انت يا .. ولد عم نواف ..

وش دخل ولد عمك في الموضوع !!!؟ انا اتكلم عن لاعب يلعب في الهلال يالاخوا !!!

وبالنسبه للاسم فانا ماطلبت شورك فيه .. فليت تحتفظ برايك لنفسك اصلحك الله ..!


الاخ اللهلوب ..

إقتباس مع الأسف ما وجدت في الموضوع أي نوع من النقد البناء. نعم نواف مستواه نازل، لكن هل الحل إننا نقول: إقتباس من مشاركة اوين ما اقول الا الله يهدي اللي ماخلاه يروح لنادي (رودا ) المغمور .. لو كان راح كان استفدنا من الجهتين الماديه والفنيه. أو نقول : إقتباس من مشاركة اوين وكأن الجماهير التي تحترق اخر اهتماماته وهو يسحب رجليه في الملعب !!

انت هنا اقتبست كلامي وشرحي للمشكله وتسألني هل هذا هو الحل !!!؟؟

إقتباس أبقول لك إياها على بلاطة، لو المدربين يمشون على نظريتك هذه – كان الحين زيدان يلعب في رودا الهولندي، و رونالدو في سيلتا فيجو، و ريفالدو في أندرلخت البلجيكي… ليش لأنهم ببساطة في فترة من الفترات كانت مستوياتهم في الحظيظ !! و أسوأ بكثير مما يقدمه نواف حاليا !! لكن لأن عقول جماهيرهم الرياضية نظيفة و يعرفون حجم نجومية نجومهم الذهبيين و خبرتهم الكبيرة، صبروا كثير عليهم .. ثم الآن أصبحوا مطلب لأي نادي ! فالأولين انتقلوا للريال، و الأخير لميلان! بينما حنا نسعى لقتل لاعبينا بأيدينا!!

اسمحلي اخوي اللهلوب كلامك مهوب صحيح ومقارنتك ليست في محلها .. فالمعروف ان مثل اللاعبين اللي ذكرت مستوياتهم ممكن تنخفض مباراه والا ثنتين او ثلاث .. لكن لا يمكن ان تنخفض موسم كامل او عدة مواسم!! ولو نواف عندهم كان من سنتين ماسمعت به .. وبالنسبه للعقول النظيفه ! فهل انتقادنا لنواف يخلي عقولنا وصخه الله يدفع البلاء !!!؟ مشكور اني واي .

محمد ابولما ..

إقتباس موضوع له توقيت غريب ونقد في غير محله ....

احترم وجهة نظرك .. لكن اخالفك فيها فانتقادنا له الان من باب لعل وعسى ان يعدل مستواه في مابقي من الموسم ويمحو صورته المشوهه الحاليه في نظر الجماهير .. وبالنسبه للنقد فوراه ان شاء الله مهوب في محله !!

إقتباس وكنت تستطيع ان ترد على من أثار الموضوع في موضوعه ولكنك على ما يبدو أخترت ان تفتح جبهه هناك بعيدا .. لتكتب سطورا بأسلوب يتضح منه أنك في حالت (( هيجان كامل )) ولا أدري لماذا ؟؟؟؟

مهوب موضوع ولا اثنين ولا ثلاثه .. عد واغلط .. وبعدين هل فتح موضوع مستقل جريمه !! اما الهيجان فلا هيجان الله يكفينا الشر ولا شي ( قالولك بعير ) كل الموضوع اني شفت المستوى مدحدر والجماعه اما يمدحون واما يرقعون فحبيت ابين وجهة نظري .. وبس .

إقتباس ماذا فعل نواف .. ؟؟ ومن اللي أشغلك فيه ؟؟؟

مستواه هو اللي اشغلني ..!

إقتباس أعتقد انه من المفروض ان نقف جميعا مع لاعبينا بذات في هذا الوقت الصعب .. وخاصه نواف الذي يعاني ويضحي كثيرا مع الفريق .. فيكفي انه أصيب برباط مرتين وهو بشعار الهلال الغالي .. هل تعلم ماذا يعني أن تجلس حبيس العلاج ست أشهر .. تمشي بنظام وتأكل بنظام .. ولا تحيد عنه ولا حتى شبر واحد .. لماذا عندما نقف مع نجومنا الذين أعطونا الكثير تأتي بعض الأقلام .. أن صح تسميتها ذلك .. لتأخذ جانب آخر وتأبى الا ان تمسك الطرف الآخر ...

