ماهو الدوري او الدوله او القارة التي تفضل ان يكون اللاعب الجديد قادم منها ؟

بوجهة نظري أفضل أن يكون لاعب عربي , لأن فيه لاعبين عرب مستوياتهم أكثر من رائعه بصراحه , هذا التايب جبناه و شفنا وش سوى , اذا ماهو عربي أتمنى أنه يكون من قارة أفريقيا لأن أفريقيا فيها لاعبين ممتازين لأبعد درجه و بسعر أقل من اللاعب البرازيلي مثلاّ .

هل تفضل الاسماء اللامعه والمشهوره أم تركز على القيمه الفنيه للاعب؟

لا مو شرط اسم لامع أو مشهور , بالعكس أنا اركز على القيمه الفنيه للاعب
و أقرب مثال ( تفاريس ) جبناه و ما كان أحد يعرفه و كمل مع الهلال 4 مواسم و ارتفع سهمه و صارت كل الفرق تتمناه و بالفعل راح و خسرناه .

ماهي الخانة التي تفضل ان يدعم بها النادي بمحترف جديد ؟

خانة ( الظهير الأيمن , مهاجم ) لأن مشكلة الهلال هي في هالخانتين ذي بس
و شفنا هالموسم كيف ان الهلال تأثر بسبب عدم وجود اللاعب الثابت في هالخانتين .

وهل تفضل ان يكون المحترف سبق له اللعب بالخليج او تفضل ان يكون لأول مره ؟

لا و ألف لا بعد , نبي لاعب توه من ديرته الى الهلال , علشان يثبت مستواه الفني مع الفريق
يعني لو ان فيه لاعب ممتاز في الخليج لأحضره الهلال , بس ما أظن ان فيه لاعب في الخليج يشبع رغبة الهلاليين .