فنون هلاليه بجنون
\
/
يا ما تحت السواهي الدواهي
>>> أحسك تحشيني بهالهرجة عموما ناويلك على نيه

لا عاد على سواليف الإمتحانات اللى صارت لى خلال ذي الترم
فيا كثرها ،، قبل اسبوع كان عندنا إمتحان كله حفظ في حفظ وأحنا
طول تخصصنا ما لنا بالحفظ ،، فاللى صار واحد من الشباب ما أعجبه الوضع
فبرشم المنهج كامل وكانت برشمة روعة ومرتبة أخذها نصها معاه والنص الثاني
عطاها لواحد لثاني من أخويانا فوسط الإمتحان جاء وقت تبادل المعلومات
فاللحظة ذي واحد منهم شفت زعلان ومتلخبط في القاعة وبعد الإمتحان طلعنا
ووقفت معاهم قلت وش فيك ،، قال شوف فلان الدلخ خاف من الدكتور وخاف
من اني يشوفه ويسجل عليه محضر غش وقام و بلع البراشيم
عاد وقتها ضحكت ضحك نساني التخبيص اللى صلحته وراي بورقة الإمتحان

وبخصوص وقت المذاكرة ،، بالله عليك من الساعة اربعة لين اربعة مذاكرة
اولا ما شاء الله عليك والله يوفقك وثانيا لو ابسوى مثلك يمكن يحصلوني اهلى
في اليوم الثاني متشنج بغرفتي وإلا إني معلق نفسي برجولي في مروحة غرفتي
والله كلها ثلاث ساعات وتخب على أصعب مادة في جامعتنا يا عسى الله يحفظها
>>>> يقولها من وراء قلبه

شكرا على روعة حضوركـ
وتقبلي فائق ودي وتقديري
ويا عسى ربي يوفقك ،،
\
/
ورده