نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - فقط للعزاب بدون المتزوجين ....والبنات لا يوطوطن الموضوع رجاءً

أزرقـ الدم · #2 30/05/2008, 03:48 PM

إقتباس

الرسالة الأصلية كتبت بواسطة ازرق+ابيض=عشق الهلال


	قضيت من القلق الي ناشبن بحلقي الموهم ازرق الدم انت وخشتك ماعندي شي ابقوله الا الله ينصر العزابيه في كل مكان وان شاء الله كل مارحت السوق يدخلونن طفشت من الاماكن السخيفه ومقابل وجه عيال عمي الي يجيب الكيوبدرا<<<من وين جايبها ترا جد شي يرفع الضغط والمشكله في حجه يقولون ثلاث ارباع الشعب داج وذا دخل السوق يكون هدفه زي خشته بالله ماشافوا الشباب الحلو مثلي وشرواي وشروا ازرق الدم

إقتباس


	قضيت من القلق الي ناشبن بحلقي

اكيد هاذا الي ناشبن بحلقك متزوج

إقتباس


	ازرق الدم انت وخشتك

يازينها من خشه ...وخاصه انها خشة واحد عزوبي

إقتباس


	أزرق الدم انت وخشتك ماعندي شي ابقوله الا الله ينصر العزابيه في كل مكان

اللهم آآآمين

إقتباس


	طفشت من الاماكن السخيفه ومقابل وجه عيال عمي الي يجيب الكيوبدرا<<<من وين جايبها

مو بس كذا ...طفشت من العالم كله ...الرياض على كبرها صااارت قد السمسه عشنا مشردين في مدينتنا

مادري ويش فينا نحن معشر العزوبية مافيه ألا اننا نجتمع ياعزوبية الرياض ونروح ونتسدح على سكة الحديد وهذا نوع من أنواع الإحتجاج السلمي المشروع وإذا لاقدر الله دهسنا القطار نكون شهداء العزوبية ودماءنا في رقبة العوائل يالله

إقتباس


	الكيوبدرا<<<من وين جايبها

مالومك ياعزيزي هاذي نتيجة الضغوط الي عايشينها صرنا نخبص بالكلام

إقتباس


	ترا جد شي يرفع الضغط والمشكله في حجه يقولون ثلاث ارباع الشعب داج وذا دخل السوق يكون هدفه زي خشته بالله ماشافوا الشباب الحلو مثلي وشرواي وشروا ازرق الدم

من جد وهاذا الي قاهرن ...ياخذون فكره انوه اي واحد يبي يدخل السوق الا عشان يضايق البني ...وياليتها جت على الأسواق بل في كل مكان...

هم بس خلهم يمنحونا الثقه ...وترا احنا قدها

وبعدين وش ذنبنا اذا كنتا انا وأخوي ازرق+ابيض=عشق الهلال حلوين وينكبوون علينا البنات<<<اقول انقلع بس

معليش كنت امزح

والي يقول تزوجو,,,عشان تنحل المشكله

اقول موتوا بغيضكم مانبي نتزوج يازين الحريه

حبيبي عشق الهلال....شرفت الموضوع بحضورك