اعتقد صبرنا بما فيه الكفايه .. واللي مبين انه استعاد لياقته ما شاء الله وجاء الوقت اللي يرد الدين اللي عليه خصوصا ان الهلال ما استفاد منه مده طويله بسبب الاصابه مع انه يستلم راتبه ومقدم عقد ه وهو من حقه مادام اصيب مع الهلال .. لكن وبعد عودته ولعبه لموسم كامل بعد الاصابه ما زال يقدم مستوياته الحاليه فهذا مالا يجب ان يسكت عليه بذريعة الوقوف معه .. فما يهمنا في المقام الاول هو مصلحة الهلال .. ومصلحة الهلال ان يجني ثمار زرعه .. لا ان يدفع ويجد لاعبين محسوبين كنجوم يلعبون بمستويات لا عبي حواري وبنفس خايسه وتعالي غريب على الكره ..

إقتباس لا اقول الا هدانا الله وأياك ..

الله يهدي الجميع وجزاك الله خير اخوي محمد ..

باتي جول .. القسوه مطلوبه احيانا .. حياك .

هلالي اصيل .. مل الصبر ما مل صاحبنا .. لكن نتمنى يتعدل الحال في القريب العاجل بأذن الله .. تحياتي لك ياغالي .

منادي ..

إقتباس يكفي شهادة المدربين ورؤساء الاندية في حق النجم الكبير نواف التمياط.

مالي علاقه بشهادة احد .. مالي الا اللي اشوفه .. واعتقد غالبية الجمهور وصلوا لدرجه ما يحتاجون فيها لاحد يبين لهم ان هذا اللاعب ممتاز والا لاعب مافي راسه !

إقتباس لاعب يحترمه الجميع ((رغم انوفهم)).

إقتباس نواف ابن من ابناء الهلال الاوفياء رضي من رضي وابى من ابى

احد قال انه مهوب من ابناء الهلال !! والا احد جاب طاري كونه محترم والا لا !! عموما هذي الصفات تنطبق على كل لاعبي الهلال تقريبا والا انت لك راي اخر !؟

تحياتي .

h_611
كلام سليم تشكر عليه ياغالي .. تحياتي لك ..

ابو حمد935
مشكور ياغالي وهذا هو الصح ..

رعبوب11 ..

إقتباس حبيبي أوين هاذي وجة نضرك أنت بس أما نواف يبقى نجم فوق العادة رضيت ولآمارضيت

إقتباس بس أنت وغيرك حاطين المجهر على أبو بندر بس !!!

ياحبكم لتحويل المسأله لمسأله شخصيه !! ياخي انا نقدت مستواه عندك رد مثل الناس على كلامي رد والا نقطنا بسكاتك !

مرتاح احبك ..

إقتباس فكرت .. وفكرت وفكرت وعجزت احصل الفايدة اللي ممكن يحصلها الجمهور ولا النادي ولا اللاعب من موضوعك هذا

كل هالتفكير وما لقيت فايده وحده يكفي ان اللاعب يدري ان فيه ناس تحاسبه على اخطاءه .. ويكفي ان الجمهور يقول رايه بدل ركوب موجة المدح مع انه مهوب مقتنع وهذا ظهر من خلال بعض الردود ويكفي ان النادي يستفيد اذا صحح اللاعب اخطاءه بعد مايعرف وش اخطاءه ان كان يجهلها .. اقول والا يكفي ! ..

إقتباس لكن هذا مايعطيك الحق ابد انك تقول : وكأن الجماهير التي تحترق اخر اهتماماته وهو يسحب رجليه في الملعب !! ولا : وبعدين اللاعب المخلص اذا قطعت منه الكوره نلقاه يقاتل عشان يستعيدها ويصلح خطاه .. لكن خوينا انتم احكموا بانفسكم عليه بخصوص هالنقطه

ليه مايعطيني الحق!؟ .. مهوب كلامي اللي قلته صحيح !؟ اذا ليه اسكت !؟ عطني سبب واحد اني ما اكتب اللي كتبت !؟

إقتباس الله لايهينكم اذا رجع نواف لمستواه ان شاء الله ... وجاب لكم هدف مثل هدفه الذهبي على المحمدية المغربي.. اياني واياكم تصارخون وتشجعون .. واذا حط حطة تمياطية ادت الى هدف مثل حطته لحسين العلي في نهائي كاس الكؤوس الاسيوية (برضوه هدف ذهبي )ـ ... اياني واياكم تصفقون .. والاهم اذا فاز الهلال بمباراة تجلى فيها ابو بندر ...مثل مباراة الذهاب قدام شيميزو...انتبهوا ...اياني واياكم تفرحون .. لانكم بكل صراحة وبدون زعل ... ما تستاهلون مثل هاللاعب وبالتالي ما تستاهلون اي شي يقدمه لكم

هذا واجب عليه .. وترى ماجاه من مدح في السابق يكفيه وزياده .. ومهوب معنى انه سجل والا صلح اهداف حاسمه ان احنا ماعاد ننتقده .. اذا ابدع مدحناه واذا خنبق نقدناه هو والا غيره .. والمدح على طول الخط مهوب زين ابد ! وتحياتي لك .

almog_alazraq ..

