الموضوع: || رابطة عشاق الشياطين الحُمـر || Kings of Premierleague .. Kings of Europe ||
مشاهدة مشاركة بصفحة مستقلة
  #12812  
قديم 08/06/2008, 11:20 PM
Hilal Mu Hilal Mu غير متواجد حالياً
زعيــم مميــز
تاريخ التسجيل: 15/05/2004
المكان: الرياض
مشاركات: 5,989
يالله عاد أول رد للمان بهالنك الحلو


أبي أتكلم عن اللاعبين اللي من الممكن أنهم يجون للمان

يعني لو مايجي ولا لاعب ماعندي مشكلة ماعدا خانة وحدة وهي الظهير الأيمن


ومهاجم إن أمكن تحسباً لخروج رونالدو الي برجع له بعد شوي

مهاجم يكون قناص لأن عندنا روني وتيفيز من الممكن إنهم يكونون مكملين للمهاجم

بالنسبة لرونالدو اول ماطلع بتصريح إنه بيروح للريال قلت طار علينا الولد رغم إنه مايقدر يروح إلا بموافقة المان

لكن بعد التصريحات الأخيرة إن رونالدو يقول مابعد قررت ومره تطلع أمه تقول أبي رونالدو يجلس

ولا ويقولن رونالدو مايرد على مكالمات السير

من المفروض يدق على الثاني ويقوله أبي أطلع

السير ضامن بأن اللاعب معه ولا يحتاج يكلم أحد

وعرفت إن السالفة خراط بخراط

والدليل لما قالوا إن السير راح لرونالدو في سويسرا وهو متكي مع أهله في جنوب فرنسا


المهم شوفوا لقطة رونالدو بعد بلنتيات نهائي دوري الأبطال وهو يصيح وانتم بتحكمون هو بيطلع والا لا

بس الغرض من سكوت رونالدو هو إنه يبي يرفع راتبه حسب توقعي

وبالأخير إذا طلع رونالدو وإلا جلس المان عمره ماأعتمد على لاعب

والدليل بيكهام وشمايكل وستام

ولا تخافون يعني ماراح تشوفون رونالدو لابس الريال إلا إذا قال السير بأبيعه

وإذا السير ساكت ولا يبي يبيعه يعني حطوا في بطونكم بطيخ صيفي تصدقون اشتهيت جح

نشوفكم على خير