نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

فاهم جدا · #37 15/04/2003, 03:46 PM

الغالي المميز .. تحدوه البشـر

تبقى مميزا ًً .. ويبقى الإختلاف والإتفاق معك ايضا مميزا ً ..
لا اقول هذا مجاملة .. انما هو واقع يتماثل امامنا شواهده .. فلله درك ..

إقتباس


	اذن نتفق على شيء واحد وهو حفظ التاريخ لهذه الانجازات وهذا هو الاهم

لا شك .. سيبقى ( التاريخ ) حافظا لكل انجاز كبـُرَ او صـغـُـر ..
غير ان للإنجازات انواع وأشكال .. فليست بطولة المصيف كبطولة كأس الاتحاد .. وابطولة الاتحاد ليست كخادم الحرمين الشريفين وهكذا ..
لا اشك انك لاتختلف معي في هذه النقطة ( رغم ) ان ( قاريء ) التاريخ على عجل ، سيأخذها على شكل ارقام فقط ..!!
المهم في الأمر ان ( متمحص ) التاريخ سيجد الزعيم علية القوم في كل شيء .. رقماً وكيفية ً .. يكفي ان نعلم ان الهلال بطولاته الخارجية تمثل اكثر من 50 % بالنسبة للداخلية ..

نأتي الى بطولة الصداقة .. لا ريب ان الهلال حقق بطولتين منهما بكل استحقاق ..
ولكن لكي اختصر ما عنيته انا تماما فأقول اخي تحدوه :
هب ان الهلال في المواسم القادمه لم يشارك في تلك البطوله .. وحقق الأهلي بطولاتها القادمة كلها .. فهل نقبل بأن يقل ( الفارق ) البطولاتي بين الهلال والأهلي من خلال تلك البطولة .. !!

لو كان كذلك .. او لو جاز ذلك .. لكان من الأولى لكل فريق ان ينظم بنفسه بطولة ويدعوا فيها من شاء من الفرق نوعية ( مشي حالك ) ويخم من هالبطولات الى ان يشبع ..

تسلملي مشاركتك وواصل نثارك ..

الغالي الحبيب.. عبدالله الاحسائي

نورت الموضوع .. وشكرا لإطرائك المشرف لي ولا شك ..

الغالي الرائع .. العا15شق

والمباركة السامية لك ايضا .. والحمدلله ان الهلال ابى إلا ان يسجل اسمه في سجل البطولات هذا الموسم ..
وابى ايضا الا ان يجعل جمهوره يتبادلون التهاني كعادتهم الموسمية ولله الحمد ..

اما مشاركتك فهو إضافة رائقة كمذاق القهوة في الصباح الباكر <==== شايب راعي خرمه

وبالنسبة ليوسف ففعلا قد سقط عني سهوا .. والا ابو يعقوب بكبره ينسى .. بس ماقلتلك اني شايب :p وبالنسبة لبطولات سامي فتجد احصائية قدمتها الجزيرة في عدد الأحد الماضي عن البطولات التي شارك في انجازاتها ..

تحياتي لك ..

الغالي والحبيب .. مرتاح احبك

يابعدي انت اللي ما خليت لي شيء اقوله .. احس ان راسي يبي يبط من الكبر

عاد تراي ما انفع لا صرت شايف نفسي .. اخربها على طول

تسلم لي هالطلة وشكرا لك من الأعماق ..

الغالي والمحب .. سراب الدمع

نعم .. ارى عناقيد ذهبية تتدلى في رحى موضوعي .. ومداخلتك أحد أجمل هذ العناقيد ..
تحياتي لك من الأعماق .. وعلى ضفاف البطولات نلتقي دوما ..

الغالي الحبيب.. فروتي الهلال

أجل هكذا هو الجنرال ابو مبارك .. يجبرنا على تقديره واحترامه ..
تمنياتي لك بالتوفيق ..

الغالي والعاشق .. عــبــود

ما عقب ذا شي ياعبود .. شكلي ابصك جهازي عقب كلامك .. يعني تعرف ودي اعتزل النت وانا على مفخره

إقتباس


	فلن يهنأو بتقدمهم المزيف بل الزعيم قادم ليفرض شروطه فلكم ان تخضعوا لسلطان الزعيم ..أو تنتحروا على اطراف المربع ..