إقتباس الحين معقوله اللي جالسين يتكلمون عن نواف هم هلاليين

لا مندسين يمكن !!!

إقتباس اهتموا يا جماعه في التمياط تراه لاعب صغير في السن ويجب الوقوف معه لا ضده

ترى انتقاده يعتبر من الوقوف معه كانك ماتدري .. تحياتي اخوي ..

ريانة العود الهلاليه .. اعيد عليك ردي على الغالي سراب ..

موج الخليج الازرق ..

إقتباس أما بالنسبة لإنتقادك الثاني فربما خانك التعبير قليلاً في إنتقاده و وصل إلى حد (( الجلافه )) بعض الشيء يا غالي ..

صدقني الحده احيانا والقسوه مطلوبه عشان توصل كلامك لمن يهمه الامر .. وهي جلافه كما قلت اتت من مكانة اللاعب المنقود وحجم نجوميته في الفريق ..

إقتباس لكن تظل وجهة نظرك محل إحترام و تقدير و الإختلاف في الرأي لا يفسد للود قضية و للجميع حق إبداء أراءهم مع التقليل من أسلوب الجلافة قليلاً

تسلم ياغالي على ذوقك والجلافه ماعنك وعنها احيانا فالعذر والسموحه ..


ابو يعقوب وبس .. يارجال خلها على ربك .. وبعض الردود متوقعه فلا تشغل بالك .. وزي ماقلت نتمنى من نواف (( القتال على الكره .. قلة التسديد مع التركيز .. الدقة في التمرير .... وأهم شي ترك الفلسفة الزائدة فقط . ويرجع نواف زمان .)) كلام درر .. تسلم ياغالي على اضافتك ..


ارفع راسك انت هلالي ..

إقتباس شكلك ياخوي كاتب هالموضوع لشئ بخاطرك ضد نواف

اي والله .. ذاك اليوم بغيت منه سلف ولا عطاني عشان كذا حبيت اشذبه هنا !!!! كيف الحال !؟

إقتباس ويكفينا شوفه نواف في الملعب لو انه قاعد احتياط لان وجهه وجه خير عالهلال وكل هلالي

خلاص بنصوره وبنبروز صورته عشان اذا صار مهوب موجود نقوم نحط صورته على الدكه ونخلي الخير يهل علينا !!! يالله حيه ..


حبي تيماوي ..

إقتباس الا خ أوين رغم تحفظي على الكثير من مواضيعك وما يساورني فيها من شك !!!!!!!!!!

عسى مهوب شك من نمونة اني مندس !! يصير !
عتبي عليك كبير كونك مشرف اخوي حبي تيماوي ..

مالها الا هلالها ..

إقتباس الله يهديك .. وياليتك ماتحاول تشق الصف الهلالي لا أنت ولا غيرك بهالخرابيط ..

الله يشق راس العدو قل امين .. ياخي مهيب مشكلتي اذا كل واحد يفهم بطريقته ويرد باسلوبه .. وبالنسبه للخرابيط فياليتك تعلمنا وتنورنا .. ترى مالنا غناة عنك !!

ابراهيم 11.. مشكور ياغالي على اضافتك ..

اليامي ..

إقتباس غريبة والله غريبة ماادري وش هالاجحاف بحق نواف00 ليش هالجحود لما قدمة ابو بندر00 ليش هالنكران لتظحيات التمياط00

ياحب البعض للكلام الكبير .. نكران جحود اجحاف .. ياخي نقدنا مستواه ووضحنا وش سوا .. هل في هذا نكران او جحود !!!؟

إقتباس ع العموم والله ماادري للحين سبب هالكلام وليش نواف بالذات؟؟؟؟؟؟؟؟؟؟؟؟؟؟؟؟؟؟؟

ياخي واحد طاح مستواه تبينا ننتقد اللاعب اللي جنبه !!!؟ وبعدين ودي ارد بنفس اسلوب سؤالك .. ليش نواف بالذات ماتبون احد يجيب طاريه ؟؟؟؟؟؟؟

البتار .. حنا مابلانا الا .. اخاف يزعل فلان والا علان .. ياخي مادامك شايف شي ما اعجبك تكلم فيه ولا تنتظر رأي احد في الكلام اللي بتقوله ما دامك مقتنع فيه .. وتحياتي لك ياغالي ..

