نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

هلالي الظهران · #3 07/06/2008, 02:57 PM

وعليكم السلام والرحمه..

اووووه فيو كاتبه موضوع!!

غريبه زمان يادنيا لاني اخبرك ماتكتبين مواضيع الا اذا حطيتي توقعي جديد وتبينا نشوفه خخخخخخ

فيو التوقيع وشفناه أوكي؟ ومافي داعي تحترين سطعشر يوم لاني خلاص جيت خخخخ ..لانه مثل ماتعرفي ان الفرح احد مترادفات كنيتي

.. ايه اقول التوقيع وشفناه لكن وش هالحوسه واللحسه؟!
اقسم بالله اقرا فقره وما اروح للي بعدها الا وانا ناسي اللي قبلها.. الين وصلت عند الرد وانا ماعاد اذكر شي بتاتا البته

..

يعني بالله وش فيها مواضيع ناروتو وسنجي والانسه ميشن؟ على الاقل تعبرين فيها عن ثقافتك ونقدر نسلكلك

.. الحين احس عيني اليسار قالطه في فتحة خشمي اليمين .. واذني الشمال تستهبل صاقعه مع المخيخ.. يا شيخه صرت مابجمعش!!

الموضوع يبيله جلسه حتى نفند هذه الارهاصات والخزعبلات ويبيلي اجيب قلم رصاص معي واخطط وين انا وصلت

.. من جد قمة القهر لا انتهيت من سطر وتبي تقرا اللي بعده واذا وصلت اخره تكتشف انك عايد السطر من جديد

وحليني عاد ادور السطر من جديد

..

يعني انا ماعقدني في هالدنيا الا حاجتين بس .. اني افتح علبة مناديل او ادخل المفتاح بسلسله

وموضوعك هذا الثالث الحين

..

لكن بعد قراءه نقديه بحثيه متعمقه استنتجت انك تتكملي صح! والدليل القاطع الذي لاتشوبه شائبه:

ان البلوتوث مشتق من التلبثاني .. وما البلوتوث الا محاكاه الكترونيه للعقل البشري والظاهره العلميه المساه بالتلبثاني.. وللاطلاع على المزيد الرجاء الدخول ع الرابط التالي:

www.telpth-tooth.org

^
^
^

بالله كم مخفه ضغط على الرابط ؟ لا ومن زود الفسقه حاط .org خخخخ

.. بالله اطلعي من مخي فيو .. شايفتن مخفه عندك انت واخوك

.. الهاوي افتى خلاص وقال شعوذه وانا اشد على يده واضيف: انها لشعوذه وارهاصات خزعبليه تورد راعيها الى التهلكه وتستوجب اقامة الحد .. ويرفع قولنا هذا الى الجهات المختصه لاجراء اللازم..

والا اذا فتحنا الباب لمثل هالمواضيع .. فانا عندي ظاهره تعرف بــ " coincidences without appointment" .. يعني صدفه من غير ميعاد .. وهي شرح للاسم العلمي "Sh3wathology" .. والظاهره تقول: كل ماجبنا سيرة القط جاء ينط

.. وعلى سبيل المثال :-

فيو خرجت من البيت على أساس انها تروح للجامعه بس وهي بالطريق دقت عليها ميسو وقالت لها: اجحدي الجامعه وخلينا نروح دانكن اللي بالعليا(<<بينطق

) ..لما وصلت فيو لدانكن فجأه لقت ميسو هناك!! يا ألله ليه جات ميسو بنفس الوقت مع انها مواعدتها؟! طيب لماذا في هذه الصبحيه بالذات؟! طيب ليه مثلا حصلوا بعض بدانكن مهو بستار بكس مثلا؟!من المتسبب؟؟ معقولة قضاء وقدر او هقوتكم ان ظاهرة Sh3wathology تفسر الموضوع ؟

فيو اذا اثبتي ظاهرتك ابثبت ظاهرتي انا بعد .. وسوري ع الرد المعوق بس اشتقت لايام المحارش

.. بس بالله على هالرد ماينفع اقدمه رسالة ماجستير

..

أسلم عليك..