ههههههه .. الله يقطع شرك ياعبود .. ينتحرون على اطراف المربع .. الله يذكرك بالخير يالصحاف

إقتباس


	وهذي ماتبي نشدة مطوع .... ان بغوا يقتنعون ولا طويق .... .

الغالي اخي .. طوربيد 10

جميل لي ان تقرأ الموضوع .. والأجمل هي مشاركتك وموافقتك له ..
تحياتي لك ..

الغالي والأخ .. هلالي مرات

عافاك الله وبياك ..
تسلم .. ولك الشكر ..

الغالي والعزيز .. اويـن

تابعت من فترة نقاشك مع احد الأعضاء عن الشريدة تحديدا ..
سرتني جدا ( انصافك ) له .. فهذا اقل ما يستحقة ..
اما أقـل ما تستحقـه انت .. هو تقديري الكامل واحترامي لك وتحيتك بأعطر التحايا ..

الغالي الأخ .. ابو قصاص

اتمنى انه قد حاز على رضاك ..
ومن حب الزعيم تـُسـتقى الفـنون .. اليس كذلك ..
تسلملي طلتك العزيزة ..

الغالي الأخ .. ولد النعمة

تآمر أمر .. هلالي وولد نعمة

وتبي نرفضلك طلب ..
من الحين الرحلة متوقفة لين تآمر ياطويل العمر ..

تسلملي يابعدي ..

الغالي والحبيب .. اسير الزعيم

تحياتي لك من الأعماق .. وان شاء الله نلتقي دوما على مائدة بطولات الزعيم ..
شكرا لك ..

الغالي الأخ .. الفاروق

وانا اخوك اسمع منا وطلع .. ولا يهمونك هم ودسائسهم .. ما بقى الا هي بعد .. أجل بطولات تنشيطية رمضانية يبون يحسبونها .. عليهم سعة وجه ما حصلتش ..
تسلم ياغالي ..

الغالي الأخ .. عــضو مجلس الوزراء

اصبر خلني اجيب البشت

بس عسى الوالد مهوب معزوم ويبيه هم ابلش عاد

تسلم وانا اخوك على تشريفك الموضوع ..
والهلالي محمد من المبدعين الذين يأسرونك اجبارا ..
تحياتي لك ..

الغالي والمتجدد دوما.. افتخر اني هلالي

ايوا الله بالبركة وانا اخوك .. تو ما يرجهن الواحد عقب ماكان =====> :sad:

وبالفعل الله يحفظ لنا نجومنا وسامي اولهم .. فلا غناة عنهم .. هم وقود البطولات ..
اشكرك جدا على إطلالتك الجميلة .. واثمن لك ابداعاتك المتكررة منذ فترة مع تقصيري الكامل تجاهها ..
تحية لك من الأعماق ..

الغالي والحبيب .. الممنوع

فعلا .. لن يتسطيعوا مقارعة الزعيم منفردين او مجتمعين ..
وجعلنا الله احبة دائما يارب ..
وسلمت لي ..

الغالي والغالي .. thewolf6

وانت مشكور على هذه الإطلالة المشرقة ..
فالتحية المعطرة الجزلة اليك بما تحمل من حب واحترام ..

الغالي قبطان الأخلاق والكلمة .. القبــــطان

فعلا يابعدي .. لازم نشوفلنا حل مع سامي .. يعني مفروض ربعنا يخربون عليه صفقاته يألبون عليه الإتحاد السعودي المهم يشوفون لهم صرفه فيه ..
الا على فكرة قبطــان .. نادي سامي هذا .. ينافس الهلال في كرة القدم بس والا كل الآلعاب

تحيتي لك مفعمة بالشوق والمحبة والتقدير .. وليحفظك المولى ..

الغالي والحبيب .. almajed

يسلملي مرورك هنا .. وشكرا لك ..

الغالي والحبيب .. ابو كرم

ايوا الله اللي بخليلنا الزعيم وجمهوره يارب ..
وتسلم يابعدي على هالطلة الذويقه بصراحه ..

الغالي والعزيز.. للمجد بقيــــــــــة

اتمنى ياخي انه حاز على رضاك فضلا عن اعجابك ..
كم يحق لمثلي ان يفخر بذلك ..
ووفق الله هلالنا لباقي الأيام .. حفظك لامولى ..

لباقي الردود عودة ان شاء الله ..