج الله ... انا وانتي نعرف هالشي لأنه عايشين واقعنا في الامارات ...
صحيح الواسطه موجوده لكن مب شرات قبل

تحياتي لج

إقتباس

الرسالة الأصلية كتبت بواسطة عطـــر الصمــــــت


	احنا في زمن الواسطه ياعزيزتي انا جامعية وماحصلت وظيفة وفي نفس فترة بحثي عن وظيفة حصلت بنت خالتي على وظيفة في الاشراف التربوي بالرياض وهي شهادتها ثاني متوسط لان عندها الواسطه توظفت الله يزيدها ويوفقها هذا ظلم مجتمعنا لنا نحن الخريجين ..وعاقبة الظلم كبيرة

تبين الصراحه
من خلال هالموضوع حسيت انكم وايد تعانون من الحصول على الوظيفه ...
كنت اطالع قناة الاخباريه ...
استغربت من شي واحد بس ...

انه جامعي يشتغل ميكانيكي وايلس ينظف السيارات
وله واحد ثاني بعد جامعي ... ايلس يصب بترول ...
وله الثالث يالس يتكس

صح انه الشغل مب عيب لكن والله كيف جيه ... جامعي ويشتغل جيه ...
عيل شو بيصير بعدين ؟؟؟

بس بالنسبة لنا الامر يختلف ...
يمكن عادي عندنا الاختلاط فنحصل وظايف بالهبل ...

يعني والله الجامعيه اييها اكثر من وظيفه لكن ما تباهاااا ...
يمكن لأنها ما تبى الاختلاط .. او مب عايبنها .. او لاسباب ثانية ...

هاي اذا كانت خريجه جامعيه او حتى الثانويه ...

اما بالنسبة للشباب فعادي والله يحصلون في كذا مكان لكن شباب هالايام ما يبون اي وظيفه ... يبون يكونون مدنيين وفي المكاتب بس ...

يعني ... الامر يختلف عندنا وعندكم ...

والله يوفقج يا وخيتي ...

تستاهلين ورده