انا شجعت الهلال منذ مبطي بس كان لي قصة طريفة

كنت مره وانا في ثالثة ابتدائي رايح اخلع ضرسي في الوحده الصحية

زمان ما كان فيه مستشفيات واجد المهم رحت وخلعت الضرس ولله الحمد

بعدين رحنا عند عمي وصلينا الظهر ويوم طلعت من المسجد

واذ فيه سيارة اتذكرها إلى الان لونها ابيض

وهي سيارة من نوع كرسيدا 80 وكانت دوبها طالعة والناس طايحين فيها ( فياجرا ذاك الزمان )

المهم ما ركزت في السيارة لاني ما اعرف اسوق بس ركزت في شيء مهم وهو









شعار الهلال كان محطوط في الزجاج الخلفي للسيارة

ويشهد الله اني جلست اطالع فيه لين ما عاد اشوف السيارة

عاد سألت هذا وشهو اللي في السيارة من ورا

قالولي شعار الهلال وهو نادي في الرياض


ومن يومها وانا اشجع الهلال لانني احب اللون الازرق وارتاح لما اشوفه مهما كان

حتى في المدرسة كنت ما اكتب الا ( بطباشير ) لونها ازرق <<< ما لحق ايام الاقلام والسبورة الالكترونية

المهم من يوم شفت الشعار وانا مهتم بهذا النادي وبعد ما شفت يوسف الثنيان

ولعبه وفنياته وحرفنته ما عاد اشجع الا الهلال ولا عاد اشوف غير يوسف الثنيان قدامي

المهم حتى في لعبي كنت اقلده حتى في الجرية والمشيه

وما كنت البس الا فنيلة الهلال وعليها رقم 15

حتى في المدرسة يوم نلعب مباراة ويقولون جيبوا فنلية ابيض والا اسود والا اي لون

كنت البس فنيلة الهلال واذا سجلت هدف نزلتها عشان الناس تشوف رقم 15

واذا ما سجلت كنت انزل الفنيلة اول ما يصفر الحكم حتى لو بين الشوطين


لدرجة انه بعد اعتزال يوسف جاني بلا ما عاد اتابع الكورة ولا اتفرج المباريات

بس كنت اتابع الهلال فقط واعرف نتائجه عبر الصحف

والان بعد عودة الفن والامتاع للهلال بتواجد

ياسر والتمياط والشلهوب والتايب وعزيز والزوري والدعيع رجعت وصرت





























هلالي متعصب ( يعني اللي يقول شي فالهلال صفقته بالمشعاب على راسه )

دمتم بود