إقتباس الرسالة الأصلية كتبت بواسطة ازرق+ابيض=عشق الهلال [COLOR=darkgreen] ليه غادرت السفينه ونا جايبلك بحر

اخوي عشق الهلال البيت يقول

فارقت أنت السفينه وأنا جايب لك بحر والقصيده لمضفر النواب شاعر عراقي

وهاذي القصيده عندي كامله .

مو حزن ..لكن حزين
مثل ما تنقطع جوه المطر
شتلة ياسمين
مو حزن لكن حزين
مثل صندوق العرس
ينباع خردة ْ عشق
من تمضي السنين ْ
مو حزن لكن حزين ْ
مثل بلبل قعد متأخر
لقى البستان كلها
بلايا تــــــين
مو حزن لكن حزين



خذني يا بحر
خذني خشبة
.. خذني والبحارة لو سألوك كلهم
ما نسيتك
.. الخشبة عاشت عمر طيب
عشقت كل المخاطر
عاندت .. مشيت بوجه الريح
لكن ما كسرها
وصارت تسافر وحدها
بلا اتجاه !
وارجع احط خدي على خدك
يا بحر
خشبه وبحر
خشبه .. خشبه وكلش حزينه
خشبه لكن حيل
اهيب من سفينه


ما بكيتك
فارقت انت السفينه
وانا جايبلك بحر ..!
جبتلك طوفان الحلم
حلم منذور بغياب الشمس
فارقت حلم الناس
ومليت السفينه والسفر ؟
ما بكيتك
انا بكتني السفينه !
منين ما طش الرذاذ .. تريد تبحر !
تدري نوبات السفن لو ضاق خاطرها بجبن قبطانها
تسافر وحدها !
تدري نوبات المحبة تملّ
وأحبك للقهر
ما بكيتك .. انا ما بكيتك
انا بكتني السفينه !!


قصيده رائعه جداً .