الغالي فاهم جدا ..

قبل ما ارد عليك احب اقول لك اني لو ما كنت مقتنع بكلامي كان ماراح يقنعني احد غيرك .. باسلوبك الراقي والعميق في الرد .. عموما الاختلاف في الرأي لايفسد للود قضيه ..

إقتباس لست انت من لا يعرف ان نواف من نوعية " نجم المناسبات " .. هذه المـيزة التي يخفق فيها عشرات النجوم الورقيين عند حلول مساءها .. ماطر - القهوجي مثالين لذلك ..

وما المانع ان يكون نجم كل المناسبات !؟ اي ان يكون مستواه رائع في كل المباريات الحاسمه وغير الحاسمه مثل مباريات الدوري !؟ لا يوجد مشكله في انخفاض مستواه مباراه او اثنتين لكن ان ينخفض كل هذه المده فهنا مكمن الخلل ومثار الانتقاد .. وهو على فكره لا يبرز في كل المناسبات النهائيه بل بعضها ..

إقتباس ناهيك عن ان هذه المستويات المتأخرة التي يقدمها نواف طبيعية بـل انها رائعة مقابل انه للتو عائد من إصابتين هالكتين في الركبة .. إعتبرها تأهيلية له .. لكنها هذا المستوى التأهيـلي افضل بكثير من غيره .. فمباراة "العــــين " المؤهل ان يكون بطل آسيا .. كان للزعيم وجوداً غير متوقعا ً لتجـلي نـواف .. أضف الى ان مباراة الإتحاد .. وهي الأهم كان له بصمة الإجهاز على المباراة .. من تمريرة ولا اجـمـل .. اخي اوين .. لست انت من يحكم على " تأثير " اللاعب بمجرد تسجيله الهدف او صناعته له فقـط ..

ما تشوف معي اخوي فاهم انه اخذ فرصته على اقل من مهله ليستعيد مستواه .. ومع ذلك مستواه لازال مكانك راوح مع بروزه في مباراه او اثنتين .. وهو بذلك عكس الايه فبدلا من ان يغيب في مباراه او اثنتين ويبرز في البقيه .. نجده يغيب في كل المباريات ماعدا مباراة او ثنتين يبرز فيهن !! وهذا ليس عشمنا في لاعب محسوب من فئة النجوم .. وبالنسبه للحكم على اللاعب من خلال هدف او تمريره فوالله اني اشد الناس مقتاَ لمن هذا ميزانه في الحكم على اللاعب .. ولكن حكمي يأتي من خلال مدة لعبه كامله وهذا هو الحكم الصحيح غير المجحف في حق اللاعب وغير المبالغ في الثناء عليه ..

إقتباس نواف .. ساهم بعد توفيق الله جعل الهلال من ابطال الموسم الماضي .. هدفي نهائي خادم الحرمين رغم انه لم يكن في مستواه .. وهدفي نهائي آسيا مع هونداي .. حيث كان رجـل المباراة الأول .. هذا فضلا عن البطولة العربية والآسوية وكأس الإتحاد وولي العهد وكأس المؤسس .. بل ان البطولة التي مازال يتذوقها الجمهور الهلالي بين الحين والآخر مع الشباب 1418 هـ كان نواف هو نقطة التحول الكبرى فيها .. فبلنتي الهـلال كان بمهارته المطلقة ..

انا لا اريد ان استعرض ماحقق مع الهلال .. فما حققه مع الهلال او المنتخب جاه من الثناء عليه مايكفيه ويزيد .. وان كنت اشوف ان ذكرك للبلنتي في نهائي 1418 لم تكن نقطة التحول الكبرى وانما كانت قذيفة سامي هي هدف البطوله الذي لم يحسمها مع عدم اغفال ان البلنتي كان نقطة تحول ( تقرقع في صدري ماقدرت اسكت ) ..

إقتباس إذا .. صدقني انه نجـم ٌ آخـر .. بل هو قـائد إنجازات المستقبل والقادم ليكمل مسيرة النعيمة والثنيان وسامي .. بـشرط ان نقف بجانبه فهو يستحــــــق ..

اتمنى والله ذلك .. ولذلك انتقده وانا بذلك اقف معه .. ونواف الخوف عليه من المدح اكثر من الخوف عليه من النقد .. تحياتي لك ياغالي ومشكور على تشريفك .


لباقي الردود عوده بأذن الله ..

اوين